Evangelische Kirchenordnungen des XVI. Jahrhunderts

Wolfenbüttel

ten up den kneen edder stan, bet tho der lesten
segeninge, dewile singet men, wat överich is
vam lede eader me hevet mehr an, wenn vele
communicanten sind.

Doch wenn vele communicanten sind, so kan
men wol dat bevehel Christi na einander sin-
gen und geven des Heren brodt tho einer und
des Heren kelck thor andern siden des disches,
alse dat ein predicante thotrede in gemeinen
klederen und helpe.

Wenn se overst alle communiceret hebben
und sind up eren steden, so singen se und alle
volk tho Christo im hemmele dat düdesche Ag-
nus Dei 1 also:

[Noten:] Christe, du lam Gades, de du drechst
de sund der werlt, erbarm dick unser. [Ende der
Noten].

Thom drüdden male:

[Noten:] Giff uns dynen frede. Amen. [Ende
der Noten].

Volget darna de leste collecta also:
[Noten:] Lat uns beden 2. [Ende der Noten],

Wy danken dy, almechtige Here Got, dat du
uns dorch disse heilsame gave hast erquicket
und bidden dyne barmherticheit, dat du uns
sülcks gedyen latest tho starkem loven jegen dy
und tho berniger leve mank uns allen.

[Noten:] dorch unsen Heren Jesum Christum.
Amen. [Ende der Noten].

Denne keret he sick umb und gifft den com-
municanten und dem volke disse segeninge, be-
schreven Numeri 6 [24 f.]:

De Here segene dy und behöde dy.

De Here erlüchte syn angesichte över dy
und sy dy gnedich.

De Here heve syn angesichte up dy
[Noten:] und 2a geve dy frede. Amen. [Ende der
Noten].

Wenn nene communicanten sind, so schal me
dat sacramente nicht handelen, dat wy nicht

1 Ev. Kgb. Nr. 136; Wackernagel III, Nr. 619.
620. Zum Musikalischen s. Hdb. d. dtsch. ev.

Kirchenmusik, 1. Bd. 1. T. Nr. 87.

vallen in den gruweliken misbruck des sacra-
mentes Christi wedder synen bevehel. Doch wil-
len wy denne ock singen, beden, dankseggen,
lesen und lesen hören, predigen und predigen
hören des hilgendages, alse Christene scholen
nach aller wyse, alse de misse beschreven is
vor der predike. Na der predike mach men süst
wat gudes mit dem volke singen vele edder
wenich, eine collecta lesen und de leste bene-
dictio ane missegewand geven.

Finis coenae dominicae

Disse vorgeschreven ordeninge der missen
schal allerwegen so geholden werden. Up den
dörpern scholen de kerckheren yd ock also hol-
den und so vele alse en mögelick is, mit den
buren singen. Se mit eren köstern scholen sick
vliten, dat se den buren eindrechtich singen und
Got laven leren. Wenn se des hilgen dages na
der predike in der missen nene communicanten
hebben, so schal de kerckhere edder köster na
der predike de düdesche litania singen und ge-
wennen dat volk dartho, dat se fyn eindrech-
tich in der litania antwerden könen. Darup vol-
get eine düdesche collecta vor allerley not und
de leste benedictio dorch den kerckheren dem
volke gegeven. Dartho se alle antwerden: Amen.
Darmede sy id uthe.

Doch scholen de kerckheren, wenn se uth dem
catechismo prediken edder sust to syner tidt, dat
volk vlitich leren vom sacramente wedder den
gruweliken misbruk der vegevüresmissen, dar-
dorch werden de gelovigen gereizet und thoge-
locket, dat se gerne und vaken thom sacramente
gan. Mit nener andern wise schal men de lüde
tom sacramente dringen edder nödigen. De ar-
men sundere und sunderinnen, de sick na dem
evangelio tho Christo bekeren und gelöven, dat
Christus syn lyff vor uns in den todt gegeven
hefft und hefft im krütze syn bludt uthgegaten
tho vergevinge unser sunden, werden gerne und

2 Deutsche Messe 1526, Sehling I, 16. Zum Musi-
kalischen: Hdb. d. dtsch. ev Kirchenmusik,
1. Bd. 1. T. Nr. 361.

2a S. Hdb. der dtsch. ev. Kirchenmusik, 1. Bd.
1. T. Nr. 355.

58