Evangelische Kirchenordnungen des XVI. Jahrhunderts

1. Kirchenordnung 1564

Up Winachten beth up Purificationis:
Help, leve Here God, dat wy der niggen lijffliken
gebort dines leven Sons deelhafftich werden und bli-
ven und van unser olden sundtliken geborth erledi-
get werden d6rch den selvigen dinen Son Jhesum
Christum, unsen etc.
Up Purificationis oder Lichtmesse:
Allmechtige, ewige God, wy bidden dyck hert-
lick, giff uns, dat wy dynen leven Son erkennen und
prisen, wie de hillige Simeon48 en lijfflick in de arme
genomen und geistlick geseen und bekant heft,
d6rch den selvigen dynen Son Jhesum Christum,
etc.|36r|
Up Annunciationis Mariae:
0 Here God, Hemelsche Vader, de du dynen ewi-
gen, eingeboren Son dörch verkundiginge des Engels
in Marien lijff vam hillgen Geiste heffst wollen laten
entfangen werden, Wy bidden dick, dat wy dersel-
vigen entfencknüsse unnd menschliken natur unnd
alles vordenstes, so he in syner menscheit unnd
gantzem wandel up erden erworven heft, geneten
und deelhaftich werden, dörch den selvigen etc.
Vam Liden Christi:
Barmhertige, ewige God, de du dines einigen
Sons nicht verschont hefst, sundern vor uns allen
darhen gegeven, dat he unse sünde am Crütze dre-
gen solde, Vorlene uns, dat unse herte in sölckem
geloven nümmer mehr erschrecke noch vertzage,
d6rch denselvigen dynen S6ne, Jhesum Christum,
unsen etc. |36v|
Up Ostern beth up Hemelfarth:
Allmechtige God, de du dorch den dod dynes
Sons de sünd unnd dod thonichte gemaket unnd
d6rch syne upstandinge unschuldt unnd ewig leven
weddergebracht heffst, up dat wy, van der gewalt
des düvels erlöset, in dynem Rijke leven. Vorlene
uns, dat wy sölckes van gantzem herten gel6ven und

0 Si alio die ista collecta recitetur, omittenda erit haec par-
enthesis.

in s6lkem geloven bestendich dick alle thijt loven
und dy dancken dörch den selvigen dynen Son etc.
Up Hemelfarth:
Allmechtige Here God, vorlene unns, de wy ge-
l6ven, dat dyn einiger Son, unse Heilandt, sy hüde
tho Hemel gefaren, dat ock wy mit em geistlick im
geistliken wesen wandeln und wonen, D6rch den sel-
vigen dynen Son etc. |37r|
Up Pingsten:
Here God, leve Vader, de du (an düssem da-
ge)5 dyner gelüvigen herten dorch dinen hilligen
Geist erlüchtet und geleret hefst, giff unns, dat wy
ock dorch den selvigen Geist rechten verstand heb-
ben unnd tho aller thijt synes trostes und kraft uns
freuwen d6rch dinen Son Jhesum etc.
Up TYinitatis:
Allmechtige, ewige God, de du unns gelert hefst,
in rechtem geloven tho weten und tho bekennen, dat
du in dren Personen gelijker macht und ehren ein
einich, ewich God und darvor anthobeden bist, Wy
bidden dick, du wollest uns by sülkem geloven all-
thijt fast erhalden wedder alles, dat da jegen uns
mach anfechten, de du levest und regerest van
ewicheit tho ewichheit, Amen. |37v|
Up Johannis [24. Juni] und Visitationis [2. Juli]:
Here God, Hemelsche Vader, de du de Mensch-
werdinge und ampt dynes leven Sons, unses Heren
Jhesu Christi, allso verordnet heffst, dat syn tho-
kümpst und jegenwordicheit van Sanct Johanse sol-
de verkündiget unnd angetüget werden49, de en ock
in moderlyve erkant und mit hüppen gewisen
heft50, giff, dat wy, wat Johannes gelert hefft, nicht
alleine gelüven, sundern ock mit der dath fullbren-
gen und de jegenwordicheit unses Heilandes Jhesu
Christi in unsem herten f6len unnd ewichlick behal-
den, d6rch denselvigen dynen Son, unsen Heren etc.

48 Lk 1,25-35.
49 Mt 3,1-12; Mk 1,2-8; Lk 3,1-18; Joh 1,29-34.
50 Lk 1,41.

529