DOI Page / Citation link:
https://doi.org/10.11588/diglit.41731#0473
1. Abendmahlsordnung [1532]
Christen Lidtmate mede helpen nha sinem Vormö-
gen, den vulen Suerdeeg utthovegen, up dat, na dem
Gehete des Apostels, de Quaden uth dem Middel
gedaen werden19, so vele mögelik, nha de Bevele deß
Heren, Matth. 18 [15-17]: Sündiget din Broder an
di, so gha hen unnd vormane efft straffe ehn twi-
schen di unnd ehme alleine. Alse he denne de Vor-
maninge in guden nicht annimbt, sick tho beteren,
men vorhardet in dem Quaden, de moth dorch de
gantzen Broderschop wedder uthgeworpen werden,
dat iß, den in den Bann gedaen. Unde wen solkes
11731 nicht geschege, sonder dat apentlike Quade
worde mit dorch de Vinger gesehen unde bleve in
der Gemene ungestraffet (welk Godt affwende), so
worde sick de gantze Gemene der ungestraffeden
Sunde deelhafftich maken unnd sick so jegen Got
vorgripen unde vorsundigen, datt se nenen guden
Vorttgank worde hebben. Des mach me ein schreck-
lik Exempel lesen Josua am 7. [1-26] van dem
Achan, wo dat gantze Volk Israel sines moste Na-
deel liden unde konde nenen Degen hebben, bet de
Achan uthgeradet wartt. Darumme, so moth jo ein
Christen Mitgenate mede sorchvoldich unde nicht
vorsumelik sin in dem apentliken Valle siner Mede-
leder, men moth se darumme anspreken unde vor-
manen se ehres Christendomeß effte Doepgelofftes
mit aller Frundlicheit nha dem Gesette deß Heren,
It were den Sake, dat de Braksamige vorqueme in
der Bekenteniße unde Beklaginge sines Gebrekes
unde kerede ernstliken wedder aff van dem Quaden.
It mach averst de Vall so apentlik unnd unardich
sin, dat de Braksamige8 nicht balde ahne grotte Er-
gerniße kan wedder thom Aventmale deß Heren ge-
laten werden. Darumme moth sodane sick etlike
Tidt darvan entholden unnd sick darentwischen so
bewisen, dat it beide, den, de noch buten sin, gelik
den Bröderen schinbar werde, dat ehme sin Vall eff-
te Oveldath van Herten ledt iß.
Men moth averst der Vormaninge aver deß Ne-
gesten Vall mit groter Beschedenheit gebruken unde
nicht altho nowe up sinen Negesten sehen. Wente
dar plecht Vorbitteringe unde Vorseringe der Leve
uthovolgen. Darumme, alse wi de Werke unses Ne-
g Im Abdruck bei Rolfs: Rraksamige.
gesten in unsen Herten können tho Gude duden eff-
te können it ehme so affnehmen, alse hebbe he itt
schlechtes unvorsehns gedaen edder dat he so aver-
ilet iß geworden, dorch unvorsichtige Anronninge
deß Satanß, in welken de Utherwelden ock sumtideß
plegen tho strukelen unde gelovent nicht, dat he it
mottwilligen effte uth Vorachtinge dohe, So möge wi
de Vormaninge effte Straffe wol eine Tidtlank an-
staen laten, beth wi sehen, efft he darinne blifft effte
nicht; wi scholen averst darentwischen sinen Feill
helpen thodecken, Gott vor ehne bidden unnd mit
ehne handelen, alse wi in geliker Sake van einem
anderen gerne hebben wolden. In Summa, de Vor-
maninge effte Straffe schal egentliken gescheen in
solkem Gebreke, dar me einem de Menschop billi-
ken umme weigeren edder einen uth der Menschop
umme werpen mochte, so he in dem Quaden vor-
harden worde, alse de de apentlik handelen effte
doen jegen den Christen Geloven unde de Gebade
Gadeß, Alse dar me Toverie mit anderen Stucken
des Ungelo-11741 vens in sinen Nöden gebruket effte
dartho helpet unde radet, solkes tho gebruken,
Item, dar me Lasterwortt jegen Got unnd alle got-
like Dinge redet, Alse me valsche Ede schweret efft
suß bi Wunden, bi Blöde unnd Marter des Heren
flöket effte schweret effte sine Kinder schweren hö-
ret unde straffet se nicht, unnd solkes vele, de de
anders wor geschreven staen.
Thom latesten schal sodane christlike Menschop,
welk ein Hueß unde Tempel Gades iß20, bestendigen
geholden werden, so moth se rechtsinnie unnd got-
vorstendige Vorwesers hebben, de de Sake mit Tru-
wen meinen unnd möten ein gudt Ansehent unde
Geloven hebben unnd jo nicht beruchtiget effte vor-
dechtich sin bi der Gemene, alse were jennige
Unehrlicheit an ehne, alse Horerie, Schwelgerie,
Glitznerie, unschiklike Giricheit mit anderen Un-
steden. Wente ein Selensorger moth ein unergerlik
unnd erbar Levent ock vor der Werlt voren unde
moth sin alse ein getruwe Buwmeister, de dat Buw-
vellige im Huse Gades könne wedder tho rechte
bringen.
19 IKor 5,7.
20 IKor 3,16; 2Kor 6,16.
453
Christen Lidtmate mede helpen nha sinem Vormö-
gen, den vulen Suerdeeg utthovegen, up dat, na dem
Gehete des Apostels, de Quaden uth dem Middel
gedaen werden19, so vele mögelik, nha de Bevele deß
Heren, Matth. 18 [15-17]: Sündiget din Broder an
di, so gha hen unnd vormane efft straffe ehn twi-
schen di unnd ehme alleine. Alse he denne de Vor-
maninge in guden nicht annimbt, sick tho beteren,
men vorhardet in dem Quaden, de moth dorch de
gantzen Broderschop wedder uthgeworpen werden,
dat iß, den in den Bann gedaen. Unde wen solkes
11731 nicht geschege, sonder dat apentlike Quade
worde mit dorch de Vinger gesehen unde bleve in
der Gemene ungestraffet (welk Godt affwende), so
worde sick de gantze Gemene der ungestraffeden
Sunde deelhafftich maken unnd sick so jegen Got
vorgripen unde vorsundigen, datt se nenen guden
Vorttgank worde hebben. Des mach me ein schreck-
lik Exempel lesen Josua am 7. [1-26] van dem
Achan, wo dat gantze Volk Israel sines moste Na-
deel liden unde konde nenen Degen hebben, bet de
Achan uthgeradet wartt. Darumme, so moth jo ein
Christen Mitgenate mede sorchvoldich unde nicht
vorsumelik sin in dem apentliken Valle siner Mede-
leder, men moth se darumme anspreken unde vor-
manen se ehres Christendomeß effte Doepgelofftes
mit aller Frundlicheit nha dem Gesette deß Heren,
It were den Sake, dat de Braksamige vorqueme in
der Bekenteniße unde Beklaginge sines Gebrekes
unde kerede ernstliken wedder aff van dem Quaden.
It mach averst de Vall so apentlik unnd unardich
sin, dat de Braksamige8 nicht balde ahne grotte Er-
gerniße kan wedder thom Aventmale deß Heren ge-
laten werden. Darumme moth sodane sick etlike
Tidt darvan entholden unnd sick darentwischen so
bewisen, dat it beide, den, de noch buten sin, gelik
den Bröderen schinbar werde, dat ehme sin Vall eff-
te Oveldath van Herten ledt iß.
Men moth averst der Vormaninge aver deß Ne-
gesten Vall mit groter Beschedenheit gebruken unde
nicht altho nowe up sinen Negesten sehen. Wente
dar plecht Vorbitteringe unde Vorseringe der Leve
uthovolgen. Darumme, alse wi de Werke unses Ne-
g Im Abdruck bei Rolfs: Rraksamige.
gesten in unsen Herten können tho Gude duden eff-
te können it ehme so affnehmen, alse hebbe he itt
schlechtes unvorsehns gedaen edder dat he so aver-
ilet iß geworden, dorch unvorsichtige Anronninge
deß Satanß, in welken de Utherwelden ock sumtideß
plegen tho strukelen unde gelovent nicht, dat he it
mottwilligen effte uth Vorachtinge dohe, So möge wi
de Vormaninge effte Straffe wol eine Tidtlank an-
staen laten, beth wi sehen, efft he darinne blifft effte
nicht; wi scholen averst darentwischen sinen Feill
helpen thodecken, Gott vor ehne bidden unnd mit
ehne handelen, alse wi in geliker Sake van einem
anderen gerne hebben wolden. In Summa, de Vor-
maninge effte Straffe schal egentliken gescheen in
solkem Gebreke, dar me einem de Menschop billi-
ken umme weigeren edder einen uth der Menschop
umme werpen mochte, so he in dem Quaden vor-
harden worde, alse de de apentlik handelen effte
doen jegen den Christen Geloven unde de Gebade
Gadeß, Alse dar me Toverie mit anderen Stucken
des Ungelo-11741 vens in sinen Nöden gebruket effte
dartho helpet unde radet, solkes tho gebruken,
Item, dar me Lasterwortt jegen Got unnd alle got-
like Dinge redet, Alse me valsche Ede schweret efft
suß bi Wunden, bi Blöde unnd Marter des Heren
flöket effte schweret effte sine Kinder schweren hö-
ret unde straffet se nicht, unnd solkes vele, de de
anders wor geschreven staen.
Thom latesten schal sodane christlike Menschop,
welk ein Hueß unde Tempel Gades iß20, bestendigen
geholden werden, so moth se rechtsinnie unnd got-
vorstendige Vorwesers hebben, de de Sake mit Tru-
wen meinen unnd möten ein gudt Ansehent unde
Geloven hebben unnd jo nicht beruchtiget effte vor-
dechtich sin bi der Gemene, alse were jennige
Unehrlicheit an ehne, alse Horerie, Schwelgerie,
Glitznerie, unschiklike Giricheit mit anderen Un-
steden. Wente ein Selensorger moth ein unergerlik
unnd erbar Levent ock vor der Werlt voren unde
moth sin alse ein getruwe Buwmeister, de dat Buw-
vellige im Huse Gades könne wedder tho rechte
bringen.
19 IKor 5,7.
20 IKor 3,16; 2Kor 6,16.
453