DOI Seite / Zitierlink:
https://doi.org/10.11588/diglit.27083#0546
530
Hamburg mit Landgebiet.
ock wol wol de predicanten dar to trachten mit
den collecten.
Van winachten bet up purificationis schalme
singen de sequentie grates nunc omnes etc. und
mit sulker wise dar twischen dat leed: Gelavet
sistu Jesu Christ etc. Ersten schalme singen
Grates, dar up twe dudesche versche, noch eins
Grates und twe ander dudesche versche, ock tom
drudden mal Grates und twe ander dudesche
versche. Tom lesten Huic oportet mit dem lesten
dudeschen versche.
Van paschen bet up pinxsten schallme
singen de snquentie Victime pascali, also dat me
na allen verschen singe ock ein versch van dem
dudeschen lede Christ lach in dodes banden, dat
leed averst Christ is uperstanden, schal me singen
na wontliker wise, wen me de predike anhevet.
In pinxsten schalme singen de sequentie Veni
sancte spiritus und na twen latinschen verschen
ein dudesch versch van dem lede: Nu bidde wi
den hilligen geest etc.
Exhortatio edder vormaninge up dem
predickstole na der predige.
Leven frunde in Christo, spreket mit mi den
loven: Ick love in den vader almechtigen etc.
Spreket ock de bicht mit mi und bekennet
gade juwe sunde, dat uns god gnedich si. Godt
si gnedich mi arme sundere, id feilet mi am
loven, dat ick godt minen heren nicht van ganzem
herten leve, mi nicht genslick up ene vorlate, in
anvechtingen und aller nodt lives und der selen.
Ick scholde allene godt fruchten und in allen
dingen vor ogene hebben, nu fruchte ick mi vor
de lude, de mi umme der gerechticheit willen
konen bose doen. Ick fruchte vor min gudt,
ehre, fruntschup to vorlesende. Ick sorge vor
de neringe unchristlick und soke in allen dingen
dat mine, und nicht wat gades is. Ock stelle
ick nicht mine salicheit in Jesum Christum sinen
eingebaren sone vor uns gegeven. Id feilet mi
ock an der leve, dat ick minen negesten nicht
leve alse mi sulvest, sunder handele wedder en
mit bosen vordechtnissen, mit achter kosen, mit
worden, mit werken, und kan nicht ein wordt
van em wedder mi liden. Ick schwige denne
mer, und kan em nicht van herten vorgeven, und
bin doch sulckes schuldich to donde. Besundergen
hebbe ick eine beswerede conscientie in dusser
anvechtinge N., in dusser sunde N. (ein juwelick
klage gade sine hemelike beswerlike sunde tor
beteringe). Darumme, almechtige godt, leve vader,
vorgiff mi alle mine sunde und erluchte min
herte mit diner warheit, dat ick di mach holden
vor minen gnedigen vader und minen negesten
vor minen broder, ane alle ergernisse, nach
dinem worde, dorch unsen heren Jesum Christum,
(spreket) Amen. Jesus Christus ist unse salicheit
ewichlick, (spreket) Amen.
So lat uns nu vlitich bidden vor keiserlike
majestat, vor koninge, vor heren, fursten, fursten
rede und stad rede, eddel lude, borgermeister und
richter, und allen den dat wertlicke swerdt be-
valen is, besundergen vor unsen landesfursten
und vor den radt dusser stadt, dat godt mit siner
gnade stedes bi en si und geve en, dat se un-
straflick mogen regeren in den wertliken dingen,
de en bevalen sint, dat wi under en mogen ein
rouwelick1) und stille levent vorent mit aller god-
salicheit und redelicheit. Biddet ock vor de
prestere, de uns armen schape weiden mit dem
worde und evangelio Christi, dat se uns mit vul-
stendigen herten dat reine wort gades vordregen
to unser beteringe, und werden behodet vor
allem erdom, und gesterket to allem besten
wedder den duvel und alle weddersagere, dat jo
dat evangelion Christi bi uns reine blive.
Biddet ock umme einen tidliken frede, vor
kranke, swake, elende, anvechtede lude , vor
swanger frouwen, vor unse viande, vor alle nod
lives und der selen, amen. Latet uns bidden de
eine vor den anderen, dat wi alle salich werden,
amen. Spreket ein vader unse etc.
So etlike sunderge gemene node vorvallen,
alse to biddende vor dat korne, hoppen, fruchte etc.
vor ein tidtlick wedder, jegen bose sucht edder
pestilentie etc., de kanme wol mit inbringen2).
Exhortatio edder vormaninge vor dem
altar vam sacramente an de communi-
canten.
Mine alderlevesten, uns wert stedes dorch de
predike des evangelii Christi vorgeholden, dat wi
van uns sulvest unweten arme sundere und vor-
laren sint, und de wile wi nicht mer van uns
sulvest sint, wenn vlesch und blodt, der wegen
wi uns ock mit unsem vorstande und vormoge
nicht konnen losmaken ut dem strengen richte
gades und van der gewalt des duvels, dar in wi
gevallen sint dorch de avertredinge der gebade
und des willen gades , so hefft godt unse unvor-
mogen bet erkant, wen wi, und hefft vor uns
gegeven, alse ein gnedich vader, sinen eingebarnen
sone Jesum Christum, dat wi dorch sin evan-
gelium erluchtet und dorch sinen dot erloset
wurden van unsen sunden, und dorch em kindere
gades werden, ewich salich, so wi dat loveden.
Sulck let he uns stedes predeken, we dat lovet,
1) Statt „rouwelick“ hat Lübeck „fredesam“.
2) Lübeck liest hier weiter „thom lesten volget de
fredesank“ etc.
Hamburg mit Landgebiet.
ock wol wol de predicanten dar to trachten mit
den collecten.
Van winachten bet up purificationis schalme
singen de sequentie grates nunc omnes etc. und
mit sulker wise dar twischen dat leed: Gelavet
sistu Jesu Christ etc. Ersten schalme singen
Grates, dar up twe dudesche versche, noch eins
Grates und twe ander dudesche versche, ock tom
drudden mal Grates und twe ander dudesche
versche. Tom lesten Huic oportet mit dem lesten
dudeschen versche.
Van paschen bet up pinxsten schallme
singen de snquentie Victime pascali, also dat me
na allen verschen singe ock ein versch van dem
dudeschen lede Christ lach in dodes banden, dat
leed averst Christ is uperstanden, schal me singen
na wontliker wise, wen me de predike anhevet.
In pinxsten schalme singen de sequentie Veni
sancte spiritus und na twen latinschen verschen
ein dudesch versch van dem lede: Nu bidde wi
den hilligen geest etc.
Exhortatio edder vormaninge up dem
predickstole na der predige.
Leven frunde in Christo, spreket mit mi den
loven: Ick love in den vader almechtigen etc.
Spreket ock de bicht mit mi und bekennet
gade juwe sunde, dat uns god gnedich si. Godt
si gnedich mi arme sundere, id feilet mi am
loven, dat ick godt minen heren nicht van ganzem
herten leve, mi nicht genslick up ene vorlate, in
anvechtingen und aller nodt lives und der selen.
Ick scholde allene godt fruchten und in allen
dingen vor ogene hebben, nu fruchte ick mi vor
de lude, de mi umme der gerechticheit willen
konen bose doen. Ick fruchte vor min gudt,
ehre, fruntschup to vorlesende. Ick sorge vor
de neringe unchristlick und soke in allen dingen
dat mine, und nicht wat gades is. Ock stelle
ick nicht mine salicheit in Jesum Christum sinen
eingebaren sone vor uns gegeven. Id feilet mi
ock an der leve, dat ick minen negesten nicht
leve alse mi sulvest, sunder handele wedder en
mit bosen vordechtnissen, mit achter kosen, mit
worden, mit werken, und kan nicht ein wordt
van em wedder mi liden. Ick schwige denne
mer, und kan em nicht van herten vorgeven, und
bin doch sulckes schuldich to donde. Besundergen
hebbe ick eine beswerede conscientie in dusser
anvechtinge N., in dusser sunde N. (ein juwelick
klage gade sine hemelike beswerlike sunde tor
beteringe). Darumme, almechtige godt, leve vader,
vorgiff mi alle mine sunde und erluchte min
herte mit diner warheit, dat ick di mach holden
vor minen gnedigen vader und minen negesten
vor minen broder, ane alle ergernisse, nach
dinem worde, dorch unsen heren Jesum Christum,
(spreket) Amen. Jesus Christus ist unse salicheit
ewichlick, (spreket) Amen.
So lat uns nu vlitich bidden vor keiserlike
majestat, vor koninge, vor heren, fursten, fursten
rede und stad rede, eddel lude, borgermeister und
richter, und allen den dat wertlicke swerdt be-
valen is, besundergen vor unsen landesfursten
und vor den radt dusser stadt, dat godt mit siner
gnade stedes bi en si und geve en, dat se un-
straflick mogen regeren in den wertliken dingen,
de en bevalen sint, dat wi under en mogen ein
rouwelick1) und stille levent vorent mit aller god-
salicheit und redelicheit. Biddet ock vor de
prestere, de uns armen schape weiden mit dem
worde und evangelio Christi, dat se uns mit vul-
stendigen herten dat reine wort gades vordregen
to unser beteringe, und werden behodet vor
allem erdom, und gesterket to allem besten
wedder den duvel und alle weddersagere, dat jo
dat evangelion Christi bi uns reine blive.
Biddet ock umme einen tidliken frede, vor
kranke, swake, elende, anvechtede lude , vor
swanger frouwen, vor unse viande, vor alle nod
lives und der selen, amen. Latet uns bidden de
eine vor den anderen, dat wi alle salich werden,
amen. Spreket ein vader unse etc.
So etlike sunderge gemene node vorvallen,
alse to biddende vor dat korne, hoppen, fruchte etc.
vor ein tidtlick wedder, jegen bose sucht edder
pestilentie etc., de kanme wol mit inbringen2).
Exhortatio edder vormaninge vor dem
altar vam sacramente an de communi-
canten.
Mine alderlevesten, uns wert stedes dorch de
predike des evangelii Christi vorgeholden, dat wi
van uns sulvest unweten arme sundere und vor-
laren sint, und de wile wi nicht mer van uns
sulvest sint, wenn vlesch und blodt, der wegen
wi uns ock mit unsem vorstande und vormoge
nicht konnen losmaken ut dem strengen richte
gades und van der gewalt des duvels, dar in wi
gevallen sint dorch de avertredinge der gebade
und des willen gades , so hefft godt unse unvor-
mogen bet erkant, wen wi, und hefft vor uns
gegeven, alse ein gnedich vader, sinen eingebarnen
sone Jesum Christum, dat wi dorch sin evan-
gelium erluchtet und dorch sinen dot erloset
wurden van unsen sunden, und dorch em kindere
gades werden, ewich salich, so wi dat loveden.
Sulck let he uns stedes predeken, we dat lovet,
1) Statt „rouwelick“ hat Lübeck „fredesam“.
2) Lübeck liest hier weiter „thom lesten volget de
fredesank“ etc.