DOI Seite / Zitierlink:
https://doi.org/10.11588/diglit.30040#0424
Braunschweig
Unde de bisschop trat up unde lerede dat volk
unde lede em vohr uth der hilgen scrift, nicht
eyn ganz caput, sunder eyn part van deme
capite, welk me darumme hefft genömet capi-
tulum, dat is eyn kleyn caput edder eyn part
van deme capite. Also synt noch vorhanden de
homilien der doctorum, dat synt predigen, alse
se deme volke de evangelia geprediget hebben.
Augustinus hefft de ganzen psalter syneme volke
geprediget, alse dat grote bock Augustini betü-
get 47, welk up den psalter gescreven is. Item
he hefft sermones gedän de verbis Domini, item
de verbis apostoli. Desgeliken Ambrosius, ock
Chrysostomus unde de anderen alle etc. So
lange, dat andere prestere edder bisschoppe
wen de, de Paulus [1. Tim 3, 2 ff.; Tit 1, 7 ff.]
bescrivet, synt geworden. De hebben mit ören
monneken unde papen dat capitulum in de bede-
böke gebracht, dat se also mit eyneme Deo
gratias darvan könen kamen, scholden se dat
capitulum up den predickstöl bringen, so wolde
id mehr moye kosten.
Darumme is ock alle unse kynder singent,
ock wen me nicht prediget up de stunde, darhen
gestellet, dat se nicht alleyne dardorch geövet
werden unde gewennet tor hilgen scrift, sonder
ock so etlike andere in der kerken weren, mögen
tohören lectien latinisch unde düdesch nach öreme
vorstande, alse Paulus leret 1. Corin. 14 [26],
Wen nu de predige under der vesper, alse
gesecht is, uthe is, so schal me wedder eyn
düdesch let singen na deme bede. Darmede geyt
dat meyste volk wech. So scholen de kyndere
den hymnum unde Magnificat etc. vortan singen,
darto mach me up den orgelen spelen. Dat
responsorium overs mögen se denne anstän la-
ten, dat id nicht to lange ware. Sulke vesper
wert alleyne thovallen des hilligen avendes,
wör de superattendente unde syn adjutor predi-
gen werden.
Wen de kyndere des sanges gewanet werden,
so schal de cantor en dre responsoria leren, dat
de gesellen mit en singen des hilgen avendes
eyn, dat ander des hilgen morgens, dat drudde
des anderen avendes, dat so de kyndere deste
mehr leren singen. De cantor mit den gesellen
scholen sick ock in den antiphenen unde re-
sponsorien unde hymnis schicken nach der tidt
unde nach den festen, doch dat uth der hilgen
scrift sy de sank edder sus nicht unchristlick.
Sulck kan me wol uth den sankböken uth-
noteren, dat me id des anderen jares wedder
kan singen, so me nicht beters wet edder
hebben kan. Darto scholen Se ock geschicket
syn mit den lectien uth deme olden testamente,
dat se de kyndere wisen up de böke, daruth se
mögen leren de historien unde gude leren unde
prophetien. Darumme mögen se wol vele capi-
tele ungelesen laten, den kynderen nicht sun-
dergen denstlick. Dat nye testament schal ganz
gelesen werden.
De scholemeystere scholen ock vlitich darup
sehen, dat up etlike tide unde feste de dage-
liken kercklectien nabliven unde sunderge lec-
tien werden gelesen, de sick wol rymen mit den
festen unde sundergen tiden, id sy des aven-
des edder des morgens, uth dem olden edder
nyen testamente, dar is nicht an gelegen, alleyne
dat id ordentlik toga, to beteringe der kynde-
ren. Also mach me van dominica Judica bet
up Paschen des avendes unde morgens lesen
laten uth den vehr evangelisten, wat gescreven
is vamme lidende Christi, unde darmank ock dat
13. capitel Joannis. De paschenweke över, wat
de vehr evangelisten van der upstandinge
Christi gescreven hebben, darto den sermon
Christi, na deme letsten aventmale gedän, welken
Joannes bescrifft cap. 14, 15, 16, 17, so lange na
Paschen, dat se den uthlesen des avendes unde
morgens. Uppe ascensionis Act. 1. Up Pynxten
dat andere capitel, dat drudde, dat vehrde
edder mehr ex Actis apostolorum. Up Wynach-
ten uth deme Luca unde etlike prophetien üth
dem propheten Esa. 9; 11; 12; 25; 35; 40 unde
schyr vortan, wat me wil, usque ad finem libri.
Item Ezechielis 34, Michee 4 unde 5 unde an-
47 Enarrationes in psalmos; MSL 36/37.
404
Unde de bisschop trat up unde lerede dat volk
unde lede em vohr uth der hilgen scrift, nicht
eyn ganz caput, sunder eyn part van deme
capite, welk me darumme hefft genömet capi-
tulum, dat is eyn kleyn caput edder eyn part
van deme capite. Also synt noch vorhanden de
homilien der doctorum, dat synt predigen, alse
se deme volke de evangelia geprediget hebben.
Augustinus hefft de ganzen psalter syneme volke
geprediget, alse dat grote bock Augustini betü-
get 47, welk up den psalter gescreven is. Item
he hefft sermones gedän de verbis Domini, item
de verbis apostoli. Desgeliken Ambrosius, ock
Chrysostomus unde de anderen alle etc. So
lange, dat andere prestere edder bisschoppe
wen de, de Paulus [1. Tim 3, 2 ff.; Tit 1, 7 ff.]
bescrivet, synt geworden. De hebben mit ören
monneken unde papen dat capitulum in de bede-
böke gebracht, dat se also mit eyneme Deo
gratias darvan könen kamen, scholden se dat
capitulum up den predickstöl bringen, so wolde
id mehr moye kosten.
Darumme is ock alle unse kynder singent,
ock wen me nicht prediget up de stunde, darhen
gestellet, dat se nicht alleyne dardorch geövet
werden unde gewennet tor hilgen scrift, sonder
ock so etlike andere in der kerken weren, mögen
tohören lectien latinisch unde düdesch nach öreme
vorstande, alse Paulus leret 1. Corin. 14 [26],
Wen nu de predige under der vesper, alse
gesecht is, uthe is, so schal me wedder eyn
düdesch let singen na deme bede. Darmede geyt
dat meyste volk wech. So scholen de kyndere
den hymnum unde Magnificat etc. vortan singen,
darto mach me up den orgelen spelen. Dat
responsorium overs mögen se denne anstän la-
ten, dat id nicht to lange ware. Sulke vesper
wert alleyne thovallen des hilligen avendes,
wör de superattendente unde syn adjutor predi-
gen werden.
Wen de kyndere des sanges gewanet werden,
so schal de cantor en dre responsoria leren, dat
de gesellen mit en singen des hilgen avendes
eyn, dat ander des hilgen morgens, dat drudde
des anderen avendes, dat so de kyndere deste
mehr leren singen. De cantor mit den gesellen
scholen sick ock in den antiphenen unde re-
sponsorien unde hymnis schicken nach der tidt
unde nach den festen, doch dat uth der hilgen
scrift sy de sank edder sus nicht unchristlick.
Sulck kan me wol uth den sankböken uth-
noteren, dat me id des anderen jares wedder
kan singen, so me nicht beters wet edder
hebben kan. Darto scholen Se ock geschicket
syn mit den lectien uth deme olden testamente,
dat se de kyndere wisen up de böke, daruth se
mögen leren de historien unde gude leren unde
prophetien. Darumme mögen se wol vele capi-
tele ungelesen laten, den kynderen nicht sun-
dergen denstlick. Dat nye testament schal ganz
gelesen werden.
De scholemeystere scholen ock vlitich darup
sehen, dat up etlike tide unde feste de dage-
liken kercklectien nabliven unde sunderge lec-
tien werden gelesen, de sick wol rymen mit den
festen unde sundergen tiden, id sy des aven-
des edder des morgens, uth dem olden edder
nyen testamente, dar is nicht an gelegen, alleyne
dat id ordentlik toga, to beteringe der kynde-
ren. Also mach me van dominica Judica bet
up Paschen des avendes unde morgens lesen
laten uth den vehr evangelisten, wat gescreven
is vamme lidende Christi, unde darmank ock dat
13. capitel Joannis. De paschenweke över, wat
de vehr evangelisten van der upstandinge
Christi gescreven hebben, darto den sermon
Christi, na deme letsten aventmale gedän, welken
Joannes bescrifft cap. 14, 15, 16, 17, so lange na
Paschen, dat se den uthlesen des avendes unde
morgens. Uppe ascensionis Act. 1. Up Pynxten
dat andere capitel, dat drudde, dat vehrde
edder mehr ex Actis apostolorum. Up Wynach-
ten uth deme Luca unde etlike prophetien üth
dem propheten Esa. 9; 11; 12; 25; 35; 40 unde
schyr vortan, wat me wil, usque ad finem libri.
Item Ezechielis 34, Michee 4 unde 5 unde an-
47 Enarrationes in psalmos; MSL 36/37.
404