Evangelische Kirchenordnungen des XVI. Jahrhunderts

1. Kirchenordnung 1564

Ein ander:
Christ lag in dodes banden92
Vor unse sünde gegeven.
De is wedder erstanden
Und heft uns gbracht dat leven.
Des wy söllen frülick syn,
God loven unde danckbar syn
Und singen Alleluia, Alleluia.
2. Den dod nimand dwingen kond
By allen menschenkindern.
Dat maked alles unse sünd
Neen unschuld was tho finden.
Darvan quam de dod so bald
Und nam 6ver uns gewalt,
Helt uns in sim rijk gefangen, Alleluia.
3. Jhesus Christus, Godes Son,
In unse sted is gekomen.
Und heft de sünd afgedan,
Damit dem dod genomen
All syn recht und syn gewalt,
Dat blivet nicht dann des dods gestalt,
Den prekel heft de vorloren, alleluia.
4. Eth was ein wünderlick krig,
Da dod und leven rungen. |65v|
Dat leven behelt den Sieg,
Eth heft den dod verslungen.
De schrift heft verkündigt dat,
Wie ein dod den andern frat,
Ein spot uth dem dod is worden, Alleluia.
5. Hy is dat rechte Osterlam,
Darvan God hefft geboden.
Dat is an des Crützes stam

In heter leve gebraden.
Des bloth tekent unse dör,
Dat helt de glove dem dode vör,
De würger kan uns nicht rören, Alleluia.
6. So fyr wy dit hoge fest
Mit herten, freud und wunne,
Dat uns de Her schynen leth,
He is selvest de Sunne,
De dörch syner gnaden glantz
Erlüchtet unse herte gantz.
Der sünde nacht is vergangen, Alleluia.
7. Wy ethen und leven wol
In rechten Osterfladen.
De olde surdech nicht syn sall
By dem word der gnaden.
Christus wil de koste syn 166r |
Und spysen de seel allein,
De glove will nenes andern leven. Allel.
Up Hemelfart
Christ for up tho hemel93,
Wat sandte he uns hernedder?
Den Tr6ster, den hillgen Geist
Tho troste der armen Christenheit, Kyrioleiß.
Ein ander, im thon: Erstanden is de hillige
Christ:94
Tho hemel for de hillige Geist,
De aller werlt ein Heiland is.
Alleluia, alleluia, alleluia, alleluia.

92 Siehe oben, Anm. 61. 94 Erstanden ist der heilige Christ, Wackernagel, Kir-
93 Christ fuhr auf gen Himmel, Wackernagel, Kirchen- chenlied II, S. 733-735.
lied III, S. 1165.

543