DOI Page / Citation link:
https://doi.org/10.11588/diglit.26785#0569
Entwurf einer Kirchenordnung für Stralsund von 1555.
551
Des sonnavendes to tween schal men to
de vesper lüden, und na utwisinge unser Treptowe-
schen ordeninge latinsche vesper gesungen werden
mit psalmen , antiphen, lectionibus, responsoriis,
hymnis und magnificat, collecten etc., wo idt in
der kerkenordeninge gevatet is.
Und darnha schal eine vormaninge gescheen
an de communicanten van der böthe, bicht und
sacrament, und van dem nien godtseligen levende etc.
Und darnha schal ein jder, so tom sacramente
gahn wil, insunderheit vorhöret, underwiset, und
absolvert werden.
Dit schal lickförmich in allen carspelen ge-
holden werden.
Des sondags morgens schöle dat latinsche
singent in alle dreen carspel kerken allene voraff
gesungen werden; den de latinsche metten und
die misse to samende waret alto lange; darum
mot idt van ein ander getagen werden: to S. Nico-
laus und to S. Jacob to VI; to Marien vor der
predige des catechismi, alse psalmos, antiphen,
responsorien, te deum laudamus etc. latin effte
dudesk.
Overst in S. Nicolaus und S. Jacobs kerke
schal eine lection ut der bibelschen historien van
den schölern latin und dudesk gelesen , und van
dem, welckerm idt de pastor bevelet, kortlik ut-
gelecht werden; darup einen dudeschen psalmum.
Hirnha schal intervallum geholden werden,
dat die kinder mögen to hus gahn und ' sick
wermen.
Haiwege achten schölen de schöler wedder to
chor gan und einen latinschen introitum under-
wilen singen, edder einen dudeschen psalmum,
Gelavet si der here van Israel etc., ut deper
noth etc., Erbarme di miner etc., edder sunst einen
andern.
Darnha III kyrie und: Gloria in excelsis,
und: Alleine godt in der högede etc.
Die collecte und epistel dudesk.
Nha der epistel dat vader unse, die tein ge-
bade, Ick röpe to di etc., edder sunst fine bede
psalmen; und up winachten, paschen, pingsten
die sequentien mit dudeschen leden van den
festen.
Dat evangelium düdesk.
Wi geloven; underwilen: Patrem etc.
Die sermon bet halwege tein.
Nha dem sermon de prefation, welche ock
underwilen nha legenheit. der tidt moge utgelaten
werden, und angefangen mit deme vader unse;
und de wort des hern alle tidt düdesk ge-
sungen. '
Up de feste Sanctus agnus dei underwilen
gesungen, und up de andern tide dudesk: Hilich
is godt de vader, und wo idt ock doctor Martinus
ut deme propheten Esaia vordudeschet hefft.
Under der communion singet men dudesk:
Jesus Christus, unser heiland; Godt si gelavet etc.
und dergeliken; darnha de collecte und bene-
diction.
Namiddage umme seiers ein scholen in
allen carspel kerken vesper gesungen werden: to
S. Jacob nha dem sermon (diewile de sermon to
XII werd) und to S. Nicolaus vor deme sermone,
welker volgen schal umme seiers twe, und darnha
eine dudesche vesper, dat is ein dudesk hymnus
und magnificat; to Marien överst schal de sermon
gescheen to einem, und de vesper darnha. ln
S. Johannis kloster geschut de sermon nha dreen
bet viren.
Des werkeldages schal in allen kerken
vor deme sermone ein psalmus mit einem antiphen
gesungen werden, und III lectiones to latin und
eine dudesk ut der materien, die men predigen
werd, gelesen; darnha benedictus mit der antiphen.
Und wen se den dudeschen psalmum mit der
kerken gesungen hebben, so scholen de kinder
wedder in die schöle gahn; allene wen de catechis-
mus repetert werd, so scholen se bliven.
Und wer ser gut, dat die schöler halweg VII,
wen de ander puls geludt werd, to chor gingen
hir to S. Nicolaus, up dat die sermon ehr mochte
angefangen werden, und up den slach VIII ge-
endiget, umme mennigerlei orsake willen.
In den anderen carspelen to Marien und to
S. Jacob könen ock de schöler wol ehr to chor
gan und voraff singen mit der wise, wo vör an-
getöget, up dat de sermon up de rechte klock-
stunde sick endigen muchte. Des namiddages
överst schal allene to S. Nicolaus, diewile de grote
schole dar is, umme seiers II die korten vesper
psalmen mit den antiphen gesungen werden und
lectiones latin, dudesk, kortlik gelesen und ut-
gelecht. werden; darnha magnificat edder Nunc
dimittis, mit antiphen, collecte und benedicamus
geendiget werden. Oeverst dit singent, lesent und
interpreteren schal over anderhalff verndel van
der stunde nicht vorlenget werden; und so ock
de superintendens wat lesen wolde, so konde idt
up de stunden gescheen.
Und de interpretation schal under den pre-
digeren , scholmeister und scholgesellen utgedelet,
werden; und ein jder schal sin egene bestemmede
historienbock ut der bibel hebben, und in der
weke men einmal interpreteren und datsulve ganzs
kortlick, men allene dispositionem textus, locos
communes und circumstantial slicht men judiceren
absque amplificationibus, up dat men sodane pia
und theologia exercitia hebben möge vor de jungen
gesellen und grote jungen, dat se in de hilge
schrift van junger jöget up mögen gevöret und
geövet werden, up dat se der kerken darnha desto
bet denen mögen.
551
Des sonnavendes to tween schal men to
de vesper lüden, und na utwisinge unser Treptowe-
schen ordeninge latinsche vesper gesungen werden
mit psalmen , antiphen, lectionibus, responsoriis,
hymnis und magnificat, collecten etc., wo idt in
der kerkenordeninge gevatet is.
Und darnha schal eine vormaninge gescheen
an de communicanten van der böthe, bicht und
sacrament, und van dem nien godtseligen levende etc.
Und darnha schal ein jder, so tom sacramente
gahn wil, insunderheit vorhöret, underwiset, und
absolvert werden.
Dit schal lickförmich in allen carspelen ge-
holden werden.
Des sondags morgens schöle dat latinsche
singent in alle dreen carspel kerken allene voraff
gesungen werden; den de latinsche metten und
die misse to samende waret alto lange; darum
mot idt van ein ander getagen werden: to S. Nico-
laus und to S. Jacob to VI; to Marien vor der
predige des catechismi, alse psalmos, antiphen,
responsorien, te deum laudamus etc. latin effte
dudesk.
Overst in S. Nicolaus und S. Jacobs kerke
schal eine lection ut der bibelschen historien van
den schölern latin und dudesk gelesen , und van
dem, welckerm idt de pastor bevelet, kortlik ut-
gelecht werden; darup einen dudeschen psalmum.
Hirnha schal intervallum geholden werden,
dat die kinder mögen to hus gahn und ' sick
wermen.
Haiwege achten schölen de schöler wedder to
chor gan und einen latinschen introitum under-
wilen singen, edder einen dudeschen psalmum,
Gelavet si der here van Israel etc., ut deper
noth etc., Erbarme di miner etc., edder sunst einen
andern.
Darnha III kyrie und: Gloria in excelsis,
und: Alleine godt in der högede etc.
Die collecte und epistel dudesk.
Nha der epistel dat vader unse, die tein ge-
bade, Ick röpe to di etc., edder sunst fine bede
psalmen; und up winachten, paschen, pingsten
die sequentien mit dudeschen leden van den
festen.
Dat evangelium düdesk.
Wi geloven; underwilen: Patrem etc.
Die sermon bet halwege tein.
Nha dem sermon de prefation, welche ock
underwilen nha legenheit. der tidt moge utgelaten
werden, und angefangen mit deme vader unse;
und de wort des hern alle tidt düdesk ge-
sungen. '
Up de feste Sanctus agnus dei underwilen
gesungen, und up de andern tide dudesk: Hilich
is godt de vader, und wo idt ock doctor Martinus
ut deme propheten Esaia vordudeschet hefft.
Under der communion singet men dudesk:
Jesus Christus, unser heiland; Godt si gelavet etc.
und dergeliken; darnha de collecte und bene-
diction.
Namiddage umme seiers ein scholen in
allen carspel kerken vesper gesungen werden: to
S. Jacob nha dem sermon (diewile de sermon to
XII werd) und to S. Nicolaus vor deme sermone,
welker volgen schal umme seiers twe, und darnha
eine dudesche vesper, dat is ein dudesk hymnus
und magnificat; to Marien överst schal de sermon
gescheen to einem, und de vesper darnha. ln
S. Johannis kloster geschut de sermon nha dreen
bet viren.
Des werkeldages schal in allen kerken
vor deme sermone ein psalmus mit einem antiphen
gesungen werden, und III lectiones to latin und
eine dudesk ut der materien, die men predigen
werd, gelesen; darnha benedictus mit der antiphen.
Und wen se den dudeschen psalmum mit der
kerken gesungen hebben, so scholen de kinder
wedder in die schöle gahn; allene wen de catechis-
mus repetert werd, so scholen se bliven.
Und wer ser gut, dat die schöler halweg VII,
wen de ander puls geludt werd, to chor gingen
hir to S. Nicolaus, up dat die sermon ehr mochte
angefangen werden, und up den slach VIII ge-
endiget, umme mennigerlei orsake willen.
In den anderen carspelen to Marien und to
S. Jacob könen ock de schöler wol ehr to chor
gan und voraff singen mit der wise, wo vör an-
getöget, up dat de sermon up de rechte klock-
stunde sick endigen muchte. Des namiddages
överst schal allene to S. Nicolaus, diewile de grote
schole dar is, umme seiers II die korten vesper
psalmen mit den antiphen gesungen werden und
lectiones latin, dudesk, kortlik gelesen und ut-
gelecht. werden; darnha magnificat edder Nunc
dimittis, mit antiphen, collecte und benedicamus
geendiget werden. Oeverst dit singent, lesent und
interpreteren schal over anderhalff verndel van
der stunde nicht vorlenget werden; und so ock
de superintendens wat lesen wolde, so konde idt
up de stunden gescheen.
Und de interpretation schal under den pre-
digeren , scholmeister und scholgesellen utgedelet,
werden; und ein jder schal sin egene bestemmede
historienbock ut der bibel hebben, und in der
weke men einmal interpreteren und datsulve ganzs
kortlick, men allene dispositionem textus, locos
communes und circumstantial slicht men judiceren
absque amplificationibus, up dat men sodane pia
und theologia exercitia hebben möge vor de jungen
gesellen und grote jungen, dat se in de hilge
schrift van junger jöget up mögen gevöret und
geövet werden, up dat se der kerken darnha desto
bet denen mögen.