Evangelische Kirchenordnungen des XVI. Jahrhunderts

Frankfurt

5. Item, le lendemain apres que ladite election sera
faicte, le diacre qui doibt estre descharge baillera
par escript ses comptes de la recepte et mise que de
la part des povres il aura administre avec les quic-
tances et aultres documents ad ce servans es mains
de celuy qui sera le plus ancien en service des anci-
ens, lequel avec ses confreres, a scavoir les aultres
anciens et diacres, non seullement qui seront alors
en service, ains aussy ceulx qui auront servi l’annee
precedente, examineront lesdis comptes comme il
appertiendra, et les ayants [sic] treuvez a contente-
ment, ilz seront tenuz appreuver et signer lesdis
comptes pour le plus tard endeans le terme de huyt
jours apres la delivrance.
6. Item alors que l’aggreationd desdis comptes se fe-
ra, ledit diacre, rendeur d’iceulx, delivrera aussy
quant et quant et mectra ez mains des anciens et
diacres qui seront en service ce qui sera de reste de la
bouette des povres, et tout ce qu’appertient ausdis
comptes.
7. Semblablement seront miz et reposans chiez lesdis
anciens et diacres tous les aultres deniers, livres, ce-
dulles, seaulx, comptes, inventoires, escriptz et mu-
niments contenans et appertenans a l’esglise et af-
faires des povres, comme aussy ilz prendront a eulx
tout ce qu’apres durant leur service se recevra et
advancera, soit en quelques contributions extraor-
dinaires, en testamentz, donations ou aultres occa-
sions et accidens, afin que tout cecy ensemble soit
miz, enferme et garde en ung coffre ad ce expresse-
ment ordonne. Duquel coffre l’une des clefz sera ez
mains de l’ung des anciens, et l’aultre ez mains
d’ung des diacres, a scavoir des [!] ceulx qui seront
les plus anciens en service.
8. Touttesfoys d’aultant que les diacres doibvent
tousjours avoir | a la main quelque provision de de-
niers pour de tant plus commodement furnir et
pourveoir aux petites charges et necessitez des pov-
res qui s’offrent journellement. Partant et a cest ef-
fect sera tousjours prins hors ledit coffre et miz ez
d Lesart -ion unsicher.

mains desdis diacres la somme de douze florins, les-
quelz deniers estans employez, ou que le cas requi-
sist plus grande somme, alors les premiers des anci-
ens et diacres prendront et fourniront hors ledit
coffre ce que sera necessaire avec le preallable adviz
et consentement des aultres leurs confreres anciens
et diacres, de quoy comme aussy de touttes aultres
parties des receptes et mises. Le diacre qui sera en
l’administration et maniance tiendra la notice et en
son tempz rendra compte.
9. Item par authorite et adviz seul des diacres et par
dessuz les parties ordinaires qui sont enrollez et en-
registrez ne se fera aulcune distribution et payement
a quelques povres ou passagiers ou aultres necessitez
revenans a la charge de la chambre qui excedera la
somme de deux rycxthalers ou trois florins pour le
plus hault en une partie ou affaire, comme aussy ilz
ne pourront mectre quelques nouvelles personnes
sur la liste et registre ni prester argent ou faire do-
nations ou assistences a quelq’ung a la charge de la
chambre, si ce n’est par le sceu et precedent consen-
tement et resolution des aultres anciens et diacres
qui seront en service avec eulx.
10. Pareillement ne seront receuz aulcuns legatz ou
donation ni baillees aulcunes quictances qu’avec et
soubz le nom et signature de tous les anciens et di-
acres qui seront en service.
11. Item a chascun demy an apres que les diacres
auront assemble les contributions ordinaires, ce
qu’ilz debvront faire endeans | les quatorze jourse
apres chascune foire, ilz feront avecq les anciens une
sommaire calculation et recollecte non seullement
des deniers qui des contributions ordinaires seront
rentrez et restans, mais aussy de ceulx qui pourront
estre enfermez au coffre et aultrement es mains de
l’ung ou l’aultre restans, afin qu’on puysse bonne-
ment et a tempz consulter et resouldre de ce que au
regard des restans ou des defaillans deniers on doibt
faire et disposer.

e Über die Zeile geschrieben.

610