DOI Page / Citation link:
https://doi.org/10.11588/diglit.30040#0379
Kirchenordnung 1528
Van den heveammen.
Vele ungevals 19 geschüt, dat rne nicht gude
heveammen hefft, besundergen by den armen
frauen, de nicht vormögen sick rechte hulpe to
schaffen, wente to tiden blivet dat kynd erbarm-
lick, to tiden ock leyder de moder. Wen sulck
uns Got toschicket ane unse vorsümenisse, dat
geve me em und sy gedüldich, wowol id weh
deyt unde eyn möt sick doch in sulkeme valle
befruchten, dat he wat vorsümet hefft.
Overs den id behöret, sulkeme valle vohr-
tokamen, werden sunder twivel schuldich, so se
nicht darto dohn. Darumme wil eyn erbar radt
dorch vorstendige wive vorschaffen unde darto
vorplichten so vele guder, erfarener heve-
ammen, alse van nöden hyr wert syn. Den
willen se betalen den hüstyns, unde de gemeynen
schatkasten scholen en geven des jares etlike
benömede hulpe. Darvor scholen se armen
frauen, de sus nichtes hebben, in den nöden
ummesus helpen. De frauen overs, de nicht so
ganz arm synt, scholen en geven, alse se plegen.
Wente sulck vordenst unde geschenke wert ore
meyste nerynge syn. De heveammen scholen
vordehlet syn in der stadt, dat me se balde
vinden kan.
Sulke heveammen, wen se angenamen synt,
scholen gewiset werden to deme superattenden-
ten edder to eyneme anderen prediger, dat se
leren, wat Gades wort bedrept in orer sake.
Int erste, wo se scholen tröstlick syn den
frauen, de der bört sick nalen 20, nemlick also,
dat de fraue vormanet und getrostet werde
mit dissen unde andern stucken. Se schal Gade
danken, dat he ehr darto geholpen hefft, dat
se mach eyne frucht dregen, mennige fraue
geve wol alle ore gud darumme, unde mach
ehr nicht weddervaren. Sulck is eyne segeninge
unde gave Gades, alse ock in der scrift steyt.
Item se schal weten, dat id eyner sulker
swangern frauen eyne grote unbegriplike hehr-
licheit is, dat Got sick sulvest voröthmödiget 21
unde is sulvest in moderlive mit syneme got-
19 = Unfall.
20 = gich nahen.
liken werke vorhanden, wente he scheppet jo
dar dat kyndeken mit synen egenen henden, alse
de Machabea sede to oren söven sönen, de umb
Gades willen vamme gotlosen koning gemartert
wurden, 2. Machab. 7 [22 f.], also ock de hilge
Geist datsulvige ganz fyn bescreven hefft late
imme 139. psalm [13 ff.]: Domine, probasti etc.
Item: Dat ehr Got wol wert helpen unde is
ane vare, darto schal se Got anropen unde
bidden unde nicht vorsümen to dohn, wat ehr
de heveamme bevehlet.
Item: se schal weten, wen se in angest unde
nöt kumpt, dat ehr Got gnedichlik sulk hefft
upgelecht, dön he to Even sprack Gen. 3 [16]:
Ick wil dy vele kummers toschaffen, wen du
schwanger werst, du scholt dyne kyndere mit
kummere tor werlt bringen. Is dat nicht gnedige
straffe? Ick höre wol, dat he vele secht van
kummere, he secht overs darby, dat he se wil
swanger maken unde ehr kyndere geven. Wor
is eyn wyff, dat sulcks nicht begeret, wen ock
noch so vele nöt vorhanden were? Wat nicht
kostet, dat gelt ock nicht. Darumme, wen dat
wyff nach Gades wörde lövet, dat ehr sulck
hefft Got gnedichlik upgelecht, angest unde nöt
edder ore krütze so to dregen, so hefft Got an
deme wive in oren groten nöden eyn gröt wol-
geval, alse he ock eyn unmetich wolgeval hedde
in syneme eyngebaren Söne, unseme Heren Jesu
Christo, dön he syn krutze druch unde moste
liden, wente Got, de Vader, hedde em dat sulven
upgelecht, deme was he gehorsam.
Wen ock eyne fraue up ungelucke scholde in
diser sake kamen, so schal se getröstet syn,
dat se werde gevunden imme werke unde imme
gehorsame Gades, ores leven Vaders.
Item: Se schal weten, dat sulke nöt balde
wert eynen ende nemen unde grote fröde na-
kamen, wen se wert sehn de gave Gades, dat
is de frucht ores lives, alse Christus spreckt
Jo. 16 [21]: Eyner frauen, wen se telet 22, wert
sere bange, wente ore stunde is gekamen. Wente
se overs dat kynd getelet hefft, denket se nicht
21 = demütigt.
22 = gebiert.
359
Van den heveammen.
Vele ungevals 19 geschüt, dat rne nicht gude
heveammen hefft, besundergen by den armen
frauen, de nicht vormögen sick rechte hulpe to
schaffen, wente to tiden blivet dat kynd erbarm-
lick, to tiden ock leyder de moder. Wen sulck
uns Got toschicket ane unse vorsümenisse, dat
geve me em und sy gedüldich, wowol id weh
deyt unde eyn möt sick doch in sulkeme valle
befruchten, dat he wat vorsümet hefft.
Overs den id behöret, sulkeme valle vohr-
tokamen, werden sunder twivel schuldich, so se
nicht darto dohn. Darumme wil eyn erbar radt
dorch vorstendige wive vorschaffen unde darto
vorplichten so vele guder, erfarener heve-
ammen, alse van nöden hyr wert syn. Den
willen se betalen den hüstyns, unde de gemeynen
schatkasten scholen en geven des jares etlike
benömede hulpe. Darvor scholen se armen
frauen, de sus nichtes hebben, in den nöden
ummesus helpen. De frauen overs, de nicht so
ganz arm synt, scholen en geven, alse se plegen.
Wente sulck vordenst unde geschenke wert ore
meyste nerynge syn. De heveammen scholen
vordehlet syn in der stadt, dat me se balde
vinden kan.
Sulke heveammen, wen se angenamen synt,
scholen gewiset werden to deme superattenden-
ten edder to eyneme anderen prediger, dat se
leren, wat Gades wort bedrept in orer sake.
Int erste, wo se scholen tröstlick syn den
frauen, de der bört sick nalen 20, nemlick also,
dat de fraue vormanet und getrostet werde
mit dissen unde andern stucken. Se schal Gade
danken, dat he ehr darto geholpen hefft, dat
se mach eyne frucht dregen, mennige fraue
geve wol alle ore gud darumme, unde mach
ehr nicht weddervaren. Sulck is eyne segeninge
unde gave Gades, alse ock in der scrift steyt.
Item se schal weten, dat id eyner sulker
swangern frauen eyne grote unbegriplike hehr-
licheit is, dat Got sick sulvest voröthmödiget 21
unde is sulvest in moderlive mit syneme got-
19 = Unfall.
20 = gich nahen.
liken werke vorhanden, wente he scheppet jo
dar dat kyndeken mit synen egenen henden, alse
de Machabea sede to oren söven sönen, de umb
Gades willen vamme gotlosen koning gemartert
wurden, 2. Machab. 7 [22 f.], also ock de hilge
Geist datsulvige ganz fyn bescreven hefft late
imme 139. psalm [13 ff.]: Domine, probasti etc.
Item: Dat ehr Got wol wert helpen unde is
ane vare, darto schal se Got anropen unde
bidden unde nicht vorsümen to dohn, wat ehr
de heveamme bevehlet.
Item: se schal weten, wen se in angest unde
nöt kumpt, dat ehr Got gnedichlik sulk hefft
upgelecht, dön he to Even sprack Gen. 3 [16]:
Ick wil dy vele kummers toschaffen, wen du
schwanger werst, du scholt dyne kyndere mit
kummere tor werlt bringen. Is dat nicht gnedige
straffe? Ick höre wol, dat he vele secht van
kummere, he secht overs darby, dat he se wil
swanger maken unde ehr kyndere geven. Wor
is eyn wyff, dat sulcks nicht begeret, wen ock
noch so vele nöt vorhanden were? Wat nicht
kostet, dat gelt ock nicht. Darumme, wen dat
wyff nach Gades wörde lövet, dat ehr sulck
hefft Got gnedichlik upgelecht, angest unde nöt
edder ore krütze so to dregen, so hefft Got an
deme wive in oren groten nöden eyn gröt wol-
geval, alse he ock eyn unmetich wolgeval hedde
in syneme eyngebaren Söne, unseme Heren Jesu
Christo, dön he syn krutze druch unde moste
liden, wente Got, de Vader, hedde em dat sulven
upgelecht, deme was he gehorsam.
Wen ock eyne fraue up ungelucke scholde in
diser sake kamen, so schal se getröstet syn,
dat se werde gevunden imme werke unde imme
gehorsame Gades, ores leven Vaders.
Item: Se schal weten, dat sulke nöt balde
wert eynen ende nemen unde grote fröde na-
kamen, wen se wert sehn de gave Gades, dat
is de frucht ores lives, alse Christus spreckt
Jo. 16 [21]: Eyner frauen, wen se telet 22, wert
sere bange, wente ore stunde is gekamen. Wente
se overs dat kynd getelet hefft, denket se nicht
21 = demütigt.
22 = gebiert.
359