Evangelische Kirchenordnungen des XVI. Jahrhunderts

1. Evangelische Messe

tijdt unde van dy nicht gescheden werden in ewi-
cheit. |A 7v|
Hier na scal de priester dat hochwerdige Sacrament
geven den, de dat myt eynen hungerigen, sundigen
herten begerent, also sprekende:
Wes41 getrostet. Wente siet, dit is dat licham unses
heren Jesu Christi, dat vor iw geleden heft den bit-
teren doet. Nemet hen unde etet, uppe dattet42 iw
spise unde beware in dat ewige levent.
Alse se alle berichtet synt myt den licham Christi,
so scal de prester nemen den kellick myt den durbar
blode Christi unde spreken also:
Nu wil wy oeck drincken den kelick des heils unde
anropen den namen des heren. Siet, gy bedrofde,
sundige herten, unded weset getrostet. Wente dit is
de durbar, kostelike scat43 des blodes uns heren Jesu
Christi, darmede gij gekoft sint44. Nemet dit unde
delet under malkanderen to afwasschinge iwer sun-
den.
Went dit alles geschen is, so scal de prester myt der
gantzer Christen gemene dancken unde laven den
heren myt dussen lavesanck seggende: |A 8r|
O Here, nu latet in vrede dijnen knecht na dijnen
worden, want unse ogen hebben gesien dijnen hei-
lant, den du bereidet hefst voer den angesichte alles
volckes, Eyn lecht, to vorluchtende de heiden unde
to eyner glorie dijnes volkes Ysrahel45. Dy sy lof
unde danck, o du hillige, benedide drevoldicheit,
Got vader, sonne, hillige geist.
Te Deum laudamus to dude
Di Got lave wy, dy here bekenne wy. O ewige vader,
d Druck: wnde.
41 Imperativ von wesen.
42 Dattet steht für dat dat, s. Lasch / Borchling 1,
Sp.400.
43 Siehe im Glossar unter schat.
44 Vgl. Apg 20,28.

dy eret dat gantse ertrike. Alle engelen myt alle
craften des hemmels ropen to dy sunder uphoren,
seggende:
Hillige, Hillige, Hillige, here got der herscaren. Vul
synt hemmel unde erde der glorien dijner maie-
steit46. Dy lavet de hillige versamelinge der Apo-
stelen, de loflijke tal der proheten unde dat blenken-
de kor der marteleren. Dy bekennet de herlige
Christenheit dorch de gantze werlt, Eynen vader
der ungemetener herlicheit, Unde dijnen ennigen,
waren, erwerdigen sonne, unde den troster47, den hil-
ligen geist. |A 8v|
O Christe, eyn konick der eren, Du bist des vaders
enyge sone. Du hefst nicht geschuwet, van der
junckfrouwen lijf an to nemen de minscheit. Du
hefst averwunnen des dodes angel unde den gelovi-
gen upgedan dat hemmelrijke. Du sittest to der vo-
deren hant in der herlicheit Gades, dijnes vaders,
unde werst gelovet eyn tokamende richter. Dar-
ymme bidde wy dy, dat du helpest dijnen deneren,
de du myt dynen kostbarliken blode vorloset hefst,
Uppe dat wy in ewigen glorien belonet werden myt
dynen hilligen.
O here, make salich dijn volck unde gebenedye dijn
arftal48. Regere unde verheve se in ewicheit. Uw la-
ven dy alle dage unde prijsen dijnen namen van dat
eyne geslechte in dat ander. Here, beware uns dus-
sen dach vor sunden. Vorberme49 dy unser, o here,
vorberme dy unser. Unde bewijs uns dijne barmher-
ticheit, als wy dat in dy vorhapen: In dy, here, heb-
be ick gehapet, lath my nicht geschent werden in
ewicheit50. Amen.
A. G. W.51

45 Lk 2,29-32 (Das „Nunc dimittis“).
46 Jes 6,3.
47 Vgl. Joh 14,16 u.ö.
48 Siehe im Glossar unter erftal.
49 Siehe im Glossar unter vorbarmen.
50 Ps 25,2.
51 Vgl. oben Anm. 7.

407