Evangelische Kirchenordnungen des XVI. Jahrhunderts

Die Ordnungen bis zur Teilung der Herzogtümer 1544

Ethimologia, darna yn der Syntaxi, Darna yn der
Prosodia, unde dat me se wedder anheve, wenn
solckes uth ys, dat se ock de Regulen buten leren
etc.
Epistoled, Carmina, Comedie
De dar tho düchtig syn, scholen alle weken Episteln
edder Carmina ynbringen na erem Vorstände. Unde
schollen yo alle dartho flitig geholden werden, dat se
latin reden unde de Preceptores mit ene, also vele
alse ydt mögelick ys. Item, ydt ys ock eine gude
övinge, Dat men se Comedien speien lett edder et-
like nütte Colloquia Erasmy.
Wo averst de Schole Personen yn de Locae unde
stunden vordelet mögen werden, dat schal dem
aversten Magistro bevalen syn, de wert de gelegen-
heit wol anseen. |P 3v|
Morgen sanck unde vesper sanck
Des werckeldages tho negen edder van Symonis
unde Jude beth up Purificationis na negen schal ein
yüwelick Pedagogus mit synen Karspelkindern ghan
yn de Kercken unde singen, alse de ordeninge uth-
wiset. Desgeliken ock des Avendes tho veeren edder,
van Sünte Symon Juden beth up Lichtmissen, halve
wege tho veeren, uthgenamen de hilligen avende.
Wente up den hilligen avendt schal de vesper Sanck
gescheen up gewöntlike stundet
De Pedagogus schal de kinder eerlick by paren de
strate ane varlicheit entlanck fören uth der Scholen
und na dem sänge eerlick laten uth der Kercken yn
erer Oldern hüse ghan, so wol des middages als des
avendes.

d A, B: Epistele.
e A: Loco, B: Loca.
f A: stunden, B: stunde.
381 Hier: Freizeit.

Middewekens övent unde Fryst381
Des Middewekens up alle benömede stunden vor-
middage schal gescheen eine gemene Repeticio yn
allen Locis van eren gehorden Lection. Des midda-
ges schollen de schöler vorlöff382 hebben, Also dat se
ock nicht dörven Vesper singen. So können de Schol
gesellen ein mal rouw hebben, wat sonderlikes tho
studerende. Solck ys ock den kindern gudt, dat se
nicht averdratig tho der lere werden unde desto fri-
scher des andern j P 4r | dages wedder hen ankamen.
Doch dat solcke tid noch mer nütte sy, schal me den
yungen materie upgeven tho makende Episteln ed-
der Carmina unde de yn der andern weken darna
ynthobringende etc., Ock baven alle ding se dar tho
holden, dat se yo latin reden unde sick nicht gewen-
nen tho Köken latin, so fro alse mögelick383.
Sonnavendes lere unde Frist
Des Sonnavendes den gantzen dach aver up de be-
nömeden Schole stunden beth tho der vesper schal
me en flitich leren vorstaen den Cathechismum, Dat
ys Christlike underrichtinge der Tein gebod, des Ge-
lovens, des Vader unses, der Sacramenten etc., Den
vorstendigen yungen averst wat uth dem Latini-
schen Nyen Testamente edder etliken lichten
Psalmen edder Proverbiis Salomonis, doch nicht
schwares na erem Vorstände, Mattheum, den Evan-
gelisten, Grammatica, twe Epistolas tho Thimo-
theo, eine thom Tito, de erste Johannis etc.384
Wat wy mer geordenet, gesettet unde bewilliget
hebben mit dem Capitel tho Schlesewick, vam Bis-
schope, Stiffte unde Capittel darsulvest, darvan
hebben wy gestehet unde gegeven einen besonderli-
ken Breff, Welckeren wy van worde tho worde hyr-
na setten, unde Folget also: |P 4v|

382 Urlaub.
383 Vgl. oben auch den Abschnitt „Epistole, Carmina, Co-
medie“.
384 Melanchthons „Unterricht der Visitatoren“, Sehling,
EKO 1, S. 173.

126