Evangelische Kirchenordnungen des XVI. Jahrhunderts

Agende 1565

Na der predige.

[Mt 9, 1-8]

Almechtige, ewige Godt, de du dorch dynen Sonn
Jhesum Christum dem gichtsecken 13a mynschen an
liff und seel heffst gnedich helpen laten, ick bidde
dyne gruntlosen barmharticheit, sy my ock gnedich
und vorgiff my alle myne sunde, sterke myne geloven
dorch dynn wort und hilligen Geist und leyde my
also, datt ick nicht dorch grote sunde tor krankheit
und anderen ungeluck orsack geve, sunder in dyner
frucht my erholde und also van tydtlichen und ewi-
gen tronn [!] und straffe erleddiget 14 werde. Amen 15.

De epistel to denn Ephesern am IV. [22-28].

So legget nu van juw aff na dem vorigen wesende
denn olden minschen...

Am twintigesten Sondage.

Gebett vor der predige.

Leve Godt, hemmelsche Vader, wy bidden, vor-
giff dynen denern gnedichlich ere sunde, vorlene uns
frede, dat wy van allen wedderwerdicheit erloset,
mit fryem und frolichem herten dy denen, dorch Jhe-
sum Christum, dynen leven Soenn, unseren Heren.
Amen 16.

Na der predige.

[Mt 22, 1-14]

Herr Godt, hemmelsche Vader, ick danke dy vor
dyne grote barmharticheit und gudicheit, dat du my
to dynen levem worde up de froliche hochtydt
kamen laten und dorch dynen Soenn my alle myne
sunde vorgeven heffst. Dewyl averst der dachlichen
anfechtingen, ergenis und vahr so vell is und wy
vor uns sulvest seher swack und to sunden heftich

13a = gichtbrüchigen, gelähmten; vgl. Lasch und
Borchling II, 111.

14 = frei; vgl. Lasch und Borchling I, 597.

15 Kollekte Veit Dietrichs zur Predigt über das Sonn-
tagsevangelium, Kinderpostille; vgl. J. T. Müller,
aaO.280; O. Dietz, aaO. 80.

16 Vgl. Missale I, fol. CXVIII v/CXIX r (Dominica
XX., collecta).

17 Kollekte Veit Dietrichs zur Predigt über das Sonn-
tagsevangelium, Kinderpostille; vgl. J. T. Müller,
aaO. 283; O. Dietz, aaO. 81.

18 Vgl. Missale I, fol. CXX r (Dominica XXI., col-
lecta).

geneget synn, bitte ick dy, du woldest dorch dynen
hilgen Geist my vor allen fall behoden und ock, wo
ick falle und also mynn kledt, welckes dynn leve
Sonn Jhesus Christus angetagen hefft, besudle, gne-
dich wedder uphelpen und my to rechten bote und
waren geloven up dyne barmharticheit leiden und
in ewicheit nicht synken laten. Amen 17.

De epistel Ephe.V [15-21],

So sehet nu to, wo gy vorsichtigen wanderen...

Ahm eynundtwintigesten Sondage.

Gebett vor der predige.

Barmhartige Godt, hemmelsche Vader, du woldest
uns alse dynn husgesinde alletydt gnedich vor aller
var unde wedderwerdicheit behoden, up datt wy
dorch dyne schutz styll und seker in allen guden
werken dynen namen prysen, dorch Jhesum Chri-
stum, unsern Heren. Amen 18.

Na der predige.

[Joh 4, 47-54]

Almechtige, ewyge Godt, wy erkennen, datt wy
armen sunder synt und deef 19 in dynem register
stann, wy danken dy averst van herten, dat du so-
dane schuld van uns genamen, ock dorch dynen
leven Soenn vorgevinge der sunde, gerechticheit und
ewiges levendes uns heffst togesecht, wy bidden dy,
du woldest dorch dynen hilgen Geist unsere herten
also foren und erwecken, datt wy solche hulpe dorch
dagelicke bede 20 und sunderlich in allen anfechtin-
g[en] bi em socken und dorch eynen rechten, fasten
geloven up syne tosage unde wort gewys fynden und
erlangen und endlich dorch en salich werden. Amen 21.

19 = tief; vgl. Lasch und Borchling I, 417.

20 = Bitte, Gebet; vgl. Schiller und Lübben I, 167;
Lasch und Borchling I, 157f.

21 Der Anfang der Kollekte stimmt mit Veit Dietrichs
Gebet zur Predigt über das Evangelium des 22. Sonn-
tags nach Trinitatis überein (vgl. das Gebet unten),
dann folgt unsere Agende Dietrichs Kollekte zur
Predigt über das Evangelium des 21. Sonntags nach
Trinitatis, Kinderpostille; vgl. J. T. Müller, aaO.
287; O. Dietz, aaO. 82. Gebetsanfang nach Coelius/
Dietrich: Allmechtiger, ewiger Gott, der du durch
deinen Son vergebung unserer sünde, gerechtigkeyt
und ewiges leben uns hast verheissen... — Unser Ge-

117