Evangelische Kirchenordnungen des XVI. Jahrhunderts

Wolfenbüttel

Baven dat me bedorf thom buwende etc.,
scholen van den vicaryen der dömen knaven
in der schole und in den universiteten thom
studio geholden werden, etlike twe jar, etlike
dre jar, etlike lenger na gelegenheit, dat wy
also gelerde lüde uptheen tho denste dem geist-
liken und werltlikem regiment.

Van dissem alle schal eine sunderlike ordina-
tio gestellet, upgerichtet und beschreven werden
in den dömen tho Brunschwig tho gude und
nottroft vor disse brunschwikesche lande.

Van den ceremonien, wo de scholekindere
in den kercken singen und lesen scholen, dat
men se dardorch gewenne und holde tho der
hilgen schrift.

Ein scholgeselle schal des avendes und des
morgendes tho syner tydt mit den kinderen in
de kercke ordentlich gahn und singen, alse hyr
vorordenet is. Darna schal he tho hus tüchtich
gahn laten uth der kercken einen jeweliken tho
synen olderen edder herberge.

Des werkeldages tho achten edder negen sle-
gen scholen de kinder in de kercke gahn. Und
twe van den kindern scholen de antiphen an-
heven. Darna scholen de anderen in twen chören
singen, dat eine vers umme dat ander, dre
psalmen van der metten edder weiniger, wo de
pastor solckes thom besten ansüt, up dat men
de kindere nicht mit langem gesange beswere.
Darna scholen se singen einen octonarium 70a
uth dem psalm Beati immaculati etc. [= Ps 119],
Darna allererst Gloria Patri etc. Darna de anti-
phonen mit dem chore wedder anheven und vul-
len uthsingen.

Wenn dat gescheen is, so schal ein van den
schölern in de stede des capitels eine lection
lesen uth dem nyen testament up latinisch und
also anheven: lectio sancti evangelii secundum

70a Acht Verse, vgl. L. Schoeberlein, Schatz d.
liturg. Chor- und Gemeindegesangs. I, 1865,
S. 550.

71 Die Solmisationssilben bedeuten die Töne
g g g a g f f.

Matthaeum, capite primo. Und de beslut der
lection schal uthgahn, alse men de prophecien
plegt tho endigende:

Sol Sol Sol La Sol Fa Fa 71.

Darna balde noch ein junge und na deme de
drüdde junge scholen ock so lesen, överst seer
kort, kume twe edder dre regen. Wente de kin-
dere schal men nicht besweren, dat se sick also
thor hilligen schrift gewennen mit spelgaende
und mit luste. Darna schal de verde junge dü-
desch lesen, wat de andern latinsch hebben ge-
sungen, doch bescheidentlick, alse men ein evan-
gelion vam predigstol lest, dat werd grote frucht
den kinderen bringen.

Na der lection schal men singen Benedictus 72
mit syner antiphonen. Doch dit alle na gevalle
des kerckheren. Overst na sülckem alle vallen
de kindere up ere knye und seggen: Kyrie
eleison, Christe eleison, Kyrie eleison. Pater no-
ster etc.

Darna segge ein predicante: Ostende nobis
Domine misericordiam tuam. Dem antwerdet dat
ganze chor: Et salutare tuum da nobis. Dominus
vobiscum, mit einer collecten. Thom latsten sin-
gen de kindere: Benedicamus Domino 73 etc.

So ock etlike gefunden würden, de sick willen
berichten laten umme sunderliker orsaken wil-
len, so mögen se dat dohn na der predige vor
dem altar, doch one kerckengeprenge, nicht
anders denn alse men den kranken dat sacra-
ment im huse gifft. Overst dar schal apenbar
nodt vorhanden syn, up dat sülcks nicht uth
verachtinge des gemeinen aventmals Christi ge-
schehe.

In densülven werkeldagen, wenn de klocke
twe edder dre hefft geslagen und thor vesper
gelut werd, mach men dre edder weiniger ves-
perpsalme singen na dem thone der antiphonen,
doch schal men den octonarium den nicht singen.

72 Vgl. Breviarium Rom, Ordinarium divini Offi-
cii ad Laudes. Pars Verna S. 12 f„ Pars
Aestiva S. 8 f., Pars Autumnalis S. 8 f„ Pars
Hiemalis S. 10 f. — Vgl. dazu Luther, Deut-
sche Messe, 1526. Sehling 1,13.

73 Vgl. ibid. P. Vern. S. 15, P. Aest. S. 11, P.
Autumn. S. 11, P. Hiem. S. 13.

50