Evangelische Kirchenordnungen des XVI. Jahrhunderts

550

Hamburg mit Landgebiet.

schollen de ordinantes den ordinandum vor dat
altar stellen, und sick mit eme vor dem altar up
de knehe setten.
De averst baven vor dem altare steit, schall
dem ordinando sin ampt mit einer korten ex-
hortation befehlen, und dem volke vorher sine
election antögen, unde darna de collecte, so im
ordinario schall vertekent werden, aver den, de
ordineret wert, mit upgelegter hant lesen, na der
form und ordeninge wo volget.
Institutio superintendentis.
Ein superintendens schall in S. Peters kercken
institueret werden, und de pastor darsülvest, in
biwesende aller andern, van denen he angenahmen
und erwehlet iss, schall de exhortation dohn unde
de collecte lesen.
Institutio secundi lectoris.
De lector, so he tom predigampte togelaten
wert, schall he ock in S. Peters kercken in-
stitueret werden, de exhortation averst und collecta
schall de superintendens in biwesende der anderen
pastorn dohn und lesen.
So averst alle ceremonien im dome gött-
lick und recht angerichtet worden, scholde de
superintendens und secundarius lector im dome.,
dar se predigen, dorch den coadiutor na der
form unde gestalt, alse vorhen vormeldet, institueret
werden.
Institutio der pastorn.
Ein idtlick pastor schal in siner karcken vor
dem hogen altare institueret werden. De super-
intendens schall in biwesende aller anderen pastoren,
carspelheren unde schwaren de exhortation don
unde de collecten lesen.
Institutio der capellanen.
De capellane schollen ock in eren kärcken
vor dem hogen altare institueret werden, in bi-
wesende der befehlhebbere der schwaren und capel-
lanen, so im carspele und in den capellen des-
sülvigen carspels sint. De pastor averst dar-
sülvest schall de exhortation don, unde col-
lecten lesen.
Institutio des deners to S. Marien Magdalenen.
Sünte Marien Magdalenen dener schall in der-
sülvigen kercken institueret werden, in biwesende
averolden, der capellanen und anderen deneren
to S. Peter, de pastor to S. Peter averst schall
de exhortation don und de collecte lesen.
Institutio des deners to S. Johannes.
De dener to S. Johannes schall in der-
sülvigen kerken in biwesende der twe borger-
meistere und vorstendere, ock der capellanen und
denere to S. Peter institueret werden, und schall

van dem pastoren to S. Peter de exhortation ge-
dan und de collecta gelesen werden.
Institutio des deners tom hilligen geiste.
De minister tom hilligen geiste schall in des
hilligen geistes kercke na de misse vor dem
hogen altare vam pastoren to S. Nicolai mit ge-
daner exhortation und gelesener collecten, in bi-
wesende der averolden unde siner capellanen in-
stitueret werden.
Institutio des deners to S. Jürgen.
Den minister to S. Jürgen schall de pastor
to S. Jacobi, in biwesende der hofheren und siner
capellanen mit gedaner exhortation, uplegginge
der hende, und gelesener collecten, institueren to
S. Jürgen vor dem hogen altare na der missen.
Institution der pastoren under dem rade beseten.
De pastoren under dem rade beseten schollen
mit des superintendentis rade in geliker mate in
eren kercken van tween negest bigesetenen pastoren,
in biwesende der schwaren dessülvigen carspels,
institueret werden, na gedaner institution schall de
ganze kercke mit dem chore singen düdesch: Nu
bidde wi. den hilligen geist etc. Wenn dat ge-
schehen, alsedenn schall de instituerde den befehl-
hebben, den geschwaren gepresenteret werden,
dat se densülvigen förder in sine behusinge in-
troduceren.
De tovorne rede to dem göttliken unde christ-
liken ampte düchtig erkant und geordineret sint,
und eres amptes recht gepleget, gades wort truw-
lick geprediget, unde de sacramenta recht vor-
reket hebben, schollen tom andern male mit
uplegginge der hände nicht institueret werden,
sündern schall ehnen genoch sin, dat se einmal [tom
ampte verordent, und dat se sünst ordentlick]1) tom
ampte gefordert, erwehlet und angenamen sin.
Van der döpe, misse, ceremonien, ge-
sangen und festen.
Nademmale de eintfoldigen unvorstendigen
sünderlick upsehent hebben up de ceremonien der
kercken, is hoch vannöden, dat de dispensation
der hilligen sacramente und ceremonien in den
kercken ehrlick, schicklick, ordentlick, einform-
lich und gottfrüchtig also geholden werden, dat
sick nemant darann ärgere, sünder velmehr
iederman sick dardorch betere.
De olden latinischen gesenge, de göttlick
unde recht sin, schollen na vermeldinge des ordi-
narii in den kercken geholden unde gesungen
werden, [un dato de acht deners mit gebrucket
werden]2).
1) Fehlt in CI. 1 Lit. O c. No. 5 und A. III. 1. a.
2) Ebenso.