Evangelische Kirchenordnungen des XVI. Jahrhunderts

Lüneburg

derglichen hirinne unversehen fellen na gelegen-
heit und umbstenden der saken und personen
tho handelen und tho erkennen hebben.

Demna dan etliche lichtferdige wivespersonen
ohre kinder hemlich geberen, welchs ane dot-
liche gefar der kinder nicht geschehen mag, und
dan de kinder heimlich bi bringen, edder so se
betreden werden, forwenden, als scholden se
mit der gebort overilet sein worden, solche hin-
derlistigkeit und unminschliche ovel und mord
sovel moglich vorthokomen, ordnen und setten
wy: Welck wiff heimlich ein dot geletmatig kind
an de welt bringt und thovor nicht bekant ge-
wesen, dat se schwanger sy, desulve schal vor
eine overwisende und bekande morderyn ores
kindes geachtet und an ihrem liff und levende
gestrafft werden, werde aver eine ohre gelegen-
heit antogen und dannoch mit willen allein unde

ane hulpe anderer wiver ein geletmatig kint ge-
beren, so schal desulve nach gelegenheit darumb
gestrafft und ohr nicht leichtlich ane andere ver-
modinge gelovet werden, dat se overilet sy wor-
den.

So ock ein verdracht 18, dat se schwanger were
und se et nicht bekennig sin wolde, so schal sol-
ches unsern amptluden angesegt und durch se
verschaffet werden, dat de gelegenheit der ver-
dechtigen personen durch erfarne, geschickte
frouwen, wo sick gebort, erkundiget werde.

In urkunt solches alles obgeschrieben hebben
wi obgemelter furst unser kanzleisecret tho ende
dusser ordnung heissen drucken und in alle und
idere unsere ampte overantworden laten. Actum
nha der gebort Christi, unsers selichmachers, im
tausentfiffhundert und im dreyundverzigsten jar,
Donnerstag post Martini.

[Unterschrift des Herzogs Ernst nachgeahmt!
Secret fehlt.]

18 = Verdacht.