Evangelische Kirchenordnungen des XVI. Jahrhunderts

Neuenrade

Up Pingsten
Nu bidde wy den hilligen Geist95
Um den rechten geloven allermeiß,
Dat he uns behöde an unsem ende,
Wan wy heimefaren uth düssem elende, Kyrio-
leis.
2. Du werde licht, giff uns dinen schijn,
Ler uns, Jhesum Christ erkennen allein,
Dat wy an em bliven, dem truwen Heiland,
De uns gbracht heft tho dem rechten Vaterland,
Kyrioleis. |66v|
3. Du söte leve, schenck uns dyne gunst,
Lath uns befinden der leve brunst,
Dat wy uns van herten einander leven,
Im rechten frede up einem sinne bliven, Kyrio-
leis.
4. Du högste tröster in aller not,
Help, dat wy nicht früchten schand noch dod,
Dat in uns de sinne nicht vertzagen,
Wan de viend dat leven wert verklagen, Kyrio-
leis.
De Tein Gebode
Dit sint de hillgen Tein Gebodt96,
de uns gaff unse Here Godt
DÖrch Mosen, sinen dener truw,
Hog up dem berge Sinai, Kyrioleis.
2. Ick bin allein din God, din Herr,
Nene GÖde saltu hebben mehr.
Du salt my gantz vertruwen dick,
Van herten grunt leven mick, Kyrioleis.
3. Du salt nicht förn tho unehrn
Den namen Godes, dines Hern.
Du salt nicht prysen recht noch gut, |67r|
On wat God selvest redet und döth, Kyrio.

95 Siehe oben, Anm. 63.

4. Du salt hillgen den sevenden dag,
Dat du und dyn huß ruwen mach.
Du salt van dinem don laten aff,
Dat God syn werck in dy schaff, Kyrio.
5. Du salt ehrn und gehorsam syn
Dem vader und der moder dyn.
Und wa dine hand en denen kan,
So werstu ein langk leven han, Kyrio.
6. Du salt nicht döden törniglick,
Nicht haten noch sülvest wreken dick,
Gedult hebben und einen sachten moth
Und ock dem viende don dat güde, Kyri.
7. Din Ehe saltu bewaren rein,
Dat ock dyn herte neen andre mein
Und halden küsch dat leven dyn,
In tucht und meticheit fyn, Kyrioleis.
8. Du salt nicht stelen gelt noch gut,
Nicht wokeren jümandes sweth und bloth.
Du salt updon dine milde hand
Den armen in dinem land, Kyrioleis.
9. Du salt nen falsche tüge syn,
Nicht legen up den negsten dyn.
Syn unschult salt ock reden du |67v|
Und sine schande decken tho, Kyrioleis.
10. Du salt dines negsten wijff und huß
Begeren nicht, noch etwes daruth.
Du salt em wünschen alle gut,
Als dy dyn herte selven döt, Kyrioleis.
11. De gebode all uns gegeven sint,
Dat du dine sünde, 0 menschenkint,
Erkennen salt und leren wol,
Wie man vör Gode leven sall, Kyrioleis.
12. Des helpe uns unse Her Jesus Christ,
De unse Midler worden is.
Eth is mit unsem don verloren,
Verdenen dog idelen torn, Kyrioleis.
96 Siehe oben, Anm. 30.

544