DOI Page / Citation link:
https://doi.org/10.11588/diglit.26785#0403
Kerckenordeninge von 1569.
385
im huse unde markede vorhindert is, kan de 1
sermon vorbliven, unde up de vesper gelecht
werden, sunderlick umme der communicanten
willen.
In geringen steden kan ein edder twe ser- |
mone in der weke geschen, up gelegene dage,
unde schal ein ieder prediger över dre sermone
jeder weke ordinarie to doende, nicht besweret
werden, idt geschege denn in der visitation ut
billicken orsaken, andere vorordeninge, darna men
sick an jederem orde to richten.
Van der letanien.
In jederer stadt schal alle weke up einen
gelegenen dach, vör edder na dem sermone, de
letanie geholden, unde de gemeine, dat se tom ge-
bende tosamen kamen, vlitich ermanet werden.
Desgeliken schal de superintendens vorordenen,
dat up den dörperen in einem jederen caspel de
letania tor weke ein mal eder up den sondach,
wenn nicht communicanten sin, edder up den
fridach edder middeweken, mit einem korten ser-
mone, wo idt jeders ordes gelegenheit is, geholden
werde. Hirvör geven in velen caspeln de buren
dem pastori primitias, de se S. Johannes garven
nömen, effte süs wat an gelde ut dem gadeshuse
edder wat na caspel gebrueck gewönlick is.
Vam catechismo.
Vor allen dingen schal de hilige catechismus
in allen parren unde kercken vitich gedreven unde
geövet werden. Am sondage schal in einer jederen
stadt eine gelegene stunde des morgens fro effte
to 12. up den middach, to dem catechismo vor-
ordent unde ein gut catechista geholden werden,
de den catechismum vlitigen unde truwlicken pre-
dige, nicht allene de ersten viff stücke, de tein
gebade, geloven, vader unse, döpe unde sacra-
ment des altars, sunder ock de bicht, dat avent
unde morgen gebet, benedicite unde gratias, mit
der ganzen hustafel, up dat sölck stück der ganzen
gemeine bekant unde gemeine werde. Hir in
schal men sunderlick folgen den groten catechis-
mum doctoris Martini Lutheri, doch dat idt fri si,
na gelegenheit der tohörer, körter effte lenger,
mit anhange etliker spröke der schrift unde
exempel derhistorien, de Huberinus tosamen ge-
dragen hegt, van jederem stücke to reden, unde
schal de catechista vlit anwenden, dat he in
einem jare den catechismum ende.
Up den dörperen schal nicht allene de cöster
des sondage morgens ein stücke ut dem catechismo
fin dütlick dem volke vörlesen, sunder de pastor
schal na middage den catechismum, alse vör-
gesecht is, truwlicken predigen, unde samt dem
cöster etlike düdesche psalmen mit dem volke
singen, dat de hiligen schönen gesenge nicht vor-
Sehling, Kirchenordnungen. IV.
geten werden. De pastor schal ock alle veerndeel
jar de kinder unde dat gesinde im catechismo
des sondages na middage vorhören, en leren eine
gewisse bicht, mit dem morgen unde aventbede,
benedicite unde gratias, unde vlit doen, wenn se
de wort des catechismi weten, dat se ock na der
hand den vorstand unde de utleginge im klenen
catechismo leren. So vaken als de pastor am
sondage de catechismus predige vorsümet, schal
he vam superintendenten, synodo edder consistorio
gestrafet, unde so he bauen de erinneringe unde
strafe moetwillich blifft, van der kercken entsettet
werden. Wor ein pastor mer als eine kercke hefft,
schal he den catechismum na middage ummeschichtich
predigen, stede an dem orde, dar dat officium tom
lesten geworden is.
Dar mit nu sölckes gescheen möge, schölen
de buren in dem dörpe effte caspel, dar de pastor
nicht wanet, em ummeschichtich eine maltidt geven,
de pastor schal mit den lüden to freden sin unde
vor gut nemen, nicht förderen, dat se sinent wegen
besundere unkost maken.
Würde sick ock kümpstich bevinden, dat
dem pastorn de maltidt bi den buren to nemen,
edder den armen lüden desülve to geven an etliken
örden ungelegen vallen möchte, so wil men in der
visitation dem prediger an stat dessülven, ein ge-
nants an korne edder gelde, der billicheit na,
dat he jarlick vor angerögede maltidt entfange,
deputeren.
Wor de pastores up den dörpcaspeln capellen
hebben, dar se jegen de van olders vorordente
entgeltnis wekenpredige doen möten, darsülvest
schölen se ock den catechismum predigen unde
ein capitel ut der hiligen schrift lesen, mit einer
collecten samt einem effte twe psalmen.
Van der repetition des catechismi up alle veerndeel jars, in
den steden, unde van dem examen unde confirmation der
kinder.
In steden schal de catechismus alle veerndeel
jar, up de quatertemper repeteret werden, alle
dage ein sermon, up eine gelegene stunde, unde
binnen 14 dagen geendiget, up desülve tidt schölen
de kinder, knaben unde megedeken, de noch
nicht tom sacramente gewest sint, na dem ser-
mone effte up eine andere gelegene stunde in der
kercken van den predigern im catechismo exami-
neret werden. Wor mer parkerken sint, schölen
de prediger den catechismum ummeschichtich re-
peteren, alse idt de superintendens under se vor-
ordent. Efft de anderen sermone, tempore repeti-
tionis catechismi schölen anstan, wert de super-
intendens an einem jederen orde na gelegenheit
vorordenen.
Alle jar schal in jeder stadt ein mal, edder
so idt not is, twe mal, in der vasten unde up
49
385
im huse unde markede vorhindert is, kan de 1
sermon vorbliven, unde up de vesper gelecht
werden, sunderlick umme der communicanten
willen.
In geringen steden kan ein edder twe ser- |
mone in der weke geschen, up gelegene dage,
unde schal ein ieder prediger över dre sermone
jeder weke ordinarie to doende, nicht besweret
werden, idt geschege denn in der visitation ut
billicken orsaken, andere vorordeninge, darna men
sick an jederem orde to richten.
Van der letanien.
In jederer stadt schal alle weke up einen
gelegenen dach, vör edder na dem sermone, de
letanie geholden, unde de gemeine, dat se tom ge-
bende tosamen kamen, vlitich ermanet werden.
Desgeliken schal de superintendens vorordenen,
dat up den dörperen in einem jederen caspel de
letania tor weke ein mal eder up den sondach,
wenn nicht communicanten sin, edder up den
fridach edder middeweken, mit einem korten ser-
mone, wo idt jeders ordes gelegenheit is, geholden
werde. Hirvör geven in velen caspeln de buren
dem pastori primitias, de se S. Johannes garven
nömen, effte süs wat an gelde ut dem gadeshuse
edder wat na caspel gebrueck gewönlick is.
Vam catechismo.
Vor allen dingen schal de hilige catechismus
in allen parren unde kercken vitich gedreven unde
geövet werden. Am sondage schal in einer jederen
stadt eine gelegene stunde des morgens fro effte
to 12. up den middach, to dem catechismo vor-
ordent unde ein gut catechista geholden werden,
de den catechismum vlitigen unde truwlicken pre-
dige, nicht allene de ersten viff stücke, de tein
gebade, geloven, vader unse, döpe unde sacra-
ment des altars, sunder ock de bicht, dat avent
unde morgen gebet, benedicite unde gratias, mit
der ganzen hustafel, up dat sölck stück der ganzen
gemeine bekant unde gemeine werde. Hir in
schal men sunderlick folgen den groten catechis-
mum doctoris Martini Lutheri, doch dat idt fri si,
na gelegenheit der tohörer, körter effte lenger,
mit anhange etliker spröke der schrift unde
exempel derhistorien, de Huberinus tosamen ge-
dragen hegt, van jederem stücke to reden, unde
schal de catechista vlit anwenden, dat he in
einem jare den catechismum ende.
Up den dörperen schal nicht allene de cöster
des sondage morgens ein stücke ut dem catechismo
fin dütlick dem volke vörlesen, sunder de pastor
schal na middage den catechismum, alse vör-
gesecht is, truwlicken predigen, unde samt dem
cöster etlike düdesche psalmen mit dem volke
singen, dat de hiligen schönen gesenge nicht vor-
Sehling, Kirchenordnungen. IV.
geten werden. De pastor schal ock alle veerndeel
jar de kinder unde dat gesinde im catechismo
des sondages na middage vorhören, en leren eine
gewisse bicht, mit dem morgen unde aventbede,
benedicite unde gratias, unde vlit doen, wenn se
de wort des catechismi weten, dat se ock na der
hand den vorstand unde de utleginge im klenen
catechismo leren. So vaken als de pastor am
sondage de catechismus predige vorsümet, schal
he vam superintendenten, synodo edder consistorio
gestrafet, unde so he bauen de erinneringe unde
strafe moetwillich blifft, van der kercken entsettet
werden. Wor ein pastor mer als eine kercke hefft,
schal he den catechismum na middage ummeschichtich
predigen, stede an dem orde, dar dat officium tom
lesten geworden is.
Dar mit nu sölckes gescheen möge, schölen
de buren in dem dörpe effte caspel, dar de pastor
nicht wanet, em ummeschichtich eine maltidt geven,
de pastor schal mit den lüden to freden sin unde
vor gut nemen, nicht förderen, dat se sinent wegen
besundere unkost maken.
Würde sick ock kümpstich bevinden, dat
dem pastorn de maltidt bi den buren to nemen,
edder den armen lüden desülve to geven an etliken
örden ungelegen vallen möchte, so wil men in der
visitation dem prediger an stat dessülven, ein ge-
nants an korne edder gelde, der billicheit na,
dat he jarlick vor angerögede maltidt entfange,
deputeren.
Wor de pastores up den dörpcaspeln capellen
hebben, dar se jegen de van olders vorordente
entgeltnis wekenpredige doen möten, darsülvest
schölen se ock den catechismum predigen unde
ein capitel ut der hiligen schrift lesen, mit einer
collecten samt einem effte twe psalmen.
Van der repetition des catechismi up alle veerndeel jars, in
den steden, unde van dem examen unde confirmation der
kinder.
In steden schal de catechismus alle veerndeel
jar, up de quatertemper repeteret werden, alle
dage ein sermon, up eine gelegene stunde, unde
binnen 14 dagen geendiget, up desülve tidt schölen
de kinder, knaben unde megedeken, de noch
nicht tom sacramente gewest sint, na dem ser-
mone effte up eine andere gelegene stunde in der
kercken van den predigern im catechismo exami-
neret werden. Wor mer parkerken sint, schölen
de prediger den catechismum ummeschichtich re-
peteren, alse idt de superintendens under se vor-
ordent. Efft de anderen sermone, tempore repeti-
tionis catechismi schölen anstan, wert de super-
intendens an einem jederen orde na gelegenheit
vorordenen.
Alle jar schal in jeder stadt ein mal, edder
so idt not is, twe mal, in der vasten unde up
49