Evangelische Kirchenordnungen des XVI. Jahrhunderts

Dortmund

2. Gottesdienstordnunga
1554
Misse sampt allen Prefatien unde vornemsten stücken der sülven vordütschet

Indroitus
Introitus ys unde schal syn ein Psalm edder ein an-
der Geistlick lavesanck, den men singet, dewile dat
volck yngheit unde sick ynn de Kercke vorsamelt,
dar he ock den namen van hefft. |CLXIXv|
Kyrie Eleyson
Here, erbarme dy unser.
Christe, erbarme dy unser.
Here, erbarme dy unser.
Gloria inn Excelsis
Eere sy Godt ynn der höge. Unde frede up erden
unde den minschen ein wolgefallen.
Wy laven dy. Wy benedyen dy. Wy anbeden dy.
Wy eeren unde prysen dy. Wy seggen dy danck
umme dyner groten eeren.
O Here Godt, hemmelsche Köninck, Godt Va-
der, almechtige, O allerhögeste Here, eingebaren
Söne Jhesu Christe.
Here Godt, Lam Gades, ein söne des Vaders, de
du henwech nimpst der werlt sünde, erbarme dy un-
ser.
De du henwech nimpst de sünde der werlt, nym
an unse bede.
De du sittest thor rechteren des Vaders, erbarme
dy unser.

a Textvorlage (Druck): HAB Wolfenbüttel, Wf 1197.18
Theol., fol. CLXIXr-CLXXIXr. Abdruck: Bier-
mann, Kollektenbuch, S. 76-88.

Wente du bist allene hillich, Du bist allene de
Here, du bist allene de Allerhögeste, Jhesu Christe,
Mit dem hilligen Geiste inn der Eere Gades, des Va-
ders, Amen.
Collecta
De Collecten söke an eren steden1.
Epistola
De Epistolen lese edder singe men na gelegenheit
des dages edder der tydt, na older gewonte ed-
|CLXXr| der süs ein gantz Capitel uth Sünte Pawels
effte der anderen Apostolen Epistolen.
Graduale, Alleluia, Sequentia
Dar vor singe men einen schönen Psalm edder einen
anderen Gödtliken lavesanck na gelegenheit der
tydt tho dütsche, nemlick dar men neen Latyn vor-
steit.
Evangelion
Dat Evangelium holde men ock na gewöndtliker
wyse unde tydt edder ock ein gantz Cap. uth den
Evangelisten.

1 Die Kollekten für die Sonn- und Festtage finden sich im
„Bedeböck“, fol. 1-23v. Vgl. Biermann, Kollekten-
buch, S. 60f. und Anm. 41.

208