DOI Seite / Zitierlink:
https://doi.org/10.11588/diglit.26785#0484
Das Herzagthum Pommern.
466
sonder up Christum, dat hövet, unde hödet sick
vor böse rede, vor böse godtlose bökere, wente
godtlose böse rede vorkeren gude christlike herten,
alse S. Paulus her na den spräke anthüet, unde
de corinther darjegen strafet unde vorwarnet. Item,
wenn de upstandinge der doden nicht scholde sin,
so moste men ock de upstandinge Christi vor-
löchenen, so were unse evangelum, predigamt,
gelove, höpen unde alle trost, döpe unde kempent
aver dem evangelio jegen der werlt, vorgeves, wi
weren noch in sünden, unde alle, so in Christo
entslapen sint, weren vorlaren, darümme si idt eine
düvelsche valsche lere, dat men de upstandinge
der doden am jüngesten dage vorlöchenen edder
daranne twivelen wolde.
Das evangelium an disem sondage is, Johan. 10.:
Warliken, warliken, ick segge juw, wol nicht tor
döre ingeit in den schaepstall etc. Vam anvange
des capitels, bet an den ort, unde wert eine herde
unde ein schaepstall werden.
Am sondage Iubilate.
Epistel 1. Corint. 15.: Nu is överst Christus
wedder upgestan etc. usqe eo: Up dat si godt alle
ding in allem, unde nim dar to dat volgende deel:
Dar möchte överst jemand seggen: Wo werden de
doden wedder upstan? usqe eo: Also werde wi
ock dragen dat bilde des hemmelschen etc. Den
middelsten paragraphum: Wat maken se süss, de
sick döpen laten, baven den doden etc. usqe eo:
Dat segge ick juw tor schande, schal men nemen
tom ersten dele des capitels am sondage Miseri-
cordias domini, nömliken also: So sint ock de in
Christo entslapen sint, vorlaren. Hape wi allene
in disem levende up Christum, so sint wi de aller
elendesten mank allen minschen, unde wat maken
se süss, de sick döpen laten, baven den doden etc.
usqe eo: Dat segge ick juw tor schande. Ut der
vörgesetteden epistel dises sondages schölen de
prediger dem volke vörholden: Dat Christus up-
standinge is causa et fundamentum unser up-
standinge van doden, gelick alse Adam is de or-
sake unser sünde unde des dodes aver uns. Item
vam rike Christi. Unde wo ein jeder sin egen
liff in der upstandinge wedder krigen wert, unde
underscheed sin wert de klarheit under den seligen
im ewigen levende. Coelum commune beatis:
gloria dispar. Unde wat wi vor live hebben werden,
Christo unsem herren gelick, geistlike hemmelische
cörper.
So men dit nicht allent kan up den sondach
in einem sermene to ende bringen, schal men den
andren deel in der weke im sermone handlen.
Also ock van dem vörigen unde navolgenden dele
des capitels to holdende.
Evangelium up densondach Iubilate is Johan.16.:
Aver eine klene wile werde gi mi nicht seen etc.
Am sondage Cantate.
Epistel 1. Cor. 15.: Dar van segge ick juw
överst leven bröder, dat flesch unde blot etc. bet
to ende des capitels. Vide enarrationem doctoris
Lutheri super hoc caput.
Evangelium Johan. 16.: Nu överst ga ick hen
to dem, de mi gesendt hefft.
Dise episteln, van der upstandinge der doden,
sint up dise sondage na paschen, ut diser orsake
vorordent, dat de christlike gemeine (alse ock
doctor Martinus Lutherus in sinem lesten düdischen
testamente gesettet hefft) van dem artikel des
gelovens, van upstandinge der doden, ricklick
underrichtet unde dat 15. capitel jarlick ganz möge
mit vlite geprediget werden.
De van olders gewönlike episteln ut Jacobo
könen wol na bliven. De epistel van olders up
den sondach Iubilate vorordent, van der avericheit,
hebben wi transfereret mit dem ganzen artikel
vam weltlikem regimente bi avericheit unde under-
danen, up den drüdden sondach na Epiphania
domini, alse to vörne gesecht is.
Am sondage Vocem iucunditatis.
Dise weke wert van olders genömet dies
rogationum, de bedeweke, dat men im vörjare bede
vor de christlike kercke unde hiliginge unser seelen
jegent fleesch, vor frede jeden krige, vor de früchte
der erden, jegen düre tidt, unde böse untidich
wedder, dewile nu de saet in der erde is, unde
umme dise tidt krige sick rögen unde in der
lustigesten tidt des jars dit fleesch to sekerheit,
uppicheit unde allerlei sünden lüstert. De pawest
hefft se de crüzweke genömet unde ein götzen-
dragent dar ut gemaket, dat men mit bilden umme
her gelopen is. Dar van hefft uns godt vorlöset
unde gesettet in dat licht der warheit. Darümme
schal men disen sondach unde de volgende weke,
ane den dach Ascensionis domini, vam hiligen ge-
bede predigen unde de letanien singen, de gemeine
ernstlick vormanen, dat ein jeder vlitich tor kercke
ga unde de sinen tom gebede holde.
Epistel am sondage Vocem iucunditatis schal
sin 1. Timoth. 2 : So vormane ick nu, dat men
vor allen dingen tom ersten doe vorbiddent etc.
Usque eo: Dat allen minschen geholpen werde,
unde tor erkentenisse der warheit kamen.
Evangelium Johan. 16.: Warliken, warliken,
ick segge juw, so gi den vader wat bidden etc.
Up disen sondach unde in der weke schal
men kenen figural sang singen, ock nicht orglen,
utgenamen den dach Ascensionis domini, mit der
in vigilia: sunder idel düdische psalmen singen,
bedepsalmen, boetpsalmen, vader unse etc. stede
nevenst dem sermon letanien holden. Wat men
överst up de werkeldage predigen schal, dat vindet
men herna in der ordeninge der feste.
466
sonder up Christum, dat hövet, unde hödet sick
vor böse rede, vor böse godtlose bökere, wente
godtlose böse rede vorkeren gude christlike herten,
alse S. Paulus her na den spräke anthüet, unde
de corinther darjegen strafet unde vorwarnet. Item,
wenn de upstandinge der doden nicht scholde sin,
so moste men ock de upstandinge Christi vor-
löchenen, so were unse evangelum, predigamt,
gelove, höpen unde alle trost, döpe unde kempent
aver dem evangelio jegen der werlt, vorgeves, wi
weren noch in sünden, unde alle, so in Christo
entslapen sint, weren vorlaren, darümme si idt eine
düvelsche valsche lere, dat men de upstandinge
der doden am jüngesten dage vorlöchenen edder
daranne twivelen wolde.
Das evangelium an disem sondage is, Johan. 10.:
Warliken, warliken, ick segge juw, wol nicht tor
döre ingeit in den schaepstall etc. Vam anvange
des capitels, bet an den ort, unde wert eine herde
unde ein schaepstall werden.
Am sondage Iubilate.
Epistel 1. Corint. 15.: Nu is överst Christus
wedder upgestan etc. usqe eo: Up dat si godt alle
ding in allem, unde nim dar to dat volgende deel:
Dar möchte överst jemand seggen: Wo werden de
doden wedder upstan? usqe eo: Also werde wi
ock dragen dat bilde des hemmelschen etc. Den
middelsten paragraphum: Wat maken se süss, de
sick döpen laten, baven den doden etc. usqe eo:
Dat segge ick juw tor schande, schal men nemen
tom ersten dele des capitels am sondage Miseri-
cordias domini, nömliken also: So sint ock de in
Christo entslapen sint, vorlaren. Hape wi allene
in disem levende up Christum, so sint wi de aller
elendesten mank allen minschen, unde wat maken
se süss, de sick döpen laten, baven den doden etc.
usqe eo: Dat segge ick juw tor schande. Ut der
vörgesetteden epistel dises sondages schölen de
prediger dem volke vörholden: Dat Christus up-
standinge is causa et fundamentum unser up-
standinge van doden, gelick alse Adam is de or-
sake unser sünde unde des dodes aver uns. Item
vam rike Christi. Unde wo ein jeder sin egen
liff in der upstandinge wedder krigen wert, unde
underscheed sin wert de klarheit under den seligen
im ewigen levende. Coelum commune beatis:
gloria dispar. Unde wat wi vor live hebben werden,
Christo unsem herren gelick, geistlike hemmelische
cörper.
So men dit nicht allent kan up den sondach
in einem sermene to ende bringen, schal men den
andren deel in der weke im sermone handlen.
Also ock van dem vörigen unde navolgenden dele
des capitels to holdende.
Evangelium up densondach Iubilate is Johan.16.:
Aver eine klene wile werde gi mi nicht seen etc.
Am sondage Cantate.
Epistel 1. Cor. 15.: Dar van segge ick juw
överst leven bröder, dat flesch unde blot etc. bet
to ende des capitels. Vide enarrationem doctoris
Lutheri super hoc caput.
Evangelium Johan. 16.: Nu överst ga ick hen
to dem, de mi gesendt hefft.
Dise episteln, van der upstandinge der doden,
sint up dise sondage na paschen, ut diser orsake
vorordent, dat de christlike gemeine (alse ock
doctor Martinus Lutherus in sinem lesten düdischen
testamente gesettet hefft) van dem artikel des
gelovens, van upstandinge der doden, ricklick
underrichtet unde dat 15. capitel jarlick ganz möge
mit vlite geprediget werden.
De van olders gewönlike episteln ut Jacobo
könen wol na bliven. De epistel van olders up
den sondach Iubilate vorordent, van der avericheit,
hebben wi transfereret mit dem ganzen artikel
vam weltlikem regimente bi avericheit unde under-
danen, up den drüdden sondach na Epiphania
domini, alse to vörne gesecht is.
Am sondage Vocem iucunditatis.
Dise weke wert van olders genömet dies
rogationum, de bedeweke, dat men im vörjare bede
vor de christlike kercke unde hiliginge unser seelen
jegent fleesch, vor frede jeden krige, vor de früchte
der erden, jegen düre tidt, unde böse untidich
wedder, dewile nu de saet in der erde is, unde
umme dise tidt krige sick rögen unde in der
lustigesten tidt des jars dit fleesch to sekerheit,
uppicheit unde allerlei sünden lüstert. De pawest
hefft se de crüzweke genömet unde ein götzen-
dragent dar ut gemaket, dat men mit bilden umme
her gelopen is. Dar van hefft uns godt vorlöset
unde gesettet in dat licht der warheit. Darümme
schal men disen sondach unde de volgende weke,
ane den dach Ascensionis domini, vam hiligen ge-
bede predigen unde de letanien singen, de gemeine
ernstlick vormanen, dat ein jeder vlitich tor kercke
ga unde de sinen tom gebede holde.
Epistel am sondage Vocem iucunditatis schal
sin 1. Timoth. 2 : So vormane ick nu, dat men
vor allen dingen tom ersten doe vorbiddent etc.
Usque eo: Dat allen minschen geholpen werde,
unde tor erkentenisse der warheit kamen.
Evangelium Johan. 16.: Warliken, warliken,
ick segge juw, so gi den vader wat bidden etc.
Up disen sondach unde in der weke schal
men kenen figural sang singen, ock nicht orglen,
utgenamen den dach Ascensionis domini, mit der
in vigilia: sunder idel düdische psalmen singen,
bedepsalmen, boetpsalmen, vader unse etc. stede
nevenst dem sermon letanien holden. Wat men
överst up de werkeldage predigen schal, dat vindet
men herna in der ordeninge der feste.