Evangelische Kirchenordnungen des XVI. Jahrhunderts

Kirchenordnung von 1556.

549

Vam superintendente.
Den superintendenten verschaffen und nemen
an ein erbar radt und de veer pastorn.
Vam adiutore.
Den adiutorem, de des superintendentis städe
holden schall, in deme als vorgeschreven steit, er-
welen ut den pastoribus de veer borgermeistere
sampt dem superintendenten.
Vam secundo lectore.
Den secundarium lectorem verschaffet sick
de lector theologiae und superintendens, und nimbt
en an na der fundation vormeldinge, doch mit
rade und mitwetende der veer pastoren.
Van anneminge der pastoren.
De pastoren in einem iegliken karspelle werden
angenamen mit rade des superintendentis und
der pastoren van den carspelheren und allen jungen
und olden lichams- und kerckengeswaren.
Van anneminge der capellanen.
De capellane schaffet ein idtlick pastor und
nimbt se an mit rade, wetende und willen des
superintendentis, der andern pastoren, carspelheren
und veer geschwaren.
Van anneminge der köstere und orga-
nisten.
De köstere und organisten nehmen an de
pastoren, carspelheren und veer geschwaren in einer
idtliken parren.
Van anneminge der denere in den
capellen.
Vam dener to S. Marien Mugdalenen.
Den minister to S. Marien Magdalenen
mag de pastor to S. Peter mit den tween rades-
heren unde twölf averolden annehmen, doch mit
rade des superintendenten.
Vam dener tom hilligen geiste.
Den minister tom hilligen geiste nemen an
de pastor to S. Nicolai, de twe radesheren und
twölf averolden, mit rade des superintendentis.
Vam dener to S. Johannis.
Den dener to S. Johannis nemen an de twe
burgemeistere unde vorstendere mit wetende des
superintendentis und des pastoren to S. Peteri.

Vam dener to S. Jürgen.
Den dener to S. Jürgen nemen an S. Jürgens
hofheren, de pastor to S. Jacob mit rade des
superintendentis.
Van den pastoren under des rades
gebede beseten.
De pastoren, under dem erbarn rade to
Hamborg geseten, mochten annehmen de heren,
de des landes befehl hebben, mit rade des super-
intendentis.
Vam kerckheren to Eppendorpe.
Den kerckheren to Eppendorpe nemen an
de heren, de vorstendere sint in der junkfruwen
gödere to S. Johannis, mit weten und rade des
superintendentis.
Desülvigen, de dar annehmen, de schollen
ock de ehren, so rechtmetige, billike unde nödige
orsake vorhanden. ein half jar tovorne verlöven,
und so jemant up andere orde sick dächte to
begevende, de schall ock ein half jar tovorne denst
denjenigen upseggen, de en hebben angenahmen.
Van der institution der denere, de dar
predigen edder sacramente verreken
schöllen.
Nademe der bischoppe wihinge to düsser
tidt alleine to den afgödischen papistischen miss-
bruken und alleine tom gottlosen denste gegeven
wert, unde doch einer ehrliken und göttliken ordi-
nation und institution nödich iss, mach de in-
stitution nicht unbillick geschehn, alse de hilligen
apostolen gegeven hebben, unde alse wente nuher in
unser kercken gewontlick iss gewest, nemlick mit
dem gebede unde uplegginge der hende. De
kerckendenere, so noch nicht tom predigen unde
to der dispensation der sacramente gefordert,
schollen so lange mit erer annehminge tofreden
sin, wente dat se to gröteren vorbenömden
emptern getagen werden.
Nicht darümme, dat de anderen dorch dat up-
leggent der hende mehr gehilliget werden, sündern
dat eine ordeninge si, und ein jderman wete, to
welckerem ampte he sick schicken scholde.
Ein gebet schal vor den vam predigstole ge-
schehen, de dar institueret werden schall.
De institution averst schall, alse wente nuher
geschehen, am sondage edder feierdage na der misse
vor dem hogen altare in nafolgender wise ge-
geven werden.
Wenn de misse geendiget, alsedenn schall im
chore angefangen werden veni sancte spiritus etc.
latinisch. So balde alse dat veni sancte angefangen,