DOI Seite / Zitierlink:
https://doi.org/10.11588/diglit.27083#0522
506
Hamburg mit Landgebiet.
Den guden donrdach, wowol me arbeidet,
schallme doch in der karcken mit singende und
predikende holden alse ein fest, umme der historien
willen, up den dach gescheen. Denne schallme
under der missen in allen parkarcken prediken
vam ethende des osterlammes und van dem sacra-
mente des lives und blodes Christi, van Christi
up den dach ingesettet. Des namiddages, wo de
her Jesus den jungeren de vote waschede,
Joh. 13. Des avendes schall de superattendes
kort mit einer summa repeteren vam sacramente
und votewaschende, dar na ock kort, wo Christus
hefft geredet van sinem vorredere, und wo vor-
meten de hilligen apostele sint gewesen, de noch
nicht wusten, wat anvechtinge des dodes vor swar-
heit bi sick hefft. Dar up vlitich predeken vam
bede und gruwelkem angeste und lidende des
heren im garden.
Up den stillen vridach des morgens um
seigers sossen singeme ein dudesch leedt mit dem
volke, und ein capellan schal up dem predick-
stole, nicht unlustich, alse effte he noch bock-
staven lerede, ut einem boke lesen dudesch van
orde to ende de passie des heren, tosamende
gebracht ut den veer evangelisten. He schall
averst anfangen van dem, dat geschreven, wo he
is ut gegaen aver de beke Kydron up den Oli-
berg, und lesen slicht den text fin klar, be-
schedelick und vorstentlick, bet up de historie
der upstandinge des heren. He mach wol an-
heven mit dussem titel: Dit is de passie edder
dat lident unses heren Jesu Christi, alse de veer
evangelisten dat hebben beschreven. Do unse
here Jesus Christus mit sinen jungeren na dem
aventetende den lavesanck gespraken hadde, gink
he ut, alse he plach to donde, aver de beke
Kydron, an den oliberch, und sine jungere
volgeden na, do sprack he to en, in dusser
nacht werde gi ju alle ergeren an mi etc.
Sulck is dem volke nutte, meer denn do me
de passie lude sank und de prestere gingen dar
van, de leien averst vorstunden idt nicht. Und
schal gescheen in allen carspelen. Sulk lesent
averst wert wol eine gude stunde waren.
To achten schollen de kindere latinsch singen
psalme und lesen lectien wo wontlick. Dar na
singet dat volk einen dudeschen psalm, und de
pastor prediket eine stunde edder anderhalve van
der frucht des lidendes Christi. Darto nimpt
he etlike stucke vor sick ut der passien (dat is
genoch). Wente dat unlustige lange passien
predikent alseme plach to donde, is nicht
nutte.
Up den namiddach und an den avent up
wontliken steden kan me wol meer seggen van
den stucken der passien, ock im pasche avende.
Ock is sus in den vorigen dagen geprediket. van
etliken stucken ut der passien. Mit sulcker
wise wert mutlick de ganse passie ut den veer
evangelisten vorgedragen.
So etlike na der passien im stillen fridage
willen communiceren, so geveme dat sacramente,
alse me plecht des sondages na der predike, wo-
wol dat up den dach de missensank und geprenge
vor der predinge nicht geholden is. De ge-
predikede passien is ein gudt geprenge tom
communiceren, wente Christus secht, sulck doet
to miner gedechtnisse, dat is alse Paulus secht,
vorkundiget minen dot.
In den paschen schal de ganse historie van
der upstandinge Christi dem volke vorgedragen
werden. De mogen de predicanten up den morgen,
middach und avent in den dren vridagen delen,
dem volke to troste und guder lere. Wo se
willen ock etlike texte darvan sick bewaren, to
prediken up de werkeldage in wontliken stunden
bet up den sondach.
Van hilligen historien up andere tide.
Up dusse wise is id ock gudt, den leien de
historien slicht vor to lesende, ehr me dat evan-
gelion utlegge in anderen festen, alse in den
winachten de historie Luce 2, in des heren
hemmelfart Actor. 1, up pinxsten Actor. 2 etc.
Ock datme vakene in den prediken historien ut
dem olden und nigen testamente invore, wente
sulck leret sere wol dat gemene volk etc.
Van der predike im vastelavende.
Up den guden donredach und in den paschen
hefftme stedes sunderge tidt und orsake gehadt,
to predikende vam sacramente und bicht, sulck
is gudt, so verne dat volk werde vormanet vlitich
mit gades worde, dat nemand tom sacramente
ga, umme der tidt willen, edder um des pawestes
gebades willen, wente sulck is wedder Christus
bevel, welck bevelet vakene, nicht alleine up
paschen, so me will to ethen sin liff und
drinkende sin blot im sacramente to siner ge-
dechtnisse. Sulck schall ock vakene geprediket
werden, und kumpt to predikende im catechismo,
is doch gudt, alse gesecht is, dat des jars alle
mann up eine sunderge tidt weten up sulck eine
predike to warende, besundergen, up de tidt,
alse Christus dat sacramente hefft ingesettet.
Also, wowol van der dope ock schall vakene
im jare geprediket werden, besundergen im
catechismo, were idt doch ock gudt, einen be-
stemmeden dach im jar darto to hebben, dat
alle mann denne wuste, sulck eine predike ge-
wisse to werden, gelick alse dat lident Christi
in allen prediken schall gemene sin, und sines
Hamburg mit Landgebiet.
Den guden donrdach, wowol me arbeidet,
schallme doch in der karcken mit singende und
predikende holden alse ein fest, umme der historien
willen, up den dach gescheen. Denne schallme
under der missen in allen parkarcken prediken
vam ethende des osterlammes und van dem sacra-
mente des lives und blodes Christi, van Christi
up den dach ingesettet. Des namiddages, wo de
her Jesus den jungeren de vote waschede,
Joh. 13. Des avendes schall de superattendes
kort mit einer summa repeteren vam sacramente
und votewaschende, dar na ock kort, wo Christus
hefft geredet van sinem vorredere, und wo vor-
meten de hilligen apostele sint gewesen, de noch
nicht wusten, wat anvechtinge des dodes vor swar-
heit bi sick hefft. Dar up vlitich predeken vam
bede und gruwelkem angeste und lidende des
heren im garden.
Up den stillen vridach des morgens um
seigers sossen singeme ein dudesch leedt mit dem
volke, und ein capellan schal up dem predick-
stole, nicht unlustich, alse effte he noch bock-
staven lerede, ut einem boke lesen dudesch van
orde to ende de passie des heren, tosamende
gebracht ut den veer evangelisten. He schall
averst anfangen van dem, dat geschreven, wo he
is ut gegaen aver de beke Kydron up den Oli-
berg, und lesen slicht den text fin klar, be-
schedelick und vorstentlick, bet up de historie
der upstandinge des heren. He mach wol an-
heven mit dussem titel: Dit is de passie edder
dat lident unses heren Jesu Christi, alse de veer
evangelisten dat hebben beschreven. Do unse
here Jesus Christus mit sinen jungeren na dem
aventetende den lavesanck gespraken hadde, gink
he ut, alse he plach to donde, aver de beke
Kydron, an den oliberch, und sine jungere
volgeden na, do sprack he to en, in dusser
nacht werde gi ju alle ergeren an mi etc.
Sulck is dem volke nutte, meer denn do me
de passie lude sank und de prestere gingen dar
van, de leien averst vorstunden idt nicht. Und
schal gescheen in allen carspelen. Sulk lesent
averst wert wol eine gude stunde waren.
To achten schollen de kindere latinsch singen
psalme und lesen lectien wo wontlick. Dar na
singet dat volk einen dudeschen psalm, und de
pastor prediket eine stunde edder anderhalve van
der frucht des lidendes Christi. Darto nimpt
he etlike stucke vor sick ut der passien (dat is
genoch). Wente dat unlustige lange passien
predikent alseme plach to donde, is nicht
nutte.
Up den namiddach und an den avent up
wontliken steden kan me wol meer seggen van
den stucken der passien, ock im pasche avende.
Ock is sus in den vorigen dagen geprediket. van
etliken stucken ut der passien. Mit sulcker
wise wert mutlick de ganse passie ut den veer
evangelisten vorgedragen.
So etlike na der passien im stillen fridage
willen communiceren, so geveme dat sacramente,
alse me plecht des sondages na der predike, wo-
wol dat up den dach de missensank und geprenge
vor der predinge nicht geholden is. De ge-
predikede passien is ein gudt geprenge tom
communiceren, wente Christus secht, sulck doet
to miner gedechtnisse, dat is alse Paulus secht,
vorkundiget minen dot.
In den paschen schal de ganse historie van
der upstandinge Christi dem volke vorgedragen
werden. De mogen de predicanten up den morgen,
middach und avent in den dren vridagen delen,
dem volke to troste und guder lere. Wo se
willen ock etlike texte darvan sick bewaren, to
prediken up de werkeldage in wontliken stunden
bet up den sondach.
Van hilligen historien up andere tide.
Up dusse wise is id ock gudt, den leien de
historien slicht vor to lesende, ehr me dat evan-
gelion utlegge in anderen festen, alse in den
winachten de historie Luce 2, in des heren
hemmelfart Actor. 1, up pinxsten Actor. 2 etc.
Ock datme vakene in den prediken historien ut
dem olden und nigen testamente invore, wente
sulck leret sere wol dat gemene volk etc.
Van der predike im vastelavende.
Up den guden donredach und in den paschen
hefftme stedes sunderge tidt und orsake gehadt,
to predikende vam sacramente und bicht, sulck
is gudt, so verne dat volk werde vormanet vlitich
mit gades worde, dat nemand tom sacramente
ga, umme der tidt willen, edder um des pawestes
gebades willen, wente sulck is wedder Christus
bevel, welck bevelet vakene, nicht alleine up
paschen, so me will to ethen sin liff und
drinkende sin blot im sacramente to siner ge-
dechtnisse. Sulck schall ock vakene geprediket
werden, und kumpt to predikende im catechismo,
is doch gudt, alse gesecht is, dat des jars alle
mann up eine sunderge tidt weten up sulck eine
predike to warende, besundergen, up de tidt,
alse Christus dat sacramente hefft ingesettet.
Also, wowol van der dope ock schall vakene
im jare geprediket werden, besundergen im
catechismo, were idt doch ock gudt, einen be-
stemmeden dach im jar darto to hebben, dat
alle mann denne wuste, sulck eine predike ge-
wisse to werden, gelick alse dat lident Christi
in allen prediken schall gemene sin, und sines