Evangelische Kirchenordnungen des XVI. Jahrhunderts

Braunschweig

unde prediget dat evangelion allen creaturen,
unde alse Paulus secht [2. K 3, 6]: Wy hebben
dat ampt des Geistes unde nicht des böckstaves.

Wy laten uns dorch apostele edder prestere
unde denere dat evangelion prediken, döpen
unde dat sacramente geven, overs löven deme
evangelio unde de sacramente nemen kumpt
uns to so wol alse en, unde is neyn under-
scheyd. Imme predigende unde gevende synt
se unse denere, imme lövende unde nemende
synt se uns gelyck, so se anders willen Chri-
stene syn unde christlick handelen unde nicht
deme unlövigen apostele Judase navolgen. De
apostele hebben neyn ander evangelion, deme
se scholen löven, wen wy hebben, se hebben
neyne andere döpe, darmede se scholen gedöfft
syn, wen wy hebben, se hebben neyn ander
sacramente, dat se to sick nemen, wen wy
hebben. Se hebben neyn ander bevehl vamme
loven unde sacramenten antonemen wen wy
hebben. Mit deme predigende synt se apostele
unde bisschoppe edder parnere, mit deme lövende
unde sacramente to nemende synt se discipuli,
dat is jungere Christi alse wy synt.

Jungere heten scholere, de under eynen
scholemeystere leren. Jungere Christi synt alle
Christene, de dat evangelion Christi gerne willen
leren unde öreme meystere Christo gerne hören
unde volgen, alse ock Christus secht to den
apostelen unde to allen Matt. 23 [8]: Eyn is
jue meyster, alse Christus, overs gy alle synt
brödere etc. Darumme schole wy ock van em
geleret werden dorch der denere predige unde
nemen dat evangelion unde de sacramente jo
anders nicht an, wen uns Christus bevalen
hefft, dat wy uns waren vor deme sürdege,
dat is vor der lögenlere, de de phariseer unde
sadduceer mitmank mengen, to vorvelschen dat
reyne brot, dat is dat lutter evangelion Christi,
alse uns Christus wernet Matth. 16 [6. 11 f.].

Id is schande, dat etlike willen Christene
heten unde vorderen doch, dat me sulk apen-
bare dink schal wedder de losen lögenpredi-
gen bewisen. Imme Paulo 1. Corin. 10 unde 11
is id jo klär, wo uns allen Christus dat sacra-
mente synes lives unde bludes under deme

brode unde wine bevalen unde gegeven hefft
unde wo de apostele de Christene hebben van
disseme sacramente geleret unde wo de Chri-
stene dat sacramente nach der apostelen lere
gebruket hebben — ach, Here Got, vele anders
wen nu de papen leren. Id is amme dage,
sehe wol to. Paulus secht där [1. K 11, 23]: Ick
hebbe id genamen vamme Heren (alse eyn
junger), dat ik ju ock gegeven edder geleret
hebbe (alse eyn apostel), dat de Here Jesus in
der nacht, dön he vorraden wärt, nam dat
bröt etc. Dar leret Paulus unde gifft en den
bevehl Christi vamme sacramente nach alleme
lude mit etende unde drinkende, alse Chri-
stus imme letsten aventmale bevalen hadde.

De Christene to Corintho weren jo neyne
apostele, se weren ock jo nicht alle prestere.
Doch we Christum nicht hören wil unde syn
junger syn edder der apostelen lere, de id van
Christo genamen hebben, nicht volgen wil, de
mach hennevaren.

We nu eyn junger edder scholer des eynigen
meysters Christi is, dat is, de gerne syn evan-
gelion hören wil unde navolgen, so vele alse
Got gnade gifft, de höret to disseme sacramente.
Wente Christus hefft dit sacramente synen jun-
geren, den groten unde den kleynen, gegeven.

Synt overs mank uns, de den schyn hebben
alse jungere Christi unde hebben eyn valsch
herte to deme evangelio, de hören in Ju-
das register, welke Paulus nömet valsche
brödere [Gal 2, 4], unde Johannes secht [1. Joh 2,
19]: Se synt van uns gekamen, overs nicht
van uns geweset. Sulken konen wy, dewile se
imme schyne gut synt, nicht wehren, dat se
mit uns tome sacramente gän, alse Christus
ock deme Judas nicht wehren wolde, wowol id
syne vordömenisse was. De overs apenbare
schande anrichten unde willen sick nicht bete-
ren, van den is gesecht, dön gesecht wärt
vamme banne.

Tom anderen: wen du eyn junger Christi
bust, so darvestu nicht wide denken, wo du
dick mögest sulven pröven unde werdich eten
unde drinken. Höre, wat dyn meister Christus
dy hyr leret unde bevehlet, unde pröve dick

412