Evangelische Kirchenordnungen des XVI. Jahrhunderts

Braunschweig

unrecht. De apostele wusten wol, dat sulks Chri-
stus mit gebaden to bestrickende nicht bevalen
hedde.

Wowol nu dat ick up dit mäl nicht darto ga,
so vorachte ick id doch nicht, unde wen neyne
communicanten dar weren, so scholde me umme
myn.es tosehndes willen nicht misse holden,
wente dar wil ick nicht by syn, dar dat sacra-
mente nicht gebruket wert na Christus bevehle.
Dewile overs ick bun, dar communicanten synt,
de des sacramentes recht bruken willen, so vele
alse minschen uth Christus bevehle richten ko-
nen, worumme scholde ick nicht in der kerken
syn? Bun ick doch nicht eyn Jöde edder heyden
edder uth myner gemeyne van mynen christe-
nenbroderen vorbannen. Ick wil overs nicht
myck todrengen unde vorhinderlick syn den
communicanten, de sunderlick by deme altare
vamme volke scholen afgescheydet syn, dartho
de chöre wol denen van oldes, ehr dat vele sin-
get upquam, dartho gemaket, sonder ick wil
stän, dar ick nemande hindere, unde kan ick dat
sacramente nicht sehn, so wil ick my nicht be-
kummeren darumme, sonder wil id doch hören,
wente dar höre ick myne salicheit, dat ganze
evangelion, alse tovoren gesecht is, unde holde
ick up dit mäl mit den communicanten, dat is,
mit mynen leven broderen, de tome sacramente
gän, nicht de uthwendige communicatio, dat is
de gemeynschop edder samptnetinge des sacra-
mentes, so wil ick doch mit en holden de uth-
wendige commemoratio, dat is, de gedechtnisse
odder vorkundinge des dodes des Heren, unde mit
en bekennen Christus blut, beden, singen, laven,
lesen unde predigen van der bermherticheit Ga-
des, unses leven Vaders, dorch Jesum Christum,
unsen Heren, vor uns in den döt gegeven.

De commemoratio, dat is, de gedechtnisse ed-
der vorkundinge unde bekentnisse Christi unde
synes dodes schal stedes by den Christenen syn,
ock wen me nicht geyt tome sacramente, wat
wolden se beter predigen edder predigen hören
edder undereynander bekennen unde sick vor-
manen? Wo lös 90 overs unde wo träch wy to tiden

90 = lässig.

darto werden, wuste Christus wol, darumme
richtede he uns so gröt eyn sacramente tho,
darby de gedechtnisse wedder kreftich in unser
selschop anginge, alse by uns id ock imme
swange geyt, wen wy des Sundages tosamende
kamen.

Darumme id ock nicht gut is den predican-
ten des evangelii, sick lange van disseme sacra-
mente to entholden. Wy weten wol, dat wy
nicht stedes angebunden synt an dat sacra-
mente, overs wat uns gut is, wet Christus beter
wen wy, wy ervaren id ock, dat wy ringer lust
tome sacramente hebben (dat doch Christus uns
bevalen hefft), jo wy lenger darvan bliven.

Also kan unde mach de commemoratio ge-
schehn ane de communicatio, dat is ane misse
edder sacramente. De communicatio overs schal
ane de commemoratio nicht geschehn. Wente
so hefft Christus bevalen.

Mit sulker wise mach ick wol syn, dar myne
brödere communiceren, wil doch to rechten
tiden ock tome sacramente gän, dat ick anderen
neyn exempel geve, to sterken öre unrechte
meyninge, de stedes na deme sacramente ka-
pen 91 willen unde nümer eten unde drinken,
ane velichte kume eynmäl des jares van ge-
wanheit edder ock van schemede wegen, dat me
se nicht vor unchristen holde.

Tome negeden: Wo denne mit den kranken?
Schal me de ock alleyne communiceren? Ant-
wert: Nöt hefft eyn sunderich recht, so verne
dat Got sulks nicht vorbaden hefft. Wen etlike
hastich darnedder vallen unde hebben des Sun-
dages mit uns tome sacramente gegangen, so
laten se sick daran benögen unde bevehlen Chri-
sto ören geyst. Begeren se overs denne ock dat
sacramente, also ock andere hastige kranken,
de nicht kortes tome sacramente hebben gewe-
set, so geve me id en, wente se hören in unse
gemeyne unde gedenken uns nu gude nacht to
seggen, dat se nicht wedder kamen willen in
unse lyfflike uthwendige gemeyne up erden.

Dat schal so togan: De predicante schal to-
voren vornamen hebben uth der bekentnisse

91 = gaffen.

436