Evangelische Kirchenordnungen des XVI. Jahrhunderts

Kirchenordnung 1528

gen capitele [1. K 10, 16]: Dat bröt, dat wy bre-
ken, is dat nicht de gemeynschop edder sampt-
netinge des lives Christi? Unde secht nicht: de
gemeynschop des lives unde bludes Christi. Item
de kelk der benediginge, den wy benedien, is
de nicht de gemeynschop edder samptnetinge des
bludes Christi? Unde secht nicht, de gemeyn-
schop des bludes unde lives Christi. Darumme
alse tovoren gesecht is, leret dar Paulus de Chri-
stene, dat se nicht to den düvelstafelen unde
kelken gan, darumme dat se plegen dehlhaftich
to syn der tafelen unde des kelkes des Heren.
Den Christenen is hyr bevalen, lyfflick to eten
van disseme brode des Heren unde lyfflick to
drinken van disseme kelke des Heren; darumme
hefft he ock bröt unde wyn darto genamen. Dar-
wedder kan neyn christlick herte vechten.

Worumme vorbut me doch den leyen den kelk?
Secht doch Christus vamme kelke also: Disse
kelck is eyn nye testamente in myneme blude,
dat vor ju vorgaten wert to vorgevinge der sun-
den. Hören de leyen nicht ock tome nien testa-
mente, dat is, tor vorgevinge der sunden? Is dat
blut Christi ock nicht vor se vorgaten? Scholen
se sulcks ock nicht gedenken unde bekennen,
alse hyr Christus mit sulkem drinkende des
eyne gedechtnisse bevehlet?

Noch mehr: Christus hefft hyr ingesettet
eyne gedechtnisse synes dodes, alse Paulus ock
secht. De gedechtnisse overs synes dodes wert
uns klarer imme sacramente der blutvorgetinge
imme kelke vohrgelecht wen imme sacramente
des lives, wowol de beyden tosamende eyn sa-
cramente synt. Syn lyff is vor uns nicht slicht
gegeven, sonder also dat. syn blut vorgaten is.
Wat hebben doch de armen leyen sundiget, dat
se in disseme sacramente de gedechtnisse des
dodes Christi nicht möten holden alse Christus
bevalen hefft?

Id is neyn wunder, dat in disseme stucke de
düvel mit synen gesellen sick so hart wehret,
wente wen de wörde unde institutio edder

80 = Missa cantata.

bevehl Christi van disseme sacramente recht an
den dach kamen unde wol uthgelecht werden,
dat me vorsteyt den rechten gebruck des sacra-
mentes, so is ock dat ganze evangelion wedder
imme lichten, alse tovoren gesecht is, unde de
paperye unde monnekerye wert dunne werden.
Darumme, leven heren, wehret mit gewalt, de-
wile gy Gades wört nicht hebben, solange alse
gy konen, gy hePnen eynen harden vyent, dar
gy wedder vechten, de het Christus lapis offen-
sionis et petra scandali [vgl. Jes 8, 14; Rm
9, 33; 1. Petr 2, 7 f.], varet flux vört, so stote
gy jue harden koppe deste ehr entwey. De
klare warheit maket ju to schanden. Gnade be-
geren were vele beter.

Tom söveden: Christus spreckt: Sulk doht to
myner gedechtnisse, dat is, alse Paulus ock uth-
lecht, vorkundiget mynen döt, van welker vor-
kundinge tovoren gesecht is. Darmede werden
ock neddergelecht de winkelmissen, dar nichts
wert gehöret, ick swige denne vorkundiget. Ja
ock in den sankmissen 80 (ane dat se latinisch
synt, dardorch uns leyen ock nichtes vorkun-
diget wert), wen dat sacramente gehandelt schal
werden, so maken de papen eyn silentium
daruth, dat is eyn swigent edder eyn stil-
nisse 81, dat wol heten mach eyne stille misse.

Dat is eyn unlidelick misbruck nicht alleyne
darumme, dat id bevunden is, dat etlike papen,
de nicht gerne misse helden, nicht consecreret
hedden, unde wat etlike gedän hebben, dat möt
me sick by anderen, wen se ock dat nicht dohn,
befruchten, dewile de sake so heymelick togeyt,
sonder ock darumme, dat, wen se ock alle dynk
uthrichten na örer wise, ick nichts darvan wet,
wente ick hebbe dar nichts gehöret unde myn
love schal sick nicht up den dener der sacra-
mente vorlaten, sonder up Christus wört unde
bevehl, worumme let me my dat nicht hören?

Hefft doch Christus so heymelick dat sacra-
mente nicht gegeven, sonder apenbar geredet
to synen jungeren, wat hedden se anders dar-

81 Vgl. Röm. Meßb., Canon Missae, Wandlung,
S. 475 f.

54

433