Evangelische Kirchenordnungen des XVI. Jahrhunderts

Kirchenordnung 1528

predickstole üth eynem boke lesen düdesch van
örde 72 to ende de passie des Heren, tosamende
gebrocht üth den vehr evangelisten. He schal
overs anvangen van deme, dat gescreven is, wo
de Here is uthgegän över de beke Kidron up
den Olienberch etc. unde lesen slicht den text
fyn klar, beschedelick unde vorstendlick, bet up
de historie der upstandinge des Heren. He mach
wol anheven mit disseme titele: Dit is de passie
edder dat liden unses Heren Jesu Christi, alse
de vehr evangelisten dat hebben bescreven. Dön
unse Here Jesus Christus mit synen jungeren
na deme aventetende den lavesank gespraken
hedde, gink he uth, alse he plach to dohn, över
de beke Kidron an den Olieberch, unde syne
jungere volgeden em na. Done sprack he to en:
In disser nacht werde gy ju alle ergeren an my
etc.

Sulck is deme volke nutte mehr, wen done
me de passie lude sank, unde de prestere gin-
gen darvan, de leyen overs vorstunden id nicht.
Unde schal geschehn in allen paren. Sulck lesent
overs wert wol eyne gude stunde waren.

Darna schal de predicante vamme lidende
Christi leren unde vormanen eyne halve stunde
lank, dat is genöw. Wente dat unlustige lange
passienpredigent, alse me plach to dohn, is nicht
nutte.

Up den namiddach in etliken kerken unde up
den avent to Sunte Otilien unde imme grauen
klostere kan me wol mehr seggen van den
stucken der passien, ock des anderen dages up
den morgen unde under der vesper, ock is
sus in den vorigen dagen geprediget van etliken
stucken uth der passien. Mit sulker wise wert
nutlick de ganze passie üth den vehr evange-
listen vohrgedragen.

So etlike na der passien in stillen Frydage
willen communiceren, so geve me dat sacra-
mente, alse me plecht des Sundages na der
predige, wowol dat up den dach de missensank
unde geprenge vor der predige nicht geholden is.
De gepredigede passie is eyn gut geprenge tome

72 — Anfang.

communiceren. Wente Christus secht [Luk 22,
19; 1. K 11, 24 f.]: Sulck doht to myner gedecht-
nisse, dat is, alse Paulus secht [1. K 11, 26], vor-
kundiget mynen döt etc.

In dem Paschen schal de ganze historie van
der upstandinge Christi deme volke vohrgedragen
werden, de mögen de predicanten up den mor-
gen, middach unde avent in den dren vyrdagen
dehlen, deme volke to troste unde guder lere,
wo se willen, ock etlike dexte darvan sick be-
waren to predigen up de werkeldage in won-
liken stunden bet up den Sundach.

Van anderen tiden.

Up disse wise is id ock gut, den leyen de
historie slicht vortolesen, ehr me dat evange-
lion uthlegge, in andern festen, alse in deme
Winachten de historie Luce 2, in des Heren
hemmelvart Act. 1, up Pynxten Actor. 2 etc.,
ock dat me vakene in den predigen historien
uth deme olden unde nyen testamente invöre,
wente sulk leret sere wol dat gemeyne volk
etc.

Van der predige im vastelavende. 73

Up guden Dunredach unde in deme Paschen
hefft me stedes sunderge tidt unde örsake ge-
hat, to predigen vamme sacramente unde bicht;
sulk is gut, so verne dat volk werde vormanet
vlitich mit Gades wörde, dat nemand tome
sacramente ga umme der tidt willen edder
umme des pavestes gebades willen. Wente sulk
is wedder Christus bevehl, welk bevehlet, va-
kene, nicht alleyne up Pasclien, so me wil, to
eten syn lyff unde to drinken syn blut imme
sacramente to syner gedechtnisse. Sulk schal
ock vakene geprediget werden unde kumpt to
predigen imme catechismo. Is doch gut, alse
gesecht is, dat des jares alle man up eyne
sunderge tidt wete up sulk eyne predige to
wärden, besundergen up de tidt, alse Christus
dat sacramente hefft ingesettet.

73 = Fastnacht.

47 *

379