Sitzungsberichte der
Heidelberger Akademie der Wissenschaften

34

Otto Cartellieri:

temps advenir la destruccion dudit royaume, se nous eussions
delaye d’accepter ladicte paix, selon ce que nous pouvions veoir
et appercevoir et que par plusieurs notables et preudomm.es ser-
viteurs et amis de nostre dit frere et seigneur nous fust rapporte,
fusmes infourme. Laquelle cbose nous, qui par vraye experience
sommez acertenez que nostre dit frere et seigneur a tousjours
ayme et desire, ayme et desire le bien, honneur et prosperite de
nostre dit seigneur le roy, de nostre dit seigneur de Guienne et
dudit royaume aussi loyalment et parfaitement que prince ou
seigneur puet et doit faire, son seigneur souverain et sa seigneurie,
savons de vray qu’il n’eust point voulu pour chose qui lui puet
estre advenue, pour lesquelles consideracions et plusieurs autres
dont en ces presentes ne voulons estre faicte aucune mencion,
nous ä qui il avoit dudit fait qui tant touchoit son bien et s©n
honneur baille du tout la charge et en avoit en nous sa plaine
confiance, pour obvier aux diz inconveniens et nous en ce acquitter
ä noz loyaulx povoirs envers nostre dit seigneur le roy, nostre dit
seigneur de Guienne, lequel estoit si enclin ä ladicte paix comme
veritablement le sceusmes et la desiroit tant que plus ne povoit,
et semblablement envers nostre dit frere et seigneur, feusmes
meus et contrains en noz consciences de jurer incontinent et
promettre d’entretenir selon la fourme et teneur desdictes lettres
icelle paix ä noz loyaulx povoirs tant ou nom et comme procureurs
d’icelui nostre frere et seigneur, comme en noz propres et privez
noms, sens aler ou envoier devers lui, pour doubte que par le delay
qui s’y eust prins la chose s’eust peu rompre. En faisant de rechief
les protestacions que plusieurs fois avant avions faittes, c’est
assavoir que nostre entencion avoit tousjours este et estoit de
poursuir par supplication en toute humilite par devers nostre
dit seigneur le roy et nostredit seigneur de Guienne, afin que
par eulx, selon la bonne esperance que de leur grace ilz nous avoient
adez donnee, en laquelle nous avons plaine confiance, lesdictes
excepcions et reservacions seroient ostees ou si gracieusement mode-
rees que nostre dicte esperance pourroit avoir et sortir son plain effect,
au bien et entretenement de ladicte paix, et autrement ne l’eussions
aucunement accordee, prorniz ne juree de l’entretenir ou nom
et comme procureurs de nostre dit frere et seigneur de Bourgoingne.
En tesmoing de ce, nous duc et duchesse, etc.

Nord B 317, Tresor des chartes Nr. 17 865. Papier. Undatiert.
Entwurf.