Evangelische Kirchenordnungen des XVI. Jahrhunderts

Dortmund

Uth dem Canon etlike bede

Gebedt vor de gemene Christlike Kercke
Wy bidden dy demödichliken, genedigeste Vader,
dorch Jhesum Christum, dynen Söne, unsen Heren,
dat du woldest dy angeneme laten syn unde erhören
unse gebedt, dat wy dy vordregen unde offeren vor
dyne hilligen gemene Christliken kercken, welcker
du woldest frede schaffen, se behöden unde er hel-
pen unde se regeren ynn der gantzen werlt umme-
kringe sampt aller Overicheit, geistlick unde wert-
lick, unde allen rechtgelövigen unde de des gemenen
Christliken gelovens synt.
Das Aventmal Christi
Welcker des negesten dages vor synem lydende, yn
der nacht, do he vorraden wart, nam |CLXXVr | dat
brodt, danckede unde brackt unde gaff ydt synen
Jüngeren und sprack: Nemet hen und ethet. Dat ys
myn lyff, dat vor iuw gegeven wert. Dat doth tho
myner gedechtnysse.
Des Geliken nam he ock den Kelck na dem
Aventmale, danckede unde gaff en den unde sprack:
Nemet hen unde drincket alle dar uth. Dat ys de
Kelck des Nyen Testamentes ynn mynem blode, dat
vor iuw unde vor velen vorgaten wert tho vorgevin-
ge der sünden. Sölckes doth, so vaken gy drincken,
tho myner gedechtnysse7.
Gebedt
Darumme gedencke wy, Here, dyne knechte, dar
tho ock dyn hillige volck, Christi, dynes Söns, unses
Heren, beide, des hilligen lydendes unde ock der up-
standinge van der Helle, dar tho ock der herliken
upfart ynn dem Hemmel, unde dancken dyner her-
liken Maiestet vor den sülven dodt, upstandinge
unde hemmelfart dynes leven Söns, dar dorch du
uns vorgevinge der sünden unde Upstandinge thom
ewigen leeven geschencket heffst, unde bydden, du
woldest umme synent willen mit genedigem, gün-
7 Mt 26,26-28; Mk 14,22-24; Lk 22,19-20; 1Kor
11,23-25.

stigen Angesichte up uns sehen unde unse bedt vor
dy laten kamen |CLXXVv| unde geven, up dat alle,
dy wy thor gedechtenisse unde danckbarheit des
sülven dodes van desser des Altars gemenschop des
allerhilligesten dynes Söns Lyff unde Blodt nemen
werden, mit allen hemmelschen segen unde genaden
vorfüllet werden, Dorch den sülven Christum, un-
sen Heren, Amen.
Gebet
Gedencke, O Here, dyner dener unde denerynnen,
de up de mannichfoldicheit dyner erbarmynge ha-
pen, den woldestu ein deel unde gemenschop
schencken mit dynen Hilligen Apostolen unde Mar-
telers unde mit allen dynen Hilligen, under welcker
gemenschop bidden wy, du woldest uns tholaten,
nicht als ein anschouwer des vordenstes, sunder als
ein vorgever, Dorch Christum, unsen Heren, Dorch
welcken du, Here, uns heffst geschapen, genedich-
lick erlöset, gesegenet, gehilliget unde dat ewige lee-
vent gegeven. Dorch en unde mit em unde yn em
heffstu, Godt, Almechtige Vader, yn der enicheit des
hilligen Geistes alle eere unde pryss Dorch alle
ewicheit der ewicheit, Amen.
Lathet uns bidden, De wy dorch heilsame ge-
bade unde Gödtliken underwysinge underwyset
synt, dören wy seggen (edder: Uth heilsamen bevele,
lere unde thosage Chri- |CLXXVIr| sty, dören wy
fry tho Gade ym loven seggen).
Pater Noster8
Vader unse, de du bist ym hemmel. Gehilliget werde
dyn name. Thokame dyn ryke. Dyn wille geschee up
Erden als yn dem hemmel. Unse dagelike brodt giff
uns hüden. Unde vorgiff uns unse schulde, als wy
vorgeven unsen schuldenern. Unde vöre uns nicht
yn vorsökinge, Sunder erlöse uns van dem övel,
Amen.

8 Mt 6,9-13.

212