Evangelische Kirchenordnungen des XVI. Jahrhunderts

502

Das Herzogthum Pommern.

to hebben, darmit dat kloster bi winter- und
sommertidt gut tidt geschlaten werde.
Ceremonien.
Folgen ceremonien und gottesdienst, die eine
jeder jungfrow, so unser almisen genieten will,
alle dage billig schall helpen holden, und sehen
vor gut an, dat eine jeder jungfroue up de feste
sowol als up die sondage nicht alleine gades wort |
im kloster, sondern ock in der groten kerken vor
und nach mittage höre und dudsche psalmen singen j
helpen. Hirup wert ehr prediger vlitig und gude
achting geven und wen he eine edder mehr ut
der predige misset, edder dat se darut gewesen
erfahret, se darum mit worden strafet, soferne se
nene erhefliche entschuldigung vortowenden hebben.
Se konnen overst, wo se gesund [heit] edder olders
halven vermögen in ehrer oldern edder frundinnen
stölte sick setten in der groten kerken, und
scholen hirover in festen und sondagen nicht be-
schveret werden. So vele averst de werkeltage
belanget, scholen sie nicht allein des fridages im
kloster, sondern des dinstags und donnerdages ock
des middewekens in des hiligen geistes capelle
predigen hören und dudsche psalmen singen helpen.
Die werkeldage averst, idt werde geprediget oder
nicht, scholen sie des dages tweimal die klock
negen vor mittage und des namiddages des samers
die klock viere, des winters die klocke drei luden
laten und tor kerken ghaen.
Weil idt sick overst befindet, dat weinig
fullenkamen lesen konnen, wert u. g. f. und h.
rhat finden, dat sie idt in korten lehren, mitler-
wile nademe sie dudsche psalmen singen konen,
schall idt so geholden werden, von Trinitatis an-
tofangende:
Ceremonien.
Wenn des werkeltages gelut und die jung-
fruwen versamlet, schall des vormittages und nah-
middages ein anfang gemaket werden, dat man
singe: „Nu bidde wi den hiligen geist“ edder:
„Ick danke di, lever herr“. Darna etwann drei
psalmen. Dit mot dorch die priorisse deglich
vlitig bestellet werden.
Idt schal ock de prediger des klosters, wo he
nicht behindert, bi den ceremonien wesen und tom i
beschlute eine collecte lesen, edder der koster, de
stedes die psalmen anfangen singen schall helpen
und mit der collecte beschluten, so der pastor
nicht gegenwartig ist.
Up Trinitatis antofangen.
Wi geloven alle an einen godt
Dat symbolum Athanasii dudesch
De du bist drei in enigkeit
Godt die vader wane uns bi

Am ersten sondag na Trinitatis.
Nu höret to, gi christenlude
Idt was einmal ein riker mann
Weltlich ehr und tidtlich gut
Nu ist die angeneme tidt
Waket up gi christen alle
Den andern sondag na Trinitatis.
Ach godt, von hemmel suhe darin
Idt spricht der unwisen mund wol
Idt wolde uns godt gnedig sin
Am drudden sondage na Trinitatis.
Nu fruwet ju leven christen gemein
Erbarme di miner, o here godt
O here godt begnade nu
Allein to di, here Jesu Christ
Idt was ein ungeradenes kind
Kere um, kere um, du junge
Ut deper not
Am verden sondage.
Dit sind die hiligen teien gebade
Mensch, wiltu leven saliglich
Idt sind doch salich alle de
Here, wer wart wahnen
Wol durch den geloven ist
Paulus, der heiden prediger
Welche minsche sick heften
Am veften sondag na Trinitatis.
Vergeves ist alle mhue und kost
Wo godt tom huse nicht gift
Wo godt nicht sulvest dat hus
Van allen minschen afgewandt
Am sösten sondag na Trinitatis.
Idt is dat heil uns kamen her
Durch Adams fall
Wol hir vor godt will sin gerecht
Minem leven godt ergeve ich mi
Nu sehet, wo fin leflich ist
Am sovenden sondag nach Trinitatis.
Vader unser im hemmelrick
Wol deme, de in gadesfrucht steit
Vergeves is alle mhue
Ach godt, wo geit dat jümmer to, dat uns so
heftig plaget
Worum bedrovestu di min herz
Here godt, man lavet di ut Zion
Am achten sondage.
O here godt, din godtlige wort
Ach godt, von hemmel suhe darin
Waket up min herte schone