Evangelische Kirchenordnungen des XVI. Jahrhunderts

Hamburger Kirchenordnung von 1529.

505

to sunte Nicolawese, ut dem Paulo, edder wat
anders ut dem nigen edder olden testamente
prediken edder utleggen, to nutte aller, be-
sundergen der leien, de gerne in der schrift vor-
stendich sin wolden.
In den anderen veer werkeldagen
prediken.
De pastores schollen sulvest in den veer
anderen werkeldagen fro morgens na gelegenheit
der tidt prediken den catechismum, dar licht groter
macht ane, denn etlike unvorstendige lude menen,
des dinxdages to sunte Kathrinen, des mitwekens
to sunte Jacob, des donrdages to sunte Peter,
des vrigdages to Sunte Nicolawese.
Desulvigen schollen ock ein juwelick einen
van den veer evangelisten vor sick nemen, dar
aver mogen se sick vordragen edder umme schickt
vorwesselen, und predeken ein juwelick sinen
evangelisten umme seigers acht des dinxdages to
sunte Peter, des mitwekens to sunte Nicolawese,
des donrdages to sunte Kathrinen, des vridages
to sunte Jacob, dat alle lude alse werden ge-
wennet to der evangelischen. historien und den
worden und prediken unses heren Christi. be-
sundergen ock dat etlike borgere und borgerinnen
junk und olt, de gerne in der schrift studeren
mogen, waren und waren laten, wen in einer
karcken schall ein text geprediket werden, den
se noch nicht wol vorstaen.
Van den sundergen tiden des
catechismi.
We wol alse gesecht is de catechismus, dat
is underrichtinge der teine gebade gades, des
lovens, des vader unses, der sacramente, dorch
de pastores des gansen jars werdt geprediket, doch
sint ock dar to bestemmet vere sunderge tide
im jare, dat sulck ock gehoret werde vam super-
attendenten aver de ganse stadt, um seigers achte
in sunte Johannis kloster, dar de scholer ock
konnen to gaen, idt were den, datme sulcke
predike wolde hebben in einem anderen meer
gelegeneren orde.
In der advente twe weken des mandages,
dinxtedages, donrdages und vrigdages in den ersten
vullen twen weken, in den vasten ock so, in der
cruze weke mit der navolgenden weken ock so,
ane des heren hemmelfart dach, twe wekene na
der arne er men den hoppen affnimpt ock so.
Darumme mot de superattendente den cate-
chismum kort und vorstendich vaten vor de
simpelen, dat me den kan ut predeken in den
achte prediken. De wile schollen de pastores
und capellane stille holden und rouwen mit eren
Sehling, Kirchenordnungen. V.

lectien edder werkeldageschen prediken. Allene
des mitwekens und sonnavendes scholen se to
achten prediken und prediken laten in allen par-
karcken in den weken des catechismi.
Wen overst sulcke tidt kumpt, datme des
mandages den catechismum schall anfangen, so
schollen de anderen predikere in allen karcken
des sondages tovorne dat vorkundigen dem volke
vam predickstole, und vormanen, dat se schuldich
sint, to sulker predike ore kinder und gesinde
to sendende.
To sulcker predike schalme to vorne een
halve stunde utluden im kloster und na bimmen,
wen de predike schall angaen. Sulck ludent
schollen utrichten alle kostere umme schickt,
dar aver mogen se sick vordragen.
Van der passien und pasche tidt.
Van Oculi beth up Judica de 14 dage lank
scholen wedder angaen de gemenen lectien edder
gemenen prediken, van welcken gesecht is. Averst
van Judica bet des sondages na paschen schollen
de lectionen, [de] in allen karcken des werkel-
dages scheen umme seigers achte stille liggen, und
in ehr stede up de sulvige stunde schall dat
lident und upstaent, Christi geprediket werden
van allen predikanten in oren wentliken dagen
alse na steit. De fromorgens predike in dusse
14 dagen scal vor sick gan, edder up sunderge
underrichtinge gestellet werden, alse de pastores
vor nutte und noth anseen.
Den sondach Judica hefftme genomet den
sondach des lidendes Christi. In der weken dar
na schollen de prediker in allen karcken up
ore gewontlike dage und stunden prediken dat
11. capittel Jehannis van dem erweckeden Lazaro,
und wo de here vorwiket in Ephrem. Sulck
capittel mach de superattendente mit den pastoren
in viff parthe delen, nutlick ut to predikende.
Des sonnavendes vor palme sondage to achten
in Sunte Nicolawes karcken prediket de super-
attendens, wo de here willich wedderkumpt tom
lidende, und wo he et to Bethania, und vele volkes
lopt to em ut Jerusalem, Joh. 12. Wente de historia
is an palme avende, dat is des sonnavendes vor
palme dage gescheen, alse Johannes betuget.
In palme sondage tor missen schallme
prediken vam intage des heren in Hierusalem,
des namiddages de epistole, des avendes, wo etlike
heidene den heren wolden seen, Joh. 12, und
wat he dede up den dach im tempele, Matth. 21.
De negesten veer dage to achten in eren
steden mogen de predicanten prediken ut der
passie van der historie, de don gescheen is vor
dem guden donrdage, wat en wert gudt dunken
vor dat volk.

64