Evangelische Kirchenordnungen des XVI. Jahrhunderts

Dortmund

Dat Blodt unses Heren Jhesu Christi, vor dyne
sünde vorgaten, beware dyne seele tho dem ewigen
leevende, Amen.
Wenn de dener ydt sülven nympt:
De Licham Christi beware myne seele tho dem
ewigen leevende, Amen.
Dat Blodt unses Heren Jhesu Christi beware
myne Seele tho dem ewigen leevende, Amen.
Bede na der entfanginge des Lichams unde
Blodes Christi
Wat wy, Here, mit dem munde genomen hebben,
dat lath uns ock mit einem reyne, |CLXXVIIIr| ge-
lövigen herten nemen, unde de tydtlike gave werde
uns eine ewige Arsteyde, Dorch Christum, unsen
Heren, Amen.
Ein Ander:
Here, dyn Licham, dat ick genamen hebbe, unde
dyn Blodt, dat ick gedruncken hebbe, hange an my-
nem inwendigen, unde giff, dat nene flecke der un-
döget ynn my blive, welcken de reyne unde hilligen
Sacramente vorquicket hebben, De du leevest unde
regerest, ein Godt ewichlick sunder ende, Amen.
Ander Bede na der Entfanginge vindestu ba-
ven12.
Besluth Gebedt
Lath dy wol behagen, du Hillige Drevoldicheit, un-
sen denst, unde giff, dat unse Bedt unde danckoffer,
dat wy vor den ogen dyner Maiesteten unwerdich
gedan hebben, sy dy angeneme unde uns allen dorch
dyne erbarminge unde den hogen Prester13, unsen
middeler Jhesum Christum, vorsönlick, De dar lee-
vet unde regeret yn Ewicheit, Amen.
Lath uns dancken dem Heren. Alleluia.
Dem sy Pryss, Loff unde Eere. Alleluia.
ICLXXVIIIv|

12 Im „Bedeböck“, fol. 160v-162v.
13 Hebr 4,14-5,10.
14 Dank sagen wir alle, Wackernagel, Kirchenlied III,
S. 550.

Danck segge wy alle Godt, unsem Heren Christo, de
uns mit synem worde hefft vorlüchtet unde uns vor-
löset hefft mit synem Blode van des Düvels gewalt.
Den schölle wy alle mit synen Engelen laven mit
schalle, singet pryss, sy Godt yn der höge14.
De Segen des Volckes
De Here Segene dy unde behöde dy. De Here er-
lüchte syn angesichte aver dy unde erbarme sick dy-
ner. De Here wende syn angesicht tho dy unde geve
dy den ewigen frede15. In dem namen des Vaders
unde des Söns unde des hilligen Geistes, Amen.
Edder Also
Godt sy uns genedich unde barmhertich unde geve
uns synen Gödtliken Segen, he late uns syn ange-
sichte lüchten unde geve uns synen frede, Amen.
Ein ander Segen, Psalm 67 [1-3]
Godt sy uns genedich unde barmhertich unde geve
uns allen synen Gödtliken Segen, he lathe uns syn
angsichte lüchten, dat wy up Erden erkennen syne
Wege. Idt segene uns Godt, unse Godt; ydt Segene
uns Godt unde geve uns synen frede, Amen.
| CLXXIXr |

Thom segen des Presters spreck:
O Here Jhesu Christe, gyff my hüden unde alle tydt
dynen hilligen Gödtliken segen, dar dorch yn my
behödt unde bestediget werde dyn hillige gelove,
leve unde hapninge, dat ick yn mynem ende unde
ym lesten gerichte dynen segen warlick entfae unde
de frucht dynes lydens unde vordenstes mit allen
hilligen ewiglick werde neten, De du leevest unde
regnerest (!) yn ewicheit, ware Godt, Amen.

15 Num 6,24-26.

214