Evangelische Kirchenordnungen des XVI. Jahrhunderts

402

Das Herzogthum Pommern.

Up paschen.
Surrexit Christus hodie, mit dem düdeschen :
Erstanden is de hilige christ etc.
Up pingesten.
Spiritus sancti gratia, latin unde düdesch,
unde wat der geliken olde gesenge mer sint, de
schölen den kindern vlitich geleret werden.
De ander classis.
In diser classe schölen sin sölcke knaben, de
latin gewisse unde recht lesen könen, den schal
men erstlick formulas Sebaldi proponeren, de se
under sick sülvest lesen, unde sick undereinander
darin fragen unde examineren; dise schölen de
scholmeister unde preceptores vlitich underrichten
unde examineren, in der grammatica Bonni unde
im Donat, dat se de partes orationis unde for-
mulas declinationum unde coniugationum recht
unde gewisse leren. Dar to schal men en ex-
poneren den latinschen catechismum unde de
fabulas Aesopi, ock dar na disticha Catonis, so
Bonnus an sine grammaticam gesettet hefft, unde
ut densülven den knaben sunderlick leren, for-
mulas unde vocabula latina sermonis, unde de
nomina unde verba vlitich declineren unde con-
iugeren, des geliken ock alle andere dictiones iuxta
etymologiam examineren unde repeteren.
Men schal se ock de vocabula rerum , de bi
dem catechismo germanicolatino gedrücket sint,
laten van buten leren, dar na formulas terentianas,
dat se under einander upseggen, item, des avendes
schal de praeceptor en geven, fine nütte latinische
spröke unde sententias, dat se de in sunderlike
böker schriven unde leren, des morgens schölen
se desülven upseggen unde de praeceptor ut den-
sülven etymologiam repeteren.
Dise knaben schölen mit sunderlikem vlite
gewennet werden tom schrivende, latin unde
düdesch, item, dat se na der hand leren latine
reden, unde schölen de praeceptores acht darup
geven, dat de kinder im schrivende orthographiam,
unde im lesende unde redende, pronunciationen pro-
priam, non agrestem, leren unde holden, sunder-
lick överst schölen se leren unde weten, den ganzen
düdeschen catechismum, den text mit der utleginge,
unde im latinischen catechismo den textum de-
calogi, symboli, orationis dominicae, baptismi et
coenae domini, item, benedictionem mensae, et
gratiarum actionem, ock etlike vörneme trostspröke
ut der hiligen schrift, latin unde düdesch etc.
Venite ad me omnes qui laboratis et onerati estis,
ego reficiam vos. Gaudium est angelis super uno
peccatore poenitentiam agente. Ecce agnus dei,
qui tollit peccata mundi. Qui credit in filium
habet vitam aeternam, unde der geliken. Item,
precationes Philippi Melanthonis, te maneat semper

servante ecclesia Christe etc. Item regulas vitae:
Nullius est felix conatus et utilis unquam etc.
Item, nil sum, nulla miser etc. unde der geliken
schöne dicta unde poëmata, de se mit am dische
reciteren. Item, up de sonavende, ut dem jegen-
werdigen evangelio eine schöne vörneme sententia,
alse, date deo quae sunt dei et caesari quae sunt
caesaris.
Alle weke schal ock up den sonavent dat
evangelium des volgenden sondages up eine ge-
legene stunde, disen kinderen exponeret, unde
nomina et verba declineret, coniugeret unde evan-
gelia mit den formulis loquendi repeteret werden.
Wenn choral gesenge latin effte düdesch in
der schole proponeret werden, schölen dise kinder
mit den anderen solmiseren unde singen, unde
also na der hand ad musicam gewennet werden,
dat se voces musicales unde solmiseren leren.
Wenn se könen den catechismum unde for-
mulas declinationum unde coniugationum ut dem
Bonno, unde in etimologia temlick erfaren sint,
unde de vocabula latina unde sententias vlitich
hebben geleret, schölen se ad tertiam classem pro-
moveret. werden.
De drüdde classis.
Hir in schölen sin de knaben, de etymologiam
unde catechismum temlick weten, unde nu verner
leren schölen sintaxin unde latinam linguam, dat
se auctores könen hören unde exponeren, regulas
etymologiae unde syntaxeos dar up geven unde an-
togen , latine reden unde schriven, unde singen
in chorali unde figurali, unde den chatechismum
düdesch unde latinisch perfecte leren.
Disen schölen volgende lectiones proponeret
unde vlitich gedreven werden, grammatica latina,
unde syntaxis Philippi, welche up dat nie vor de
schölen diser lande der maten wedder schölen ge-
drückt werden, dat de notwendigesten praecepta,
so vor de jungen kinder tom anvange denen,
tüschen twen crüzen, mit grauen boeckstaven, unde
dat ander, so den kindern tom ersten nicht gar
nödich is, buten to leren, mit klenen boeckstaven
gedrücket werde.
Verner schölen in diser classe gelesen unde
geleret werden: Fabulae Aesopi, praecepta morum,
vel disciplina puerilis, proverbia Salomonis de
civilitate morum Erasmi.
Item, etlike colloquia quoditiana Erasmi,
Terentius, epistolae Ciceronis selectae a Sturmio edder
einem andern, Cato, loci communes poëtici Mur-
mellii, ex Propertio et Ovidio collecti. Ut disen
lectionibus unde autoribus könen de kindere latinam
linguam fruchtbarlick leren, wenn de praeceptores
sülvest gude grammatici sint, dar men vlitige
achtinge up hebben schal, unde wenn se formas
loquendi, phrases sermonis, repetitiones etymo-