DOI Page / Citation link:
https://doi.org/10.11588/diglit.27083#0368
352
Die freie Reichsstadt Lübeck mit Landgebiet und Gemeinschaftsamt Bergedorf.
in Sünte Catharinen kloster, dar de schölere ock
könen to gan, idt were denne, dat me sülke
predige wolde hebben in einem andern mehr ge-
legen orde.
In der advente twe weken, des mandages,
dinxtedages, donnerdages und fridages, in den
ersten vullen twen weken, in der vasten ock also,
in der crütz weken mit der navolgenden weken
ock so, ane des heren hemmelvart dach, in twen
weken na der erne, ehr me den hoppen afnimpt,
ock so. De predige schal schehen to sevenen, ut-
genamen in der advente, denne schal se schehn
to achten.
Darümme mot de superattendente den cate-
chismum kort unde vorstendich vaten, vor de
simpelen, dat me den kan ut predigen in den
achte prediken. Dewile schölen de pastores und
capellane stille holden und rouwen mit ehren lectien
edder werkeldageschen predigen. Alleine des
midwekens und sonnavendes schölen se to sevenen,
und in der advente to achten predigen und pre-
digen laten in allen parkerken, in den weken des
catechismi, und vor und na singen mit dem volke
einen psalm, und nicht mehr dar na.
Wen överst nein superattendente were, so
schölen de pastores sülke predige des catechismi
dar sülvest utrichen, ein iewelick mit twen dagen.
Wen me anhevet, schal me singen de tein
gebot, lank edder kort, dewile twe senge dar up
gemaket sind. Na dem sermone des catechismi
stedes schal gesungen werden: Midden wi im
levende etc. denne ock schölen alle schölere up
dem chore de düdeschen litanien lesen, unde dat
volk dat darblift in der kerken, schal helpen ant-
worden. Na der litanie lese me ein düdesch ver-
sickel und collecta, dar na benedicamus domini-
cale. Up den morgen, wen de catechismus ge-
prediget wert, darven de pedagogi nicht mit
ehren kindern in ehre kerken gan, sonder des
avendes etc.
Wen överst sülke tidt kumpt, dat me des
mandages den catechismum schal anfangen, so
schölen de andern prediger in allen kerken des
sondages tovorne dat vorkündigen dem volke vam
predickstole, und vormanen, dat se schüldich sind,
to sülker predigen ehre kinder und gesinde to
sendende etc.
To sülker predige schal me tovorne eine
halve stunde vül ut lüden im kloster, und na
bimmen wen de predige schal angan. Sülk lüdent
schölen utrichten alle köstere ummeschicht. Dar
aver mögen se sick vordragen.
Van der passien und paschen tidt.
Van Oculi bet up Judica de 14 dage lank
schölen wedder angan de gemeinen lectien edder
gemeinen predigen, van welken gesecht is. Overst
van Judica bet des sondages na paschen schölen
de lectien, de in allen kerken des werkeldages
schehn, umme segers 7 stille liggen, und in ehre
stede up de sülvigen stunde schal dat lident und
upstaent Christi geprediget werden, van allen
pastoren in eren wöntlicken dagen, alse na steit.
Overst de fromorgens predige in dessen 14 dagen
schal vor sick gan, edder up sünderge underrich-
tinge gestellet werden, alse de pastores vor nütte
unde noth ansehen.
Den sondach Judica hefft me genömet den
sondach des lidendes Christi. In der weken dar
na schölen de pastores in allen kerken up ehre
gewöntlicke dage unde stunde predigen dat 11.
capitel Joannis van dem erweckeden Lazaro, unde
wo de here vorwiket in Ephrem. Sülck capitel
mach de superattendente mit den pastoren in
etlicke parte delen nütlick ut to predigende.
Des sonnavendes vor palm sondage, under der
vesper, in Marien kerken, prediget de superatten-
dens, wo de here willich wedder kumpt tom
lidende, und wo he et to Bethania, und vele volks
löpt to ehm ut Jerusalem Joannis 12. Wnte de
historia is im palme avende, dat is des sonn-
avendes vor palmedage geschehen, alse Joannes
betüget.
Im palmesondage tor missen schal me predigen
vam intage des herrn in Jerusalem, des namid-
dages de epistole. Des avendes umme dren to
unser leven frouwen, wo etlicke heiden den herren
wolden sehen: Joannis 12, und wat he dede up
den dach im tempele: Math. 21.
De negesten dre1) dage to sevenen in ehren
steden mögen de predicanten predigen ut der
passien van der historien, de do geschehen is vor
dem guden donredage, wat ehne werd gut dunken
vor dat volk.
Am guden midtweken schal me festlick tor
vesper lüden, und vesper singen in allen kerken,
mit dem magnificat etc. Overst to unser leven
frouwen schal me under der vesper predigen ut der
historien van der vorradinge des heren etc.
Den guden donredach, wo wol me arbeidet,
schal me doch in der kerken mit singende und
predigende holden alse ein fest, umme der historien
willen up den dach geschehen. Denn schal me
under der missen in allen parkerken predigen
vam etende des osterlammes unde van dem sacra-
mente des lives und blodes Christi, van Christo
up den dach ingesettet. Des namiddages, wo de
here Jesus den jüngern de vöte waschet, Jo-
annis 13. Des avendes schal de superattendens
kort mit einer summa repeteren vam sacramente
1) Correktur nach dem Druckfehlerverzeichniss
des Originaldrucks: Der Text lautete „vyff“.
Die freie Reichsstadt Lübeck mit Landgebiet und Gemeinschaftsamt Bergedorf.
in Sünte Catharinen kloster, dar de schölere ock
könen to gan, idt were denne, dat me sülke
predige wolde hebben in einem andern mehr ge-
legen orde.
In der advente twe weken, des mandages,
dinxtedages, donnerdages und fridages, in den
ersten vullen twen weken, in der vasten ock also,
in der crütz weken mit der navolgenden weken
ock so, ane des heren hemmelvart dach, in twen
weken na der erne, ehr me den hoppen afnimpt,
ock so. De predige schal schehen to sevenen, ut-
genamen in der advente, denne schal se schehn
to achten.
Darümme mot de superattendente den cate-
chismum kort unde vorstendich vaten, vor de
simpelen, dat me den kan ut predigen in den
achte prediken. Dewile schölen de pastores und
capellane stille holden und rouwen mit ehren lectien
edder werkeldageschen predigen. Alleine des
midwekens und sonnavendes schölen se to sevenen,
und in der advente to achten predigen und pre-
digen laten in allen parkerken, in den weken des
catechismi, und vor und na singen mit dem volke
einen psalm, und nicht mehr dar na.
Wen överst nein superattendente were, so
schölen de pastores sülke predige des catechismi
dar sülvest utrichen, ein iewelick mit twen dagen.
Wen me anhevet, schal me singen de tein
gebot, lank edder kort, dewile twe senge dar up
gemaket sind. Na dem sermone des catechismi
stedes schal gesungen werden: Midden wi im
levende etc. denne ock schölen alle schölere up
dem chore de düdeschen litanien lesen, unde dat
volk dat darblift in der kerken, schal helpen ant-
worden. Na der litanie lese me ein düdesch ver-
sickel und collecta, dar na benedicamus domini-
cale. Up den morgen, wen de catechismus ge-
prediget wert, darven de pedagogi nicht mit
ehren kindern in ehre kerken gan, sonder des
avendes etc.
Wen överst sülke tidt kumpt, dat me des
mandages den catechismum schal anfangen, so
schölen de andern prediger in allen kerken des
sondages tovorne dat vorkündigen dem volke vam
predickstole, und vormanen, dat se schüldich sind,
to sülker predigen ehre kinder und gesinde to
sendende etc.
To sülker predige schal me tovorne eine
halve stunde vül ut lüden im kloster, und na
bimmen wen de predige schal angan. Sülk lüdent
schölen utrichten alle köstere ummeschicht. Dar
aver mögen se sick vordragen.
Van der passien und paschen tidt.
Van Oculi bet up Judica de 14 dage lank
schölen wedder angan de gemeinen lectien edder
gemeinen predigen, van welken gesecht is. Overst
van Judica bet des sondages na paschen schölen
de lectien, de in allen kerken des werkeldages
schehn, umme segers 7 stille liggen, und in ehre
stede up de sülvigen stunde schal dat lident und
upstaent Christi geprediget werden, van allen
pastoren in eren wöntlicken dagen, alse na steit.
Overst de fromorgens predige in dessen 14 dagen
schal vor sick gan, edder up sünderge underrich-
tinge gestellet werden, alse de pastores vor nütte
unde noth ansehen.
Den sondach Judica hefft me genömet den
sondach des lidendes Christi. In der weken dar
na schölen de pastores in allen kerken up ehre
gewöntlicke dage unde stunde predigen dat 11.
capitel Joannis van dem erweckeden Lazaro, unde
wo de here vorwiket in Ephrem. Sülck capitel
mach de superattendente mit den pastoren in
etlicke parte delen nütlick ut to predigende.
Des sonnavendes vor palm sondage, under der
vesper, in Marien kerken, prediget de superatten-
dens, wo de here willich wedder kumpt tom
lidende, und wo he et to Bethania, und vele volks
löpt to ehm ut Jerusalem Joannis 12. Wnte de
historia is im palme avende, dat is des sonn-
avendes vor palmedage geschehen, alse Joannes
betüget.
Im palmesondage tor missen schal me predigen
vam intage des herrn in Jerusalem, des namid-
dages de epistole. Des avendes umme dren to
unser leven frouwen, wo etlicke heiden den herren
wolden sehen: Joannis 12, und wat he dede up
den dach im tempele: Math. 21.
De negesten dre1) dage to sevenen in ehren
steden mögen de predicanten predigen ut der
passien van der historien, de do geschehen is vor
dem guden donredage, wat ehne werd gut dunken
vor dat volk.
Am guden midtweken schal me festlick tor
vesper lüden, und vesper singen in allen kerken,
mit dem magnificat etc. Overst to unser leven
frouwen schal me under der vesper predigen ut der
historien van der vorradinge des heren etc.
Den guden donredach, wo wol me arbeidet,
schal me doch in der kerken mit singende und
predigende holden alse ein fest, umme der historien
willen up den dach geschehen. Denn schal me
under der missen in allen parkerken predigen
vam etende des osterlammes unde van dem sacra-
mente des lives und blodes Christi, van Christo
up den dach ingesettet. Des namiddages, wo de
here Jesus den jüngern de vöte waschet, Jo-
annis 13. Des avendes schal de superattendens
kort mit einer summa repeteren vam sacramente
1) Correktur nach dem Druckfehlerverzeichniss
des Originaldrucks: Der Text lautete „vyff“.