DOI Seite / Zitierlink:
https://doi.org/10.11588/diglit.27083#0382
Die freie Reichsstadt Lübeck mit Landgebiet und Gemeinschaftsamt Bergedorf.
366
brük were bestetiget wedder dat evangelion, alse
nu an den dach kumpt, so schölen se na bevehle
der erwelers tom rechten gebruke gripen, dat io
de rechten armen dar dorch versorget werden,
welk is ein recht gades denst. Etliken van dissen
schal bevalen werden dorch de erwelers dit hospi-
tal, etliken ein ander hospital, so de hospitalia
nicht rede mit anderen vorordenten vorstendern
vorsorget sint. Etliken bevehle me dit, etliken
dat to donde etc. Sulk bevehl schal angescreven
werden, dat me wete, wat einem ieweliken be-
valen is, und wat me van einem ieweliken
vorderen schal. Darumme schölen sulke bevehl-
hebbers edder diakene innemen und utgeven und
alles vorschaffen van den güdern, de en also be-
valen werden.
Mit sulker wise, alse gesecht is, kan me de
15 oldesten diakene der armen nütlick to sulkem
ampte vordehlen, der saken tom besten und vorde-
ringe.
Disse oldesten schölen ock flitich befragen,
eft ock de iüngesten diakene, dar van gescreven
schal werden, den armen in erem caspele, de al-
missen hebben verreket, edder eft etlike versüme-
nisse dar bi were etc.
Diakene der armen to den almissen -
casten, welke sint de iüngesten.
Sulken oldesten diakenen, dar van gesecht
is, schölen de twe rades personen und de 64 to
hülpe erwelen negen iüngeste diakene ut iewe-
likem caspele, redelike, frame, unberüchtede, ehr-
like borgere. De schölen anders nicht to dohnde
hebben, wen dat se mit dem büdele gan des
hilligen dages, und dregen de almissen ut des sunn-
avendes, alse hir na bescreven steit.
Dat de denst disser diakenen ordentlick toga,
und nicht beswerlick si, edder verhindere van der
neringe, so schölen disse negene in einem iewe-
liken caspele also eres amptes halven gedelet sin.
De ersten dre schölen ein maente lank denen
eren armen in erem caspele und hebben de wile
dre ungelike slötele, den veerden slötel schal
stedes hebben ein van den veer kerkvedern, de
neinen anderen casten slötel heft, de ock wol dar
up waren kann alle sunnavende uptoslutende. De
anderen dre schölen des andern maentes ock so
denen und hebben de dre slötele. De drüdden
dre schölen des geliken des drüdden maentes
denen und hebben de dre slötele.
Dar na schölen de ersten dre ere maente
wedder annemen, und so vordan; welke överst de
ersten dre, edder de anderen, edder de drudden
schölen sin, darumme schölen se dat loth werpen,
wen se gekaren sint. Sulke schal me anscriven,
dat se nicht erre werden.
Ere denst överst is dit, alse to vorne beröret
is. Des hilgen dages schölen mit dem büdele
umme gaen de dre in der tid eres maentes in
erer kerken, und balde steken, wat gesamlet is, in
de almissencasten.
Wo se des sunnavendes schölen utnehmen
unde utdelen den armen etc. Dat is alle klarlick
bescreven to vorne im capitule van der utdehlinge
alle weke des sunnavendes.
Up welke stunde se des sunnavendes to hope
kamen willen, dar mögen se sick umme vor-
dragen mit den viff oldesten, de ock dar möten
sin, dar de hövescaste steit.
Des sonnavendes, wen dat maente ute is, so
schölen bi de hövetcaste ock kamen de ander
tein oldeste, und nehmen rekenschop van den
viff oldesten und den dre iüngesten, de ere maente
lank gedenet hebben. De rekenschop schal balde
ingescreven werden in ere rekensbök. Sulk denet,
dat me deste bet des iares rekenschop kan
dohn etc.
Denne sulvest up ehres maentes leste sunn-
avent, so balde se dat gelt entfangen hebben,
den armen ut todelende, schölen se den negesten
dren iüngesten diakene de slötele eres caspels in
ehren hüsen, sülvest personlick, in ehre hende
vorantwerden, sulke denst verdan to warende, alse
gesecht is.
Van den negen iüngesten in einem ieweliken
caspele schölen alle iar dre dorch loth afgaen,
unde de twe rades personen mit den 64 schölen
in iewelikem caspele dre andere christlike menner
wedder keesen, to dönde alse gesecht is. Gingen
övers etlike ut anderer nötliken örsake aff, so
hefft dat sine mate na aller wise alse to vorn van
sulken afgengers gesecht is.
De overst dre iarlank in sulkem denste sint
geweset, schölen aftreden unde fri sin, dat andere
in ere stede weren gekaren.
Int gemeine van allen diakenen der
hovet casten.
Wen eine rades persone edder etlike diakene
schölen erwelet werden, denne schal me tovorn
van allen predikstölen des sondages bidden laten,
dat wi mögen menre krigen der saken to güde,
gade to den ehren.
In aller erwelinge, beiden casten to kamende,
wen me sick over etliken personen, de erwelet
werden, nicht verdragen kan, so bevele me gade
de sake dorch Christum, unde werpe dat loth dar
umme.
Item de erwelinge to rechter unde bestemmeder
tidt schal ock nicht na bliven, dar umme, dat
etlike erwelers frevelich und motwillich nicht
wolden kamen.
366
brük were bestetiget wedder dat evangelion, alse
nu an den dach kumpt, so schölen se na bevehle
der erwelers tom rechten gebruke gripen, dat io
de rechten armen dar dorch versorget werden,
welk is ein recht gades denst. Etliken van dissen
schal bevalen werden dorch de erwelers dit hospi-
tal, etliken ein ander hospital, so de hospitalia
nicht rede mit anderen vorordenten vorstendern
vorsorget sint. Etliken bevehle me dit, etliken
dat to donde etc. Sulk bevehl schal angescreven
werden, dat me wete, wat einem ieweliken be-
valen is, und wat me van einem ieweliken
vorderen schal. Darumme schölen sulke bevehl-
hebbers edder diakene innemen und utgeven und
alles vorschaffen van den güdern, de en also be-
valen werden.
Mit sulker wise, alse gesecht is, kan me de
15 oldesten diakene der armen nütlick to sulkem
ampte vordehlen, der saken tom besten und vorde-
ringe.
Disse oldesten schölen ock flitich befragen,
eft ock de iüngesten diakene, dar van gescreven
schal werden, den armen in erem caspele, de al-
missen hebben verreket, edder eft etlike versüme-
nisse dar bi were etc.
Diakene der armen to den almissen -
casten, welke sint de iüngesten.
Sulken oldesten diakenen, dar van gesecht
is, schölen de twe rades personen und de 64 to
hülpe erwelen negen iüngeste diakene ut iewe-
likem caspele, redelike, frame, unberüchtede, ehr-
like borgere. De schölen anders nicht to dohnde
hebben, wen dat se mit dem büdele gan des
hilligen dages, und dregen de almissen ut des sunn-
avendes, alse hir na bescreven steit.
Dat de denst disser diakenen ordentlick toga,
und nicht beswerlick si, edder verhindere van der
neringe, so schölen disse negene in einem iewe-
liken caspele also eres amptes halven gedelet sin.
De ersten dre schölen ein maente lank denen
eren armen in erem caspele und hebben de wile
dre ungelike slötele, den veerden slötel schal
stedes hebben ein van den veer kerkvedern, de
neinen anderen casten slötel heft, de ock wol dar
up waren kann alle sunnavende uptoslutende. De
anderen dre schölen des andern maentes ock so
denen und hebben de dre slötele. De drüdden
dre schölen des geliken des drüdden maentes
denen und hebben de dre slötele.
Dar na schölen de ersten dre ere maente
wedder annemen, und so vordan; welke överst de
ersten dre, edder de anderen, edder de drudden
schölen sin, darumme schölen se dat loth werpen,
wen se gekaren sint. Sulke schal me anscriven,
dat se nicht erre werden.
Ere denst överst is dit, alse to vorne beröret
is. Des hilgen dages schölen mit dem büdele
umme gaen de dre in der tid eres maentes in
erer kerken, und balde steken, wat gesamlet is, in
de almissencasten.
Wo se des sunnavendes schölen utnehmen
unde utdelen den armen etc. Dat is alle klarlick
bescreven to vorne im capitule van der utdehlinge
alle weke des sunnavendes.
Up welke stunde se des sunnavendes to hope
kamen willen, dar mögen se sick umme vor-
dragen mit den viff oldesten, de ock dar möten
sin, dar de hövescaste steit.
Des sonnavendes, wen dat maente ute is, so
schölen bi de hövetcaste ock kamen de ander
tein oldeste, und nehmen rekenschop van den
viff oldesten und den dre iüngesten, de ere maente
lank gedenet hebben. De rekenschop schal balde
ingescreven werden in ere rekensbök. Sulk denet,
dat me deste bet des iares rekenschop kan
dohn etc.
Denne sulvest up ehres maentes leste sunn-
avent, so balde se dat gelt entfangen hebben,
den armen ut todelende, schölen se den negesten
dren iüngesten diakene de slötele eres caspels in
ehren hüsen, sülvest personlick, in ehre hende
vorantwerden, sulke denst verdan to warende, alse
gesecht is.
Van den negen iüngesten in einem ieweliken
caspele schölen alle iar dre dorch loth afgaen,
unde de twe rades personen mit den 64 schölen
in iewelikem caspele dre andere christlike menner
wedder keesen, to dönde alse gesecht is. Gingen
övers etlike ut anderer nötliken örsake aff, so
hefft dat sine mate na aller wise alse to vorn van
sulken afgengers gesecht is.
De overst dre iarlank in sulkem denste sint
geweset, schölen aftreden unde fri sin, dat andere
in ere stede weren gekaren.
Int gemeine van allen diakenen der
hovet casten.
Wen eine rades persone edder etlike diakene
schölen erwelet werden, denne schal me tovorn
van allen predikstölen des sondages bidden laten,
dat wi mögen menre krigen der saken to güde,
gade to den ehren.
In aller erwelinge, beiden casten to kamende,
wen me sick over etliken personen, de erwelet
werden, nicht verdragen kan, so bevele me gade
de sake dorch Christum, unde werpe dat loth dar
umme.
Item de erwelinge to rechter unde bestemmeder
tidt schal ock nicht na bliven, dar umme, dat
etlike erwelers frevelich und motwillich nicht
wolden kamen.