Evangelische Kirchenordnungen des XVI. Jahrhunderts

1. Kirchenordnung 1564

6. Des help uns unse Her Jhesus Christ,
De unse herte buwet,
D6rch rechten glouven und leve up sick,
Dat wy den Vader schauwen,
DÖrch en sampt dem hilligen Geist,
Den düsse wunsche tho herten geet,
Sprecken einmödich: Amen.
De xlvi. Psalm: Deus noster refugium
Eine faste Borch is unse God106,
Eine gude wehr und wapen.
He hilpet uns fry uth aller not,
De uns nu heft gedrapen.
De olde, büse viend,
Mit ernst he eth meint,
Groth macht und veel list
Syn grusam rüsting is;
Up erden is nicht syns gliken.
2. Mit unser macht is nichts gedan,
Wy sint gar bald verloren.
Eth stridet vor uns de rechte man, |78v|
Den God selvest hefft erkoren.
Fragstu, we de is?
He het Jhesus Christ,
De Here Zebaoth,
Und is nen ander God;
Dat feld moth he behalden.
3. Und wan de werlt full düvel wer
Und wolden uns gar verslingen,
So früchte wy uns doch nicht so ser,
Eth sall uns doch gelingen.
De FÜrste düsser werlt,
Wie sür he sick stellt,
Düth he uns doch nicht,
Dat makt: he is gericht,
Ein würtlin kan en fellen.

4. Dat wort se süllen laten stan
Und nenen danck dartho haben.
He is mit uns wol up dem plan
Mit sinem Geist und gaven.
Nemen se dat lyff,
Gut, ehr, kint und wyff,
Lath faren dahen;
Se hebbens neen gewyn;
Dat rijke moth uns doch bliven.
De lxvii. Psalm: Deus misereatur nostri
Eth wuld uns God genedig syn107 |79r|
Und synen segen geven.
Syn anlath uns mit hellem schyn
Erlücht thom ewigen leven,
Dat wy erkennen syne werck
Und wat em levet up erden
Und Jhesus Christus heil und stercke
Bekant den Heiden werden
Und se tho Gode bekeren.
2. So dancken, God, und loven dick
De Heiden 6ver alle.
Und alle werlt, de freuwe sick
Und singe mit grotem schalle,
Dat du up erden richter bist
Und lest de sünde nicht walden;
Dyn wort de h6de und weide is,
De alles volck erhalden,
In rechter ban tho wandern.
3. Eth dancke, God, und love dick
Dat volck in guden daden.
Dat lant brengt frucht und betert sick,
Dyn wort is wol geraden.
Uns segen de Vader und de Son
Uns segen God, de hillige Geist,
Dem alle werlt de ehre do, |79v|
Vor em sick früchte allermeist;
Nu spreket van herten: Amen.

106 Luther: Ein feste Burg ist unser Gott, AWA 4, Nr. 28. 107 Luther: Es wollt uns Gott genädig sein, AWA 4, Nr. 10.

551