Sitzungsberichte der
Heidelberger Akademie der Wissenschaften

16

Otto Cartellieri:

seigneur le duc de Brabant et de ma dame la contesse de Haynnau
et des deputez des Trois Estaz du pays de Flandres pour mon-
seigneur le duc de Bourgoingne, leur frere et seigneur, oultre le
contenu ouTraitie de la paix, etc.

Premiers, quant ä Fouverture des cite et ville d’Arras et
institucion des capitaines et autres officiers en icelles est accorde
et ottroye par mondit seigneur de Guienne que ce sera sans aucune-
ment endommagier les cite et ville dessusdicte et que ce se fera
par petit nombre de gens, et que ä l’occasion du service que ceulx
desdictes cite et ville ont fait ä mondit seigneur de Bourgoingne,
ilz ne seront molestez, traveilliez ou empeschiez par justice ne
autrement decy enavant en aucune maniere. Et en oultre que
lesdiz officiers qui ainsi y seront ordonnez et commis par le roy
ou mondit seigneur de Guienne, n’y demourront que quatre ou
six jours au plus et lors s’en partiront et laisseront ladicte ville
ä mondit seigneur de Bourgoingne etladicte cite äl’evesque d’Arras
en la maniere accoustumee.

Item, quant ä la supplicacion faicte par mesdiz seigneur et
dame et iceulx deputez pour les subges, serviteurs, vassauix,
adherens et favorisans de mondit seigneur de Bourgoingne que
soubz umbre de justice ou autrement ne fussent molestez ou tra-
veilliez en corps ne en biens pour les choses passees et que toutes
terres et biens ä eulx ostez ou empeschiez leur fussent plainement
renduz et restituez et tous bannissemens fais ou encommenciez
contre eulx et sur ce faire abolicion generale: est par la grace de
mondit seigneur de Guienne ottroye et accorde que tous nobles,
vassaulx, hommes, conseillers et serviteurs de mondit seigneur
de Bourgoingne et avec ce tous ceulx qui en la compaignie d’iceulx
nobles, vassaulx, hommes, conseillers et serviteurs et generalment
tous les subges de mondit seigneur de Bourgoingne demourront
paisibles et ne soient par justice ou autrement pour occasion dudit
service traveilliez ou empeschiez en corps ne en leurs possessions
et biens, et s’aucuns empeschemens estoient mis en leurs terres
et possessions ou bannissemens fais ou encommenciez, que tout
soit aboly et adnulle et que chascun d’eulx puisse revenir paisible-
ment au sien ou royaulme et dehors. Et quant aux autres nobles
et habitans de bonnes villes du royaulme de France hors des pays
de mondit seigneur de Bourgoingne et de ceulx qui nuement
tiennent du roy, mondit seigneur de Guienne a dit et ottroye en
bonne foy ä mesdiz seigneur et dame que ä leur supplication il