DOI Seite / Zitierlink:
https://doi.org/10.11588/diglit.30040#0402
Braunschweig
De adjutor prediget des avendes umme seyers
3 imme Paulerkloster des Mandages, Midde-
wekens unde Frydages, so em dat to vele wer,
so late he de frydagespredige anstän.
De predige edder lectie to Sunte Catharinen,
to Sunte Peter unde to Sunte Ulrike schal syn
de evangelista Mattheus. Wen de uthe is, so
schal me Lucam wedder anheven.
To Sunte Marten, to Sunte Magnus unde to
Sunte Andrees schal syn de evangelista Lucas,
wen de uthe is, so schal me Mattheum wedder
anheven.
Also scholen de beyden evangelisten in allen
den genömeden paren ummeschicht geprediget
edder gelesen werden.
De lectien scholen jo so gelesen werden, dat
se deme gemeynen volke nutte syn. Wente de
predigere, de dar öre kunst bewisen willen,
schaffen mit der wise neynen framen.
De superattendens neme to predigen den evan-
gelisten Johannem, de adjutor uth deme Paulo
de slichtesten epistolen, de epistole Joannis
edder ock de erste Petri etc. Unde wen de evan-
gelista Joannes uthe is, so schal de adjutor
en annemen unde de superattendente de episto-
len etc. unde so wedderumme.
Se alle werden eyn vordel hebben, de evan-
gelisten deste ehr to endigen, wowol se sus
lange waren willen. Wente wen text vohrvolt,
de up eynen Sundach edder fest imme jare
wert geprediget, so darven se men den text
slicht lesen unde seggen, dat darvan up eyn
andermäl geprediget wert. Mit sulker wise dar-
ven se ock neynen evangelisten wider lesen
edder prediken, wen bet up de passie. Wente
wat mehr vortan in den evangelisten van deme
lidende unde upstandinge Christi gescreven steyt,
dat wert alle uth den vehr evangelisten ge-
prediget in der stillen weke unde in der Pa-
schenweke, also tovorne gesecht is.
Villen övers sonderge saken vohr, de nöt
weren to predigen, so konen de predicanten sulk
wol in öre lectien mitbringen, alse mochte syn
sunderlick erdöm edder schwermerye, edder me
mochte sonderlick darvan predigen unde de
lectien stahn laten etlike dage. Sulk schal overs
nicht geschehn ane grote apenbare nöt, darto
ock nicht ane den rädt des superattendenten,
wente den wert de sake allermeyst bedrapen
etc.
Baven alle scholen sick de predigere holden
na der heylsamen vormaninge Sancti Pauli, in
den epistolen an Timotheon [1. Tim. 2, 1 f.]
unde Titon [Tit 3, 1] gescreven. Se scholen vor-
manen, to biden vor keyserlike majestat, vor alle
fursten, vor unsen erbarn radt, up dat wy under
en eyn rowelik unde stille levent mogen vören
in aller gotsalicheit unde redelicheit. Wente in
krige vorvolt dat evangelion, gude lere, alle
ere unde tucht, gude sede unde eynicheit, darto
alle screvene unde landrechte.
Ane dat scholen doch sus de Christene stedes
bidden Got, ören leven Vader, dorch Jesum
Christum in aller lives unde der selen anliggen-
der nöt vor sick unde vor de anderen. Dartho
scholen de predikere se jo vlitich leren unde vor-
manen.
Item ock vormanen de riken unde de hand-
werkeslüde, dat se van öreme gude, 1. Timo. 6
[17 ff.], unde van öreme arbeide, Ephe. 4 [28],
leren unde sick gewennen, den notroftigen to
denen.
Item vormanen dat volk to gehorsame der
overicheit, alse Paulus dat bescrivet Rom. 13
[1 ff.], unde dat se undereynander frede unde
eynicheit holden unde haderen nicht, laten sick
geme in twedrachtigen saken dorch andere
frame lüde vordragen, id koste wat id koste.
Eynicheit unde frede is beter wen aller werlde
gut etc.
To sulken saken unde allen andern christenen-
leren hebben de predicanten eyne kostlike unde
christlike underrichtinge imme boke, dat Phi-
lippus Melanchthon bescriven hefft, nicht mit
syneme namen, sonder mit disseme titele: Under-
richtinge der visitatoren an de parnere etc. 79
79 Sehling I, S. 149 ff.
382
De adjutor prediget des avendes umme seyers
3 imme Paulerkloster des Mandages, Midde-
wekens unde Frydages, so em dat to vele wer,
so late he de frydagespredige anstän.
De predige edder lectie to Sunte Catharinen,
to Sunte Peter unde to Sunte Ulrike schal syn
de evangelista Mattheus. Wen de uthe is, so
schal me Lucam wedder anheven.
To Sunte Marten, to Sunte Magnus unde to
Sunte Andrees schal syn de evangelista Lucas,
wen de uthe is, so schal me Mattheum wedder
anheven.
Also scholen de beyden evangelisten in allen
den genömeden paren ummeschicht geprediget
edder gelesen werden.
De lectien scholen jo so gelesen werden, dat
se deme gemeynen volke nutte syn. Wente de
predigere, de dar öre kunst bewisen willen,
schaffen mit der wise neynen framen.
De superattendens neme to predigen den evan-
gelisten Johannem, de adjutor uth deme Paulo
de slichtesten epistolen, de epistole Joannis
edder ock de erste Petri etc. Unde wen de evan-
gelista Joannes uthe is, so schal de adjutor
en annemen unde de superattendente de episto-
len etc. unde so wedderumme.
Se alle werden eyn vordel hebben, de evan-
gelisten deste ehr to endigen, wowol se sus
lange waren willen. Wente wen text vohrvolt,
de up eynen Sundach edder fest imme jare
wert geprediget, so darven se men den text
slicht lesen unde seggen, dat darvan up eyn
andermäl geprediget wert. Mit sulker wise dar-
ven se ock neynen evangelisten wider lesen
edder prediken, wen bet up de passie. Wente
wat mehr vortan in den evangelisten van deme
lidende unde upstandinge Christi gescreven steyt,
dat wert alle uth den vehr evangelisten ge-
prediget in der stillen weke unde in der Pa-
schenweke, also tovorne gesecht is.
Villen övers sonderge saken vohr, de nöt
weren to predigen, so konen de predicanten sulk
wol in öre lectien mitbringen, alse mochte syn
sunderlick erdöm edder schwermerye, edder me
mochte sonderlick darvan predigen unde de
lectien stahn laten etlike dage. Sulk schal overs
nicht geschehn ane grote apenbare nöt, darto
ock nicht ane den rädt des superattendenten,
wente den wert de sake allermeyst bedrapen
etc.
Baven alle scholen sick de predigere holden
na der heylsamen vormaninge Sancti Pauli, in
den epistolen an Timotheon [1. Tim. 2, 1 f.]
unde Titon [Tit 3, 1] gescreven. Se scholen vor-
manen, to biden vor keyserlike majestat, vor alle
fursten, vor unsen erbarn radt, up dat wy under
en eyn rowelik unde stille levent mogen vören
in aller gotsalicheit unde redelicheit. Wente in
krige vorvolt dat evangelion, gude lere, alle
ere unde tucht, gude sede unde eynicheit, darto
alle screvene unde landrechte.
Ane dat scholen doch sus de Christene stedes
bidden Got, ören leven Vader, dorch Jesum
Christum in aller lives unde der selen anliggen-
der nöt vor sick unde vor de anderen. Dartho
scholen de predikere se jo vlitich leren unde vor-
manen.
Item ock vormanen de riken unde de hand-
werkeslüde, dat se van öreme gude, 1. Timo. 6
[17 ff.], unde van öreme arbeide, Ephe. 4 [28],
leren unde sick gewennen, den notroftigen to
denen.
Item vormanen dat volk to gehorsame der
overicheit, alse Paulus dat bescrivet Rom. 13
[1 ff.], unde dat se undereynander frede unde
eynicheit holden unde haderen nicht, laten sick
geme in twedrachtigen saken dorch andere
frame lüde vordragen, id koste wat id koste.
Eynicheit unde frede is beter wen aller werlde
gut etc.
To sulken saken unde allen andern christenen-
leren hebben de predicanten eyne kostlike unde
christlike underrichtinge imme boke, dat Phi-
lippus Melanchthon bescriven hefft, nicht mit
syneme namen, sonder mit disseme titele: Under-
richtinge der visitatoren an de parnere etc. 79
79 Sehling I, S. 149 ff.
382