Evangelische Kirchenordnungen des XVI. Jahrhunderts

Agenda von 1569.

441

kercken gesungen werden, up den sondach edder
am werkeldage, tor psalmodie, alse idt tom besten
gelegen is.
Letania.
De schal mit allem vlite gebedet unde ge-
sungen werden, in steden unde dörperen, mit einer
collecten, alle weke des sondages unde werkel-
dages, alse idt gelegen sin wert. Sölckes schölen
de pastores nicht underlaten, se könen ock na
gelegenheit der tidt unde not, etlike verse in der
letanien körten, edder ock tosetten unde enderen,
alse idt de superintendenten vor gut anseen.
Vesper up de werkeldage in steden. dar scholen sint.
Wenn de tchöler ut der schole gan tor vesper
tidt edder jegen avend, schölen se mit den schol-
personen to chore gan unde singen eine antiphen,
mit einem psalme ganz edder halff. Dar up eine
latinische lection, ut dem nien testamente, mit
dem hymno feriali. Dar na de düdische lection,
mit den summarien Viti, magnificat, edder nunc
dimittis, collecta, benedicamus, da pacem. Des
geliken des morgens de metten wenn rede keen
sermon geschüt.
Dewile sölcke ceremonien in velen steden,
van den predigern unde scholpersonen, genzlick
underlaten werden, schölen de superintendenten
in steden vlitich upseent hebben, dat sölckes aff-
geschaffet unde gelikmetige ordeninge geholden
werde.
Weken predige up den dörperen.
Ein jeder pastor schal alle fridage in der
weke einen sermon mit der letanie holden, erst-
lick mit dem cöster singen düdische psalmen, dar
na predigen eine halve stunde den catechismum,
edder wat süs dem volke nütte is, dar up de
letania mit der collecta, unde Vorlene uns frede
gnedichlick etc.
Sunderlick överst schölen de parrherren up
den dörperen mit allem vlite driven. Des son-
dages dem cöster ein stücke mit der utlegginge
afflesen laten. Des namiddages am sondage einen
sermon darinne doen. Vor disem sermone dem
volke den bloten text mit der bicht vorseggen.
Na dem sermone vor dat altar treden, dem volke
unde kindern vörlesen dat stücke des catechismi,
mit der utlegginge, darinne he geprediget hefft,
unde se datsülvige dütlick na seggen laten, dar up
besluten mit dem Vorlene uns frede.
Wor capellen sint, de gewaret werden, schal
men den catechismum in der weke darinne vlitich
to drivende, mit predigende unde singende etc.
sick nicht vordreten laten.
Wenn apostel dage edder andere hilige dage
in der weken vallen, de men nicht viret, könen
se de wekenpredige up de dage leggen, darto
beeren laten, des sondages tovörne affkündigen,
Sehling, Kirchenordnungen. IV.

edder könen de historien up den gewönliken fri-
dach nemen.
In düdischen psalmen to singende, schölen
de pastores mit vlite erholden de olden düdischen
psalme doctoris Lutheri unde der geliken olde
gude psalme, unde de nien psalme cum iudicio
anseen, nicht ane underscheed se in de kercken
bringen unde vlitich acht hebben, welckere psalme
mit der tidt unde mit dem sermone averein kamen.
Ende van ceremonien.
V.
Van der döpe.
VI.
Van der notdöpe.
Van bademömen.
Van swangeren kindelbeddeschen
fruwen.
VII.
Van der confirmation, wo men de kinder
im catechismo vorhören unde insegenen
schal, eer men se tom hochwerdigen
sacramente tolet.
De hilige catechismus schal mit allem vlite in
allen kercken, in steden unde up dörperen, ge-
prediget werden, in steden alle sondage up eine
gewisse gelegene stunde unde alle quartal schal
men densülven kort repeteren. In steden unde
dörperen schal de cöster alle sondage ein stücke
des catechismi mit der utlegginge, wenn dat evan-
gelium vor dem altar gelesen is, dem volke vör-
lesen, unde up dörperen, de pastor den catechis-
mus des sondages na middage vlitich predigen,
unde mit dem volke upseggen, alse tovörne am
ende van ceremonien under titel van weken-
predigen up dörperen, unde avermal im anfange
des deles vam catechismo gesecht is.
Alle quartal schölen de parrherren unde pre-
diger de kindere unde dat junge gesinde in der
kercke im catechismo examineren, in steden unde
up dörperen.
Alle jar schal in einem jedern caspel de con-
firmation gescheen, so catechumeni vorhanden sint.
De kindere, de den catechismum unde de bicht
weten , de schal men to der confirmation tolaten,
dat se dar na to dem hochwerdigen sacramente
gan, wenn idt de olderen mit dem pastore vor
gut anseen. Wente ein jeder pastor schal in sinem
caspel dar up seen, dat men kindere to dem sacra-
mente nicht tolate, de den text des catechismi
56