DOI Seite / Zitierlink:
https://doi.org/10.11588/diglit.27083#0538
522
Hamburg mit Landgebiet.
godlick willen leven in Christo, werden vorvol-
ginge liden.
Idt is averst trostlick, dat sulck unse lident
Christus achtet vor sin egene, und dat wi loven,
dat Christus mit uns is in der noth, alse im
psalm steit: Cum ipso sum in tribulatione etc.
Darumme deit Paulus ock dar to und sprickt:
Ick vorvulle den feil der drofnissen Christi an
minem live, effte he seggen wolde: Min deel
lide ick minen broderen edder vorsammelingen
edder christenheit to gude, ein ander wert sin
part an sinem live ock wol krigende. Wat
darfme so nouwe in einer stede soken, dat Paulus
lidt vor de christenheit? he lidt alse ein christene
vor sine brodere, dat se nicht ores evangelions
berovet werden und mogen hebben ein exempel
der vulstendicheit und bekentenisse Christi bet
in den dot. Is doch sulcker meninge de ganse
schrift vull, alse Johannes vormanet, 1. Joh. 3:
Darinne hebbe wi erkent de leve, dat he sin
levent vor uns gelaten hefft, dat wi schollen ock
dat levent vor de brodere laten.
Dat si genoch geredet, dat wi uns up dat
vordenst und vorbede der hilligen nicht darven
vorlaten. Christus vordeenst gelt vor gade, dar
is he unse middeler, dat anropent der hilligen is
apenbar affgoderie. Darumme, wat de bilove und
unvorstant, edder ock des bukes gades deenst up-
gebracht hefft, alse de invocationes sanctorum, und
dat wi dorch er vordeenst schollen erhoret werden
und krigen vorgevinge der sunden und dat ewige
levent, schall bi uns nicht meer gelden mit allen
logen historien. Dat also godt gelavet werde und
sin name mit unsem singende, alse wi vaken in
den psalmen vormanet werden, und wen wi ock
van gades hilligen reden, dat denne jo godt nicht
geruret werde to nadele siner barmherticheit und
sinem evangelio, sunder vele lever geehret werde
umme siner woldat willen gegen sine hilligen
bewiset, alse im psalme steit: Laudate dominum
in sanctis eius. Lavet den heren in sinen hilligen.
Wowol de sproke ock eine andere meninge hefft.
Sus scal averst dat singent und lesent ge-
holden werden in allen parkercken van den peda-
gogen mit ohren kinderen mit hulpe des kosters.
Alle werkeldage des avendes und morgendes
up stunden und na ludende, alse to vorne ge-
secht, na dusser wise. Des morgens schollen twe
jungen up einer sundergen stede im chore an-
heven eine antiphen, und balde na dem anhevende
schollen twe andere jungen up einer sundergen
stede anheven einen psalm van den, de me nomet
de mettenpsalme na dem tono der antiphen. Den
sulvigen psalm und noch einen, edder twe dar
to, darna se lanck edder kort sint, schallme up
beiden choren versch umme versch, latinsch mit
dem gloria patri utsingen, darto einen octo-
narium ut dem psalme Beati qui sunt integri
in via etc. mit dem Gloria patri und darup de
antiphen.
De psalme schollen nicht avergerumpelt
werden, sunder fin sillabatim pronuncieret mit
einem guden medio, und dat up dem anderen
chore nicht werde dat ander versch angehaven,
ehr dat vornste ut is. Jagen wert jo neen nodt
sin, me neme deste weiniger psalme und singe
desulvigen recht. Overst dat umbeschedelicke und
festlike monneke slepent lavet ock nemand, de
vorstand hefft. Gelerde gesellen werden sick wol
hirinne schicken mit den kinderen.
Balde na der antiphen schal ein junge bereit
sin vor dem pulmete, dar me idt wol horen kan
und lesen eine latinsche lectie ut dem nigen
testamente, sosse edder acht regen lank, nicht
vele, darna idt de sentencie liden will. De lectie
schal gelesen werden mit sulkem tone, alse me
plecht to lesende in der metten, dat ende averst,
alse me plach enden, wen me las eine prophetia,
also sol sol sol la sol fa fa. Jube domine edder
Tu autem domine darven se nicht seggen, sunder
scholen anheven mit dem titel des bokes und des
capittels, dar ut se lesen, also Lectio sancti evangelii
secundum Mattheum capite primo secundo etc.
Lectio epistole beati Pauli apostoli ad Romanos
capite duodecimo etc. Lectio actorum apostolorum
capite quinto etc. und in der avent lectie lectio libri
geneseos capite primo in principio creavit deus etc.
Item lectio Esaie prophete capite vigesimo etc.
Na dem ersten jungen schall balde ein ander
vordtan lesen ock so, doch ane vorrede und flux
na dem anderen de drudde ock so, dat se to-
samende utlesen ein half capitel edder ein gans,
darna de capitel lank edder kort sint, went etlike
capitel sint so lank, dat me wol dre morgen dar
ut konde lesen negen korte lectiones, dat de
kinder nicht dar mede besweret werden und so
dat weinich, desto vlitiger leren. Na den dren
schall de veerde junge balde wat de anderen
latinsch hebben gelesen dudesch lesen, doch nicht
mit gesange, sunder lude und slicht, alse me
plecht ein evangelium up dem predickstole to
lesende, nicht stammerende, nicht hastich, nicht
unvorstendich, sunder bedutlick, beschedelick,
distincte, und fin ut dem munde vorstentlick.
Darumme moten ock de schatkasten heren in
allen parren vorschaffen in de schole latinsche
und dudesche biblien.
Balde dar up schall de cantor allene singen
dat erste halve versch vam Benedictus nach dem
tono der antiphen, de he gedenket na dem Bene-
dictus to singende. Dat Benedictus schal ge-
endet werden na gewonheit up beiden choren.
Na der antiphen latme de kinder up de
Hamburg mit Landgebiet.
godlick willen leven in Christo, werden vorvol-
ginge liden.
Idt is averst trostlick, dat sulck unse lident
Christus achtet vor sin egene, und dat wi loven,
dat Christus mit uns is in der noth, alse im
psalm steit: Cum ipso sum in tribulatione etc.
Darumme deit Paulus ock dar to und sprickt:
Ick vorvulle den feil der drofnissen Christi an
minem live, effte he seggen wolde: Min deel
lide ick minen broderen edder vorsammelingen
edder christenheit to gude, ein ander wert sin
part an sinem live ock wol krigende. Wat
darfme so nouwe in einer stede soken, dat Paulus
lidt vor de christenheit? he lidt alse ein christene
vor sine brodere, dat se nicht ores evangelions
berovet werden und mogen hebben ein exempel
der vulstendicheit und bekentenisse Christi bet
in den dot. Is doch sulcker meninge de ganse
schrift vull, alse Johannes vormanet, 1. Joh. 3:
Darinne hebbe wi erkent de leve, dat he sin
levent vor uns gelaten hefft, dat wi schollen ock
dat levent vor de brodere laten.
Dat si genoch geredet, dat wi uns up dat
vordenst und vorbede der hilligen nicht darven
vorlaten. Christus vordeenst gelt vor gade, dar
is he unse middeler, dat anropent der hilligen is
apenbar affgoderie. Darumme, wat de bilove und
unvorstant, edder ock des bukes gades deenst up-
gebracht hefft, alse de invocationes sanctorum, und
dat wi dorch er vordeenst schollen erhoret werden
und krigen vorgevinge der sunden und dat ewige
levent, schall bi uns nicht meer gelden mit allen
logen historien. Dat also godt gelavet werde und
sin name mit unsem singende, alse wi vaken in
den psalmen vormanet werden, und wen wi ock
van gades hilligen reden, dat denne jo godt nicht
geruret werde to nadele siner barmherticheit und
sinem evangelio, sunder vele lever geehret werde
umme siner woldat willen gegen sine hilligen
bewiset, alse im psalme steit: Laudate dominum
in sanctis eius. Lavet den heren in sinen hilligen.
Wowol de sproke ock eine andere meninge hefft.
Sus scal averst dat singent und lesent ge-
holden werden in allen parkercken van den peda-
gogen mit ohren kinderen mit hulpe des kosters.
Alle werkeldage des avendes und morgendes
up stunden und na ludende, alse to vorne ge-
secht, na dusser wise. Des morgens schollen twe
jungen up einer sundergen stede im chore an-
heven eine antiphen, und balde na dem anhevende
schollen twe andere jungen up einer sundergen
stede anheven einen psalm van den, de me nomet
de mettenpsalme na dem tono der antiphen. Den
sulvigen psalm und noch einen, edder twe dar
to, darna se lanck edder kort sint, schallme up
beiden choren versch umme versch, latinsch mit
dem gloria patri utsingen, darto einen octo-
narium ut dem psalme Beati qui sunt integri
in via etc. mit dem Gloria patri und darup de
antiphen.
De psalme schollen nicht avergerumpelt
werden, sunder fin sillabatim pronuncieret mit
einem guden medio, und dat up dem anderen
chore nicht werde dat ander versch angehaven,
ehr dat vornste ut is. Jagen wert jo neen nodt
sin, me neme deste weiniger psalme und singe
desulvigen recht. Overst dat umbeschedelicke und
festlike monneke slepent lavet ock nemand, de
vorstand hefft. Gelerde gesellen werden sick wol
hirinne schicken mit den kinderen.
Balde na der antiphen schal ein junge bereit
sin vor dem pulmete, dar me idt wol horen kan
und lesen eine latinsche lectie ut dem nigen
testamente, sosse edder acht regen lank, nicht
vele, darna idt de sentencie liden will. De lectie
schal gelesen werden mit sulkem tone, alse me
plecht to lesende in der metten, dat ende averst,
alse me plach enden, wen me las eine prophetia,
also sol sol sol la sol fa fa. Jube domine edder
Tu autem domine darven se nicht seggen, sunder
scholen anheven mit dem titel des bokes und des
capittels, dar ut se lesen, also Lectio sancti evangelii
secundum Mattheum capite primo secundo etc.
Lectio epistole beati Pauli apostoli ad Romanos
capite duodecimo etc. Lectio actorum apostolorum
capite quinto etc. und in der avent lectie lectio libri
geneseos capite primo in principio creavit deus etc.
Item lectio Esaie prophete capite vigesimo etc.
Na dem ersten jungen schall balde ein ander
vordtan lesen ock so, doch ane vorrede und flux
na dem anderen de drudde ock so, dat se to-
samende utlesen ein half capitel edder ein gans,
darna de capitel lank edder kort sint, went etlike
capitel sint so lank, dat me wol dre morgen dar
ut konde lesen negen korte lectiones, dat de
kinder nicht dar mede besweret werden und so
dat weinich, desto vlitiger leren. Na den dren
schall de veerde junge balde wat de anderen
latinsch hebben gelesen dudesch lesen, doch nicht
mit gesange, sunder lude und slicht, alse me
plecht ein evangelium up dem predickstole to
lesende, nicht stammerende, nicht hastich, nicht
unvorstendich, sunder bedutlick, beschedelick,
distincte, und fin ut dem munde vorstentlick.
Darumme moten ock de schatkasten heren in
allen parren vorschaffen in de schole latinsche
und dudesche biblien.
Balde dar up schall de cantor allene singen
dat erste halve versch vam Benedictus nach dem
tono der antiphen, de he gedenket na dem Bene-
dictus to singende. Dat Benedictus schal ge-
endet werden na gewonheit up beiden choren.
Na der antiphen latme de kinder up de