Evangelische Kirchenordnungen des XVI. Jahrhunderts

Soest

vor sick; de ordenunge ist des Erbarn, wolwysen
Rades, vor de leer wil ick vormiddelst Gddtliker
hülpe antweren, se bringet eer bewysunge meede.
Nymans see up myn ungelerde yüget und nichtich-
eit, sunder effen up dat wort. Denn vormals ys ock
eyn Groeth Prophete, Bileam, dorch de Eselinne ge-
strafft, Numeri xxii [21-35], Dorch den yunghen
Danielem twe olde boshafftige richter, Danielis xiii.
Capitel25. Ick kan nicht den düvel gnedige Juncker
nümen; war ein schalck und büsewicht gepryset und
gelavet |B5r| wert, dar ys lügen begangen und vor-
handen. Dat ock vele yn dusser navolgender unser

Ordenunge fleeschlike friheit und erreddunge, wo
die Jöden by örem Messia, söken und vorhapen,
mote wy (als den ock die Gergezenos, welck sick
früchten vor tidtliken schaden und vordrenkunge
örer swine, begerich, derhalven den guden Christum
uth dem lande mit synem dürbaren, hilgen worde
tho stöten, Mathei viii. Capitel [28-34]), [uns] Godt
dem almechtigen beveelen, Der uns ynn angehave-
ner syner Gödtliken warheit erkentenisse, Inn guder
eindracht und frede gnedichlick dho bekrefftigen
unde erhalden, Amen. |B5v|

Wedder de swermer

Wo hoch Övertrefflick wy leder yn anvechtunge,
angst, nodt, herteleedt, Jamer, perikel, und nicht
allene tidtlichs noch vorgencklicks belangende, sun-
der meerdeels der eddelen, tzarten nach Gadt gebel-
der zeilen (de nicht dorch sulver, goldt, parlen edder
eddel gestein, överst mit dem dürbaren, rosenvar-
ven, utgegaten blode unserens gnedigen, leven He-
ren, Stridtfforsten und Heilandes Jhesu Christi wed-
dergekofft, gereiniget, gehilget und gewasschen) tho
ewigem vordarve gereeket, dorch de ellenden, un-
weten Pilerpapen, Muylenschrapers26 und Buc-
knechte edder kokenpredikers syn geleidet und ge-
vört, errynnert uns kein loser waen, sunder hell an
dach gestelt, beweynender ervarenheit undrechliger
schade. War dorch ein Erbar, walwise Radt sampt
Ampten und gantze Gemeyn marcklick verorsaket,
eindrechtigen (als kinderen Gades egentlick) Inge-
gan, bewilliget und geslathen nu vorthen tho ewigen
dagen keinen vorleder, egenkoppigen deeff und mor-
der (wy se Joan. am x. Capi. [1] genompt werden)
noch valsschen, hillich schinenden Propheten, van
welcken Mathei am vii. [15] geschreven, Sectenma-

ker, Rotten noch Swermergeest, so wedder dat
Hochwerdige Testament des lives und blodes unsers
Heren Jhesu Christi edder des grusamen, erschreck-
liken, wedderdopisschen lasters vorgifftiget, wed-
| B6r | der tho prediken noch tho leren, Ja, so wyth
und veer ein Erbar Raedt tho gebieden, keyn har-
berge noch rum edder zekerheit schal gestadet und
vorgundt werden.
Offt ock bynnen edder buten Rades, Geestlick
edder wartlick, Borger edder Buyr, nymans uitge-
scheden, genömpter lasterunge der Swermerisschen,
Sacramentisschen, Wedderdöpisschen vervörunge
druncken, heemlick van den gefadderen des hel-
schen Sathans (den sulcke weten sick haveslick mit
gesmuckten wörden, subtilen reden, frontliken leven
und wesen schon putzen, ene Engelische gestalt an
sick nemen, wo der hilge Paulus sprickt27) vorleidet
weer, dar Inne wolde vorharden, synen ardome vor-
mant, nicht affstaen, schal gelickformich synen
Meestern gestraffet werden, guden frede und enich-
eit Im geloven tho erhalden.

Van guden Predicanten thoverschaffen

Dat ydt kein kinderspeel noch geringe moie sy, gu-
den, Erfaren, Christlike predicanthen tho erlangen,
ist lichtlick uth den worden und beveel Christi tho
25 AddDan 1,5-62.
26 Schlemmer, vgl. Jostes, Daniel von Soest, S. 397.

vaten, dewyle he uns klar uthgedruckt, wy schollen
mit ernste den Heren der arne bidden um arbeders,
In syn arne tho schicken,28 verwar hedde frow kun-
27 2Kor 11,13-14.
28 Mt 9,38; Lk 10,2.

392